បើរលាកច្រមុះទុកយូរតើមានគ្រោះថ្នាក់ដែរឬទេ?
មានមនុស្សមិនតិចទេដែលទទួលរងនូវជំងឺរលាកច្រមុះក្នុងជីវិតប្រចាំថ្ងៃ ជំងឺរលាកច្រមុះនេះតែងរើឡើងម្តងហើយម្តងទៀត ពេលដែលយើងចេះតែបន្តទុកជំងឺនេះឲ្យនៅជាប់ខ្លួននោះ វាមានតែធ្វើឲ្យមានគ្រោះថ្នាក់ផ្សេងៗតែប៉ុណ្ណោះ ។ដូច្នេះត្រូវមានការយល់ដឹងអំពីចំណេះដឹងពាក់ព័ន្ធនឹងជំងឺមួយនេះ។ ជាធម្មតាការព្យាបាល និងការថែទាំរាងកាយគួរតែត្រូវបានអនុវត្តក្នុងពេលតែមួយ ដើម្បីបង្កើនប្រសិទ្ធភាពនៃការស្តារឡើងវិញនៃសុខភាពរាងកាយយើង ដូច្នេះបើមានជំងឺរលាកច្រមុះទុកយូរមិនព្យាបាលនោះ តើមានគ្រោះថ្នាក់អ្វីខ្លះ?
- ប៉ះពាល់ដល់ការដកដង្ហើម
កុំច្រឡំជំងឺរលាកច្រមុះជាមួយនិងជំងឺផ្តាសាយឲ្យសោះ ជំងឺរលាកច្រុះភាគច្រើនរោគសញ្ញារបស់វាគឺសាមញ្ញណាស់ និងមានការរើសឡើងជារឿយៗ ដែលធ្វើឱ្យការព្យាបាលកាន់តែពិបាក។ ប្រសិនបើទុកក្នុងរយៈពេលយូរវានឹងប៉ះពាល់ដល់ការដកដង្ហើមរបស់អ្នកជំងឺមិនខាន។
នៅអំឡុងពេលគេងច្រមុះដើរតួនាទីយ៉ាងសំខាន់សម្រាប់ស្រូបយកខ្យល់ចេញចូល វាត្រូវស្រូបយកអុកស៊ីសែន និងបញ្ជេញកាបូនឌីអុកស៊ីតឲ្យបានទាន់ពេលវេលា ហើយនៅក្នុងដំណើរការនេះ ជាលិកា និងប្រព័ន្ធសំខាន់ៗនៃរាងកាយទទួលបានអុកស៊ីសែនជាបន្តបន្ទាប់។ ទោះជាយ៉ាងណាក៏ដោយ មនុស្សដែលមានជំងឺរលាកច្រមុះ ហើយមិនអាចបញ្ចេញខ្យល់តាមរន្ធច្រមុះបានទេនោះ គឺត្រូវពឹងផ្អែកលើមាត់ដើម្បីជួយសម្រួលដល់ការដកដង្ហើម។ បែបនេះប្រសិនបើខួរក្បាលផ្គត់ផ្គង់អុកស៊ីសែនមិនគ្រប់គ្រាន់ទេ នោះការខ្វះអុកស៊ីសែនអាចប៉ះពាល់ដល់មុខងារខួរក្បាលបាន។
- ធ្វើឲ្យអ្នកងាយនឹងកើតជំងឺផ្សេងៗ
ជំងឺរលាកច្រមុះគួរតែឆាប់ព្យាបាលឲ្យទាន់ពេលវេលានិងត្រឹមត្រូវ បើមិនដូច្នេះទេ ជំងឺរលាកច្រមុះឧស្សាហ៍រើឡើងនោះ នឹងបណ្តាលឱ្យមានជំងឺផ្លូវដង្ហើមផ្សេងៗជាមិនខាន។
លក្ខណៈផ្ទៃមុខរបស់មនុស្សត្រូវបានភ្ជាប់គ្នាតាមរយៈផ្លូវដង្ហើម បំពង់ក ចរាចរឈាម។ល។ ប្រសិនបើជំងឺរលាកច្រមុះនៅតែបន្ត ហើយមិនប្រសើរឡើង វាអាចបណ្តាលឱ្យរលាកនៅផ្នែកផ្សេងទៀត រួមមាន ដុះសាច់ច្រមុះ រលាកឆ្អឹងច្រមុះ រលាកបំពង់ក ជាដើម។ជំងឺនេះមានលក្ខណៈពិបាក និងមានផលប៉ះពាល់យ៉ាងខ្លាំងដល់សុខភាព។
- ឧស្សាហ៍វិលមុខ និងឈឺក្បាល
ការឈឺក្បាលយូរអាចនាំឱ្យបាត់បង់ការចងចាំ ដែលជាផលវិបាកនៃជំងឺរលាកច្រមុះនេះ។ក្នុងអំឡុងពេលនៃការវិវត្តន៍នៃជំងឺរលាកច្រមុះ ជារឿយៗមានការហៀរសំបោរ កណ្តាស់ និងពិបាកក្នុងការដកដង្ហើម ។ការតឹងច្រមុះជាញឹកញាប់នឹងរាំងស្ទះដំណើរការដកដង្ហើម ដោយហេតុនេះធ្វើឲ្យកាត់បន្ថយកំហាប់អុកស៊ីហ្សែនក្នុងឈាម ហើយជាលិកាសំខាន់ៗនៃខួរក្បាលមិនអាចទទួលបានអុកស៊ីសែនទាន់ពេល។
មនុស្សដែលកើតជំងឺនេះភាគច្រើនឧស្សាហ៍វិលមុខ និងឈឺក្បាលដោយសារអុកស៊ីសែនមិនគ្រប់គ្រាន់ ក្នុងករណីធ្ងន់ធ្ងរអាចធ្វើឲ្យធ្លាក់ចុះសមត្ថភាពចងចាំ ។បើបន្តទុកជំងឺនេះកាន់តែយូរអាចបង្ករហានិភ័យឈានដល់ជំងឺភ្លេចភ្លាំងដូចមនុស្សចាស់ផងដែរ។
- ប្រព័ន្ធភាពស៊ាំចុះខ្សោយ
ប្រសិនបើការរលាកច្រមុះមិនបានព្យាបាលត្រឹមត្រូវនោះ វានឹងធ្វើឱ្យប្រព័ន្ធភាពស៊ាំក្នុងរាងកាយមនុស្សចុះខ្សោយ។ ព្រោះមុខងាររន្ធច្រមុះ វាអាចដើរតួនាទីចម្រោះនៅពេលដកដង្ហើម ហើយអាចចៀសវាងការស្រូបសារធាតុបង្កគ្រោះថ្នាក់ដល់រាងកាយ និងជារបាំងដ៏សំខាន់សម្រាប់រាងកាយ។
ទោះជាយ៉ាងណាក៏ដោយ បើភ្នាសច្រមុះមានដំបៅរលាក មិនប្រញាប់ក្នុងការព្យាបាល ឬក៏ព្យាបាលមិនប្រកបដោយប្រសិទ្ធភាពនោះ មុខងារនៃរបាំងចម្រោះជាតិពុលនេះមិនអាចអនុវត្តបានឡើយ។ ដើម្បីឱ្យប្រព័ន្ធភាពស៊ាំដំណើរការធម្មតា យកល្អគួរតែជ្រើសរើសវិធីសាស្ត្រត្រឹមត្រូវដើម្បីព្យាបាលជំងឺរលាកច្រមុះឲ្យទាន់ពេលវេលា។
ព័ត៌មានថ្មីៗ
