មនុស្សស្រី ៣ ប្រភេទ ហ៊ានតែរៀបការ នឹងរងទុក្ខវេទនាមួយជីវិត
មនុស្សស្រីដែលមានចរិតទាំង ៣ ខាងក្រោមនេះ បើសិនជាសម្រេចចិត្តរៀបការ មួយជីវិតនេះ នាងនឹងមានតែទុក្ខវេទនា គ្រាំគ្រាចិត្តតែប៉ុណ្ណោះ បើអ្នកមានលក្ខណៈទាំង ៣ ខាងក្រោមនេះ យកល្អកុំរៀបការអី ឬអាចកែប្រែឱ្យបានលឿនរឹតតែល្អ។
១. បាត់បង់ភាពជាខ្លួនឯង
នៅពេលដែលភរិយាយកចិត្តទុកដាក់លើស្វាមីខ្លាំងពេក ដោយចាត់ទុកគាត់ និងក្រុមគ្រួសាររបស់ស្វាមីជាពិភពលោកទាំងមូល នាងប្រាកដជាបាត់បង់ខ្លួនឯងជាមិនខាន។ ចំណង់ចំណូលចិត្ត ភាពរីករាយ និងទម្លាប់របស់នាងក៏នឹងធ្វើតាមស្វាមីរបស់នាងដែរ។ បើប្ដីសប្បាយចិត្ត ប្រពន្ធក៏សប្បាយ បើប្ដីអត់ចិត្ត មិនគិត មិនខ្វល់ពីនាង នាងច្បាស់ជាដេកមិនលក់ពេញមួយយប់។
ស្ត្រីម្នាក់ដែលបាត់បង់ភាពខ្លួនឯងក្នុងអាពាហ៍ពិពាហ៍ នឹងលែងមានមិត្តភ័ក្តិ លែងចាប់អារម្មណ៍នឹងចំណង់ចំណូលចិត្តរបស់ខ្លួន លែងខ្វល់ពីខ្លួនឯង ប៉ុន្តែលះបង់អ្វីៗទាំងអស់ដែលនាងមានចំពោះប្តីរបស់នាង។ បន្តិចម្ដងៗ ប្រពន្ធក៏ប្រែជាមនុស្សស្រីកើតជំងឺទុក្ខព្រួយ គិតតែពីខ្វល់ខ្វាយ ដែលជាហេតុធ្វើឱ្យប្ដីចាប់ផ្ដើមមើលងាយ និងធុញទ្រាន់ចំពោះនាងជាខ្លាំង។
២. គិតតែពីលះបង់ ដោយពុំដែលទទួលបានអ្វីមកវិញ
ស្ត្រីតែងគិតថា អ្វីដែលនាងត្រូវធ្វើគឺ លះបង់គ្រប់បែយ៉ាងដើម្បីប្ដី និងកូន ហើយនាងយល់ថា ការលះបង់នោះ នឹងទទួលបានអ្វីដែលសំខាន់ត្រឡប់មកវិញ។ ប៉ុន្តែតាមពិតទៅ មានប្រពន្ធជាច្រើនដែល ទោះជាលះបង់គ្រប់យ៉ាងឱ្យប្តី និងកូនក៏ដោយ ក៏នៅតែត្រូវប្តីក្បត់ចិត្តដដែល។
ការលះបង់អ្វីៗគ្រប់យ៉ាងដែលអ្នកមាន ដោយសង្ឃឹមថានឹងអាចសងត្រឡប់នៅពេលក្រោយ គឺដូចជាការលេងល្បែងភ្នាល់មួយ ដែលគ្មានសង្ឃឹមថានឹងឈ្នះអ៊ីចឹង។ ហេតុអ្វីមិនប្រើផ្លូវងាយស្រួលជាងនេះ? ប្ដីប្រពន្ធខំរួមគ្នា នឹងទទួលជាថ្នូរនូវការស្រឡាញ់ មើលថែគ្នាជារៀងរាល់ថ្ងៃ។ ដូច្នេះបើទោះជួបរឿងអាពាហ៍ពិពាហ៍ក៏ដោយ ក៏ប្រពន្ធនៅតែមានទំនុកចិត្ត និងឯករាជ្យ អាចញញឹមដើរចេញដោយបន្សល់ទុកនូវភាពសោកស្ដាយចំពោះស្វាមី ដែលមិនស្មោះចំពោះនាង ។
៣. ទន់ជ្រាយពេក
មុនពេលមានរឿងផិតក្បត់ មនុស្សមួយចំនួនសម្រេចចិត្តអត់ទោស ហើយបន្តទៅមុខទៀត។ ប៉ុន្តែមានរឿងមួយប្រាកដណាស់ ការអភ័យទោស អាចត្រូវផ្ដល់ឱ្យ លុះត្រាតែភាគីម្ខាងទៀតចេះកែប្រែ កែកំហុសដោយចិត្តស្មោះ ហើយមិនធ្វើវាឡើងវិញម្ដងទៀត។
ទោះជាយ៉ាងនេះក្តី មានប្រពន្ធច្រើនណាស់ ព្រោះតែគេទន់ជ្រាយពេក នៅតែអភ័យទោសឱ្យប្ដីម្ដងហើយម្ដងទៀត ចំពោះអំពើផិតក្បត់ដដែលៗ។ ពេលអ្នកជ្រើសរើសផ្លូវមួយនេះ អ្នកត្រូវត្រៀមចិត្តថា ផ្លូវនៅខាងមុខនឹងពោរពេញទៅដោយទុក្ខ និងមិនមានក្ដីសុខឡើយ។ សម្រាប់អ្នកដែលមិនដឹងពីកំហុសរបស់ខ្លួន ហើយខ្វះការប្រែចិត្តដោយស្មោះ មិនយូរមិនឆាប់ គាត់នឹងដើរតាមផ្លូវដដែលម្តងទៀត ហើយអ្នកក៏នៅតែជាមនុស្សដែលឈឺចាប់ដដែល៕
អត្ថបទ ៖ បរទេស / Knongsrok
ព័ត៌មានថ្មីៗ
