សញ្ញាទាំង ៤ របស់បុរសស្មោះស្នេហ៍ មនុស្សស្រីណាបានជួប សំណាងធំក្នុងជីវិត
បុរសស្មោះស្ម័គ្រ នឹងចាត់ទុកភរិយាជានៅលេខរៀងទី១ជានិច្ច។ ដូច្នេះហើយមិនថារវល់ប៉ុនណាទេ ក៏ពួកគេឆ្លៀតពេលនៅជាមួយ និងមើលថែប្រពន្ធបានយ៉ាងល្អ។
១. តែងតែឱបប្រពន្ធរៀងររាល់យប់ពេលចូលគេង
ការឱបបង្ហាញពីអារម្មណ៍ស្មោះត្រង់ ដែលបុរសប្រើជំនួសឱ្យពាក្យថាស្រឡាញ់។ នៅពេលដែលមនុស្សប្រុសមានសហាយស្មន់ ពួកគេនឹងធ្វើកិច្ចការជាច្រើនដើម្បីលាក់បាំងអំពើក្បត់ទាំងនោះ។ ប្រហែលជាបុរសនឹងធ្វើពុតជាស្និទ្ធស្នាល យកចិត្តអ្នក ប៉ុន្តែរឿងមួយប្រាកដណាស់ បុរសនឹងមិនអាចឱបប្រពន្ធបានទៀតទេ។ បន្ទាប់ពីបញ្ចប់ការងារ បុរសនោះនឹងដេកបែរខ្នងដាក់ប្រពន្ធ។
ស្ត្រីតែងតែចង់ទទួលបានភាពកក់ក្តៅ និងភាពរឹងមាំនៅក្នុងរង្វង់ដៃប្តីរបស់ពួកគេ។ ហេតុដូច្នេះហើយ បានជាប្ដីដែលស្មោះត្រង់នឹងតែងមានទម្លាប់ឱបប្រពន្ធរាល់ពេលចូលគេង។ គ្រាន់តែចង់មានប្រពន្ធក្បែរខ្លួនពេលគេងលក់។ ម៉្យាងវិញទៀត វិទ្យាសាស្រ្តក៏បានបង្ហាញឱ្យឃើញដែរថា ពេលឱបមនុស្សដែលខ្លួនស្រលាញ់ក្នុងពេលគេង នោះដំណេកនឹងកាន់តែស៊ីជម្រៅ ដែលទំនាក់ទំនងរវាងស្វាមី និងភរិយានឹងកាន់តែមានភាពកក់ក្តៅ និងរីករាយជាងមុន។
២. តែងតែផ្តល់ពេលវេលាសម្រាប់ប្រពន្ធ
បុរសស្មោះត្រង់នឹងតែងតែចាត់ទុកភរិយារបស់ខ្លួន នៅលំដាប់លេខរៀងទី១ជានិច្ច។ ដូច្នេះហើយ មិនថារវល់យ៉ាងណា ក៏ពួកគេឆ្លៀតពេលនៅជាមួយ មើលថែ និងជួយកិច្ចការងារផ្ទះរបស់ប្រពន្ធដែរ។ គេនឹងឧស្សាហ៍នាំប្រពន្ធទៅដើរទិញឥវ៉ាន់ ឬធ្វើដំណើរកម្សាន្ត។ បុរសម្នាក់ដែលឱ្យតម្លៃគ្រួសារនឹងមិនផឹកស៊ី ផ្ដេសផ្ដាស មិនដើរចោលផ្ទះ មិនធ្វើឱ្យប្រពន្ធគ្រាំចិត្តឡើយ។
៣. ជួយធ្វើកិច្ចការងារផ្ទះប្រពន្ធ
បុរសដែលស្រឡាញ់ប្រពន្ធខ្លួនពិតប្រាកដ មិនចង់ឱ្យស្ត្រីខ្លួនទទួលបន្ទុកច្រើនពេកទេ។ ទោះបីគាត់ចេញទៅដឹកនាំបុគ្គលិករាប់ពាន់នាក់ក៏ដោយ ពេលត្រលប់មកផ្ទះវិញ គាត់តែងតែឆ្លៀតពេលមើលថែ និងធ្វើកិច្ចការផ្ទះជាមួយប្រពន្ធ។ នេះក៏ជាអាថ៌កំបាំងក្នុងការរក្សាចំណងអាពាហ៍ពិពាហ៍ផងដែរ ព្រោះប្ដីប្រពន្ធមានពេលនិយាយគ្នាច្រើនជាងមុន។
៤. តែងតែកាន់ដៃប្រពន្ធរាល់ពេលចេញទៅក្រៅ
សញ្ញាមួយដែលឃើញបុរសស្មោះត្រង់ គឺត្រូវកាន់ដៃប្រពន្ធជានិច្ច ពេលចេញក្រៅ។ នេះត្រូវបានគេចាត់ទុកថា ជាសកម្មភាពសាមញ្ញមួយ ប៉ុន្តែធ្វើឱ្យមនុស្សស្រីមានអារម្មណ៍សប្បាយចិត្តជាខ្លាំង។
ការកាន់ដៃគ្នាជាមួយប្រពន្ធ មិនមែនដើម្បីបង្ហាញពីការហួងហែងរបស់គាត់នោះទេ ប៉ុន្តែដើម្បីឱ្យអ្នកដទៃកោតសរសើរ ចំពោះសេចក្តីស្រឡាញ់របស់គាត់ចំពោះប្រពន្ធរបស់គាត់។ សកម្មភាពសាមញ្ញៗ ប៉ុន្តែវាគ្រប់គ្រាន់ដើម្បីជួយស្ត្រីឱ្យដឹងថា អ្នកណាជាប្តី ដែលពួកគេអាចប្រគល់ខ្លួនឱ្យដោយសុវត្ថិភាព៕
ប្រភព ៖ បរទេស / Knongsrok
ព័ត៌មានថ្មីៗ
