ហូបចុកត្រូវប្រុងប្រយ័ត្នបន្តិច! ផ្ទុះឡើងនៃជំងឺលីស្តឺរីយ៉ូហ្សុីស(Listeriosis )នៅក្នុងផ្សិតម្ជុល
ការផ្ទុះឡើងនៃជំងឺលីស្តឺរីយ៉ូហ្សុីស (Listeriosis) ត្រូវបានរកឃើញដំបូងឡើងនៅក្នុងខែវិច្ឆិកា ឆ្នាំ២០២២ ហើយមកទល់ឥឡូវ អ្នកជំនាញបានរកឃើញថាប្រភពនៃជំងឺលីស្តឺរីយ៉ូហ្សុីស (Listeriosis)មួយនេះមាននៅក្នុងផ្សិតម្ជុលនាំចូលពីប្រទេសចិន។
តើអ្វីទៅជាជំងឺលីស្តឺរីយ៉ូហ្សុីស (Listeriosis)?
វាជាជំងឺមួយប្រភេទដែលបង្កឡើងដោយការបរិភោគចំណីដែលមានផ្ទុកបាក់តេរីឈ្មោះ Listeria monocytogenes ដែលបាក់តេរីប្រភេទនេះ ភាគច្រើនមាននៅក្នុងអាហារឆៅមួយចំនួន។ អ្នកដែលងាយប្រឈមនឹងជំងឺនេះជាងគេគឺស្រ្តីមានផ្ទៃពោះ ជនចាស់ជរានិងបុគ្គលដែលមានប្រព័ន្ធការពារខ្សោយ។
រោគសញ្ញានៃជំងឺលីស្តឺរីយ៉ូហ្សុីស(Listeriosis) អាចមានដូចជារាគ ក្តៅខ្លួន វង្វេងវង្វាន់ជាដើម។ ចំពោះស្រ្តីមានផ្ទៃពោះអាចបាត់បង់គភ៌ឬអាចបាត់បងជីវិតទៀតផង។
ផ្សិតម្ជុលគឺជាគ្រឿងផ្សំដែលគេភាគច្រើនយកទៅដាក់ក្នុងស៊ុបឬបំពងជាដើម ហើយការចម្អិនបានត្រឹមត្រូវអាចសម្លាប់ពពួកបាក់តេរីទាំងអស់នោះបាន។ យ៉ាងណាមិញ វានៅតែស្ថិតនៅក្រោមការតាមដានរបស់រដ្ធាភិបាលរបស់មជ្ឈមណ្ឌលត្រួតពិនិត្យ និងបង្ការជំងឺឆ្លង (CDC )។
ដូចនេះ សូមមានការប្រុងប្រយ័ត្នក្នុងការចម្អិនឬបរិភោគទាំងអស់គ្នា៕
ប្រភព៖ CDC
អត្ថបទដោយ៖ Nuth
រូបភាព៖ CDC
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
