មនុស្សស្រីចាប់ផ្ដើមផិតក្បត់ ចូលចិត្តនិយាយពាក្យ ៣ ឃ្លានេះណាស់ សង្កេតឱ្យច្បាស់ អ្នកនឹងដឹងមិនខាន
នៅពេលដែលស្ត្រីលែងឱ្យតម្លៃលើអាពាហ៍ពិពាហ៍ និងគ្រួសារ នាងតែងតែនិយាយដោយអចេតនាយ៉ាងខ្លាំង។ យ៉ាងណាមិញ ពាក្យទាំង ៣ ឃ្លាខាងក្រោម ប្រសិនបើចេញពីមាត់មនុស្សស្រីហើយនោះ វាក៏បញ្ជាក់ឱ្យឃើញថា នាងកំពុងតែអស់ចិត្តពីប្ដី ហើយក៏កំពុងតែលួចលាក់ មានអ្នកថ្មីផងដែរ។
១. "ខ្ញុំមិនចាប់អារម្មណ៍ទេ កុំប៉ះខ្ញុំទៀត"
មនុស្សប្រុសស្រលាញ់ប្រពន្ធ គេគ្រប់គ្នាចង់នៅជិតប្រពន្ធ។ មនុស្សស្រីស្រលាញ់ប្តី ក៏ចង់នៅជិតប្តី ដើម្បីឱ្យអារម្មណ៍របស់ភាគីទាំងសងខាងមានភាពស្និទ្ធស្នាលនឹងគ្នាដែរ។ ប៉ុន្តែពេលស្ត្រីមានស្នេហាលួចលាក់ នាងក៏ចាប់ផ្ដើមធុញទ្រាន់នឹងប្តី ហើយនាងក៏តែងតែនិយាយថា កុំប៉ះនាង។ នៅក្នុងក្រសែភ្នែករបស់នាង អ្នកជាមនុស្សអាក្រក់ និងគួរឱ្យធុញ ហើយនាងនឹងមិនអនុញ្ញាតឱ្យអ្នកប៉ះនាងឡើយ។ ទំនាក់ទំនងរវាងអ្នកទាំងពីរ នឹងមិនចុះសម្រុងដូចមុនឡើយ ។
ពេលមនុស្សស្រីមានស្នេហាខាងក្រៅ នាងច្បាស់ជាធុញនឹងអ្នកខ្លាំង ហើយមិនអនុញ្ញាតឱ្យអ្នកនៅក្បែរនាងទៀតទេ។ នៅក្នុងក្រសែភ្នែករបស់នាងនៅពេលនេះ អ្នកគឺជាមនុស្សដែលពោរពេញដោយបញ្ហា ឃើញអ្នក នាងនឹងមានការខ្ពើមរអើម ទំនាក់ទំនងនឹងពិតជាស្ងប់ និងឃ្លាតឆ្ងាយពីគ្នាបន្តិចម្ដងៗ។
ដូច្នេះហើយ នៅពេលដែលនាងមានអ្នកថ្មី នាងនឹងមានទម្លាប់និយាយថា "ខ្ញុំមិនស្រួលខ្លួនទេ ពេលឃើញអ្នក អារម្មណ៍ខ្ញុំមិនល្អ កុំប៉ះខ្ញុំទៀត"។ នាងធុញទ្រាន់នឹងការនៅក្បែរអ្នក ដូច្នេះនាងតែងតែឆាប់ខឹង ពិបាក និងមិនចង់និយាយ។ ពេលនេះសម្រាប់នាង មានតែប្រុសខាងក្រៅទេដែលសំខាន់បំផុត។ មិនសប្បាយចិត្តពេលឃើញអ្នក តែងតែជេរស្តីបន្ទោសអ្នក រករឿងអ្នកដែលមិនធ្វើឱ្យនាងសប្បាយចិត្ត។
២. ហេតុអ្វីបានជាអ្នកមិនអាចល្អដូចប្តីគេ ស្ដាយដែលរៀបការជាមួយអ្នក
បើមនុស្សស្រីប្រព្រឹត្តអំពើផិតក្បត់ ក្បត់ប្តីក្បត់កូន នាងតែងតែមានអារម្មណ៍ធុញទ្រាន់មិនខាន។ នាងនឹងប្រៀបធៀបអ្នកជាមួយប្តីអ្នកដទៃ ហើយគិតថាអ្នកអន់ជាងគេ មិនស្មើនឹងលោក A ឬលោក B នោះហើយជាមូលហេតុដែលនាងតែងតែនិយាយអំពីប្តីអ្នកដទៃ ហើយឆ្ងល់ថា ហេតុអ្វីបានជាអ្នកមិនល្អដូចគាត់។
កុំគិតថានាងខឹងត្រឹមតែមួយគ្រាឱ្យសោះ។ ប្រហែលជានាងកំពុងព្យាយាមរកវិធីធ្វើឱ្យអ្នកមិនសប្បាយចិត្ត ខឹង ដើម្បីឱ្យអ្នកទាំងពីរឈ្លោះគ្នា ហើយប្រើវាជាលេសដើម្បីចេញទៅរកអ្វីដែលថ្មី។ សញ្ញាមួយនេះ អាចនិយាយបានថា ស្ត្រីនោះបានផិតក្បត់ អ្នកច្បាស់ណាស់ ។
៣. ចាប់ពីពេលនេះទៅ កុំខ្វល់ពីខ្ញុំទៀត នៅរៀងៗខ្លួនទៅ
ពេលប្ដីប្រពន្ធនៅតែសុខដុមរមនា អ្នកទាំងពីរខ្វល់ពីគ្នាណាស់ ហើយប្រាប់គ្នាគ្រប់យ៉ាង។ ប៉ុន្តែបន្ទាប់ពីស្ត្រីវ័យកណ្តាលមានទំនាក់ទំនងស្នេហាខាងក្រៅ នាងនឹងគូសបន្ទាត់ច្បាស់លាស់ជាមួយអ្នក។ ក្នុងជីវិតនាង នឹងមិនអនុញ្ញាតឱ្យអ្នកគ្រប់គ្រងនាងឡើយ ទោះបីជាអ្នកយកចិត្តទុកដាក់ប៉ុនណាក៏ដោយ។
ការលះបង់របស់អ្នកសម្រាប់នាង គឺគ្មានន័យអ្វីទៀតទេ។ ដូច្នេះហើយ នាងតែងតែនិយាយថា ៖ «អ្នកមិនបាច់បារម្ភទៅថ្ងៃមុខទេ ចូរយើងរស់នៅរៀងៗខ្លួនទៅ»។ ស្ត្រីផិតក្បត់ដោយហេតុផលជាច្រើន។ តែបើនាងនិយាយពាក្យទាំងនេះហើយនោះ ច្បាស់ណាស់ថា នាងមិនស្រឡាញ់អ្នកទៀតទេ៕
ប្រភព ៖ បរទេស / Knongsrok
ព័ត៌មានថ្មីៗ
