ជំពាក់គេលុយមិនសង កម្មផលតបស្នងគួរអោយខ្លាច
ក្រដាសប្រាក់មួយសន្លឹកអាចឲ្យយើងសាងបាបទាំងមិនដឹងខ្លួន បើជំពាក់ប្រាក់មិនសងទេ កម្មផលមានពិតគួរឲ្យខ្លាច រឿងជំពាក់ប្រាក់នេះ ជឿជាក់ថាអ្នកទាំងអស់គ្នាសុទ្ធតែបានជួប មានអ្នកខ្លះសង មានអ្នកខ្លះមិនសង តើចង់ដឹងថាកម្មផលគួរឲ្យខ្លាចប៉ុណ្ណាសូមអានរឿងនិទានខាងក្រោមនេះ ៖
មានគ្រួសារមួយមានទ្រព្យសម្បត្តិស្តុកស្តម្ភ មានថ្ងៃមួយ ក៏បានយល់សប្តិចម្លែក ក្នុងសប្តិឃើញមនុស្សប្រុសម្នាក់ដើរមកប្រាប់គាត់ថា ៖ លោកជំពាក់ប្រាក់ខ្ញុំ១៤០០០ ឆាប់សងខ្ញុំវិញមក!
អ្នកមានរូបនោះឈរភ្លឹកមិនទាន់ហាមាត់ឆ្លើយផង បុរសដែលទារបំណុលនោះក៏បានដើរចូលក្នុងផ្ទះគាត់បាត់ទៅ។
ពេលភ្ញាក់ឡើង ប្រពន្ធរបស់គាត់ក៏បានបង្កើតកូនប្រុសម្នាក់។
អ្នកមានម្នាក់នោះក៏ភ្ញាក់ព្រើត គាត់ដឹងថាកូនប្រុសគាត់ម្នាក់នេះគឺជាព្រលឹងមកទារបំណុល ប៉ុន្តែក៏ដោយសារមាននិស្ស័យពីជាតិមុន ក៏មិនដឹងថាធ្វើយ៉ាងម៉េចដែរ។
ដូច្នេះ គាត់ក៏បានដកប្រាក់១៤០០០ទុកដោយឡែក ឲ្យតែជាការចំណាយរបស់កូនប្រុសគាត់មិនថាជាថ្លៃហូបចុកស្លៀកពាក់ថ្នាំសង្កូវអ្វីនោះទេ សុទ្ធតែដកចេញពីប្រាក់១៤០០០ នោះ។
ពេលកូនប្រុសគាត់អាយុជាង៣ គាត់បានទៅពិនិត្យមើលថាប្រាក់នោះសល់ប៉ុន្មាន ចាប់អារម្មណ៍ថាប្រាក់នោះនៅសល់តែជាង៧០០តែប៉ុណ្ណោះ។
ចៃដន្យ ម៉ែដោះបានពរកូនប្រុសនោះមក ហើយបុរសជាឪពុកក៏និយាយលេងសើចថា៖ “កូនប្រុស ប្រាក់១៤០០០នោះ ជិតអស់ហើយ ចាំមើលថ្ងៃក្រោយឯងបានអ្វីចាយទៀត?”
និយាយចប់ភ្លាម ទឹកមុខរបស់កូនប្រុសនោះស្រាប់តែប្រែភ្លាម គេកាច់ករហើយបើកភ្នែកធំៗ ក៏ដាច់ខ្យល់ភ្លាមៗ។
ក្រោយមក ប្រាក់ដែលនៅសេសសល់នោះបានយកទៅបញ្ជុះសពរបស់កូនប្រុសគាត់ មិនសល់សូម្បីតែ១សេន។
ដូច្នេះហើយអ្វីដែលគួរសងត្រូវតែសង អ្វីដែលជំពាក់ពីជាតិមុនក៏ត្រូវតែសង សងអស់ហើយនឹងធូរស្រាជាមិនខាន។
នៅក្នុងជីវភាពរស់នៅជាក់ស្តែង ស្ទើរតែមានមនុស្សគ្រប់គ្នាជួបនឹងស្ថានភាពការជំពាក់ប្រាក់ ប៉ុន្តែក៏មានមនុស្សជាច្រើនគេមិនងាយហាមាត់ខ្ចីប្រាក់គេដែរ ។
អ្នកទៅខ្ចីប្រាក់គេបានហើយ សូមរក្សាទឹកចិត្តដឹងគុណផង ព្រោះមិនមែនមនុស្សគ្រប់គ្នាសុទ្ធតែមានប្រាក់ឲ្យអ្នកខ្ចីរហូតទេ គឺដោយសារតែ អ្វីដែលគេឲ្យអ្នកខ្ចីមិនមែនជាប្រាក់ឡើយ គឺជាទំនុកចិត្ត គឺជាការជឿជាក់ គឺការលើកទឹកចិត្ត គឺជាការទទួលស្គាល់ពីសមត្ថភាពរបស់អ្នក គឺជាការបណ្តាក់ទុនចំពោះអនាគតរបស់អ្នក។
សង្ឃឹមមិត្តទាំងអស់គ្នាដាច់ខាតកុំជាន់ឈ្លីពាក្យ “ស្មោះត្រង់” នេះឲ្យសោះ បើធ្វើឲ្យបាត់បង់ជំនឿចិត្តហើយនោះគឺជាការក្ស័យធនដ៏ធំមួយនៅក្នុងជីវិត ព្រមទាំងបាត់បង់តំលៃរបស់ខ្លួន។
ស្របពេលនេះ សូមអ្នកចង់ចាំថា៖
អ្នកដែលចូលចិត្តចេញប្រាក់ឲ្យអ្នក មិនមែនព្រោះតែគេល្ងង់ហើយប្រាក់ច្រើននោះទេ ព្រោះគេមើលសំខាន់មនោសញ្ចេតនាជាងលុយកាក់។
ពេលដែលសហការគ្នាគេសុខចិត្តហុចផលប្រយោជន៍ឲ្យអ្នក មិនមែនគេល្ងង់ទេ គឺគេចេះចែករំលែក។
ពេលធ្វើការគេសុខចិត្តធ្វើការងារច្រើនជាងអ្នក មិនមែនគេល្ងង់ទេ គឺដោយសារគេស្គាល់ពីកាតព្វកិច្ចរបស់ខ្លួន។
ក្រោយពីឈ្លោះគ្នាហើយគេមកសុំទោសអ្នកមុន មិនមែនគេខុសនោះទេ គឺដោយសារគេចេះស្តាយស្រណោះមិត្តភាពមួយនេះ។
មនុស្សដែលសុខចិត្តជួយអ្នក មិនមែនគេជំពាក់អ្នកអ្វីនោះទេ គឺដោយសារគេចាត់ទុកជាមិត្តភ័ក្រ្ត។
រៀបរៀងដោយ៖ MCB
ព័ត៌មានថ្មីៗ
