ល្ងង់បំផុត! មនុស្សស្រីដែលចូលចិត្តអួតរឿង ៣ យ៉ាងនេះ
មានតែមនុស្សស្រីល្ងង់ទេ ដែលចូលចិត្តបង្អួតខ្លួន ជាពិសេសគឺ អួតរឿង ៣ យ៉ាងខាងក្រោមនេះ ព្រោះមនុស្សស្រីឆ្លាតតែងតែបន្ទាបខ្លួន និងពោរពេញដោយការគោរពចំពោះខ្លួនឯង ដោយមិនបញ្ចេញ បង្ហាញ បង្អួតនោះឡើយ។
១. បង្អួតរួបរាងខ្លួនច្រើន ដើម្បីឱ្យមានភាពស្រស់ស្អាត និងទាក់ទាញ
ស្ត្រីដែលមានប្រាជ្ញា និងចេះគោរពខ្លួនឯង នឹងមិនបង្ហាញរូបរាង ពណ៌សម្បុរស្បែកបែបអសុរោះឡើយ។ របៀបនៃការស្លៀកពាក់ នឹងបង្ហាញទស្សនៈពិភពលោកដំបូង បន្ទាប់មកនិស្ស័យ និងកិត្យានុភាពរបស់ស្ត្រីនៅក្នុងក្រសែភ្នែកអ្នកដទៃ។
ស្ត្រីដែលស្លៀកពាក់ជ្រុលហួសហេតុពេក នឹងធ្វើឱ្យអ្នកដទៃមើលស្រាលតាំងពីជួបគ្នាដំបូង។ គេនឹងវាយតម្លៃនារីដែលចូលចិត្តបង្អួតរូបរាង ហើយញ៉ែលេងកំដរអារម្មណ៍។ ស្ត្រីដែលមានសុជីវធម៌ ស្លៀកពាក់សមរម្យ ថ្លៃថ្នូរ ហើយនៅតែគោរពតួខ្លួន គឺល្អឥតខ្ចោះ និងគួរឱ្យគោរពបំផុត។
មិនត្រឹមតែប៉ុណ្ណឹងទេ របៀបនៃការស្លៀកពាក់ក៏ជាចំណុចទាក់ទាញថាមពលល្អ និងអាក្រក់របស់មនុស្សស្រីផងដែរ។ វាមិនមែនមានន័យថា ប្រសិនបើអ្នកស្លៀកពាក់ត្រឹមត្រូវ អ្នកនឹងមិនជួបមនុស្សអាក្រក់នោះទេ។ ប៉ុន្តែការស្លៀកពាក់ដែលស៊ិចស៊ីខ្លាំងពេកប្រាកដជាទាក់ទាញចំណាប់អារម្មណ៍អ្នកដែលមានបំណងអាក្រក់មិនខាន។
២. មនុស្សស្រីដែលចូលចិត្តអួតរឿងលុយកាក់ សម្ភារៈនិយម
ចាស់ៗតែងនិយាយថា “ធុងទទេច្រើនតែឮខ្លាំង”។ អ្នកមានពិតប្រាកដ គេមិនអួតសម្ញែងរឿងលុយកាក់ មាសប្រាក់ ឬសម្ភារៈនិយមឡើយ ព្រោះថាទ្រព្យសម្បត្តិពិតនោះនឹងបង្ហាញតាមរយៈនិស្ស័យ អាកប្បកិរិយា និងការងារថ្លៃថ្នូរ។ បុគ្គលដែលព្យាយាមបង្អួតទ្រព្យសម្បត្តិរបស់ខ្លួន នឹងមិនមាននិស្ស័យប្រណិត និងថ្លៃថ្នូរឡើយ ហើយមិនដែលទទួលបានការគោរព និងកោតសរសើរឡើយ។
ផ្ទុយទៅវិញ គាត់នឹងត្រូវអង្រួនក្បាលដោយមិនបង្ហាញការគោរព។ ជាពិសេសបើចូលចិត្តបង្អួតរឿងលុយច្រើន ត្រូវប្រយ័ត្ននឹងជានុយល្អសម្រាប់ចោរ។ ដូច្នេះអ្នកកំពុងនាំមកនូវគ្រោះមហន្តរាយដល់ខ្លួនឯង និងគ្រួសារផងដែរ។
៣. អួតតែរឿងប្ដី
ជីវិតមនុស្សស្រីដែលរកបានប្តីល្អ គឺជាពរជ័យ និងផលបុណ្យដ៏ល្អប្រសើរ។ ទោះជាយ៉ាងណាក៏ដោយ អ្វីដែលអ្នកអួតនោះ វាងាយនឹងបាត់បង់។ ធ្លាប់ឮពាក្យថា ១ម៉ែត្រការ៉េ ចោរ១០នាក់ហើយឬនៅ? អ្វីៗគ្រប់យ៉ាងអាចកើតឡើងបានគ្រប់ពេល នៅក្នុងជីវិតនេះ។
ស្វាមីរបស់អ្នក គឺស្អាតល្អហើយ អ្នកដឹងថាមិត្តជិតស្និទ្ធរបស់អ្នកដឹងថាគ្រួសាររបស់អ្នកមានក្ដីសុខសុភមង្គលណាស់។ មិនចាំបាច់អួតច្រើនទេ ការដែលអ្នកអួតពីប្ដីពេក អាចនឹងធ្វើឱ្យប្ដីបានចិត្ត ជាពិសេសនោះគឺ អាចនឹងធ្វើឱ្យអ្នកក្បែរខ្លួនកើតចិត្តច្រណែន ហើយអាចនឹងចូលខ្លួនធ្វើអ្នកទីបី បំបែកបំបាក់គ្រួសារអ្នកដោយងាយ៕
ប្រភព ៖ បរទេស / Knongsrok
ព័ត៌មានថ្មីៗ
