កុំឱ្យចាស់ទៅស្ដាយក្រោយ! ឈានដល់វ័យកណ្ដាល រឿង ៧ យ៉ាងដែលត្រូវរៀន ៦ យ៉ាងដែលត្រូវមាន និង ៣ យ៉ាងដែលគួរចៀសវាង
ក្នុងវ័យកណ្តាល មិនមែនមនុស្សគ្រប់រូប សុទ្ធតែអាចមានជីវិតសុខស្រួល និងសប្បាយរីករាយនោះទេ ប៉ុន្តែប្រសិនបើអ្នកចេះរស់នៅ នោះជីវិតនឹងមិនសូវមានបន្ទុក និងឈឺចាប់នោះឡើយ។ ខាងក្រោមនេះ គឺជាមេរៀន និងសារដាស់តឿន ៣ ចំណុច ដែលគ្រប់គ្នាគួរដឹង និងរៀនសូត្រតាម។
១. រឿង ៧ យ៉ាង សំខាន់មួយជីវិតដែលត្រូវរៀន
- រៀនឱ្យតម្លៃគ្រួសារ និងមិត្តភក្តិជិតស្និទ្ធ ពួកគេគឺជាទ្រព្យដ៏មានតម្លៃបំផុតរបស់អ្នក។
- រៀនឱ្យក្លាយជាមនុស្សចាស់ទុំ កុំខឹងដោយគ្មានហេតុផល កុំរស់នៅដោយប្រើតែអារម្មណ៍។
- រៀនស៊ូទ្រាំនឹងភាពឯកា ព្រោះនឹងមានពេលខ្លះដែលគ្មាននរណាម្នាក់នៅអាចនៅក្បែរ កំដរ ការពារអ្នកបានលើយ។
- រៀនមានសុទិដ្ឋិនិយម ស្វែងរកភាពរីករាយក្នុងទុក្ខ ទោះជាប់គាំងនឹងបញ្ហា ការលំបាកយ៉ាងណាក៏ត្រូវតែញញឹម និងយកជម្នះឱ្យបានដែរ។
- រៀនបំភ្លេចអតីតកាលដ៏ឈឺចាប់ កុំធ្វើបាបខ្លួនឯងចំពោះអតីតកាលដែលបានកន្លងហួសទៅហើយ។
- រៀនធ្វើខ្លួនឱ្យរឹងមាំ និងចេះបោះបង់ចោលនូវអ្វីដែលគ្មានន័យ។ ការពន្យារពេលកាន់តែធ្វើឱ្យខ្លួនឯង និងអ្នកដទៃវេទនា។
- រៀនអត់ធ្មត់ កុំពឹងអ្នកណាម្នាក់ ទោះនៅម្នាក់ឯងក៏នៅតែត្រូវរស់នៅឱ្យបានល្អដែរ។
២. ៦ យ៉ាងដែលត្រូវតែមាន
- រស់នៅជាមួយគោលបំណងមួយ ហើយត្រូវតែតស៊ូក្នុងការបន្តទៅមុខ កុំបោះបង់ចោល។
- ការប្រុងប្រយ័ត្ន គឺជារឿងដែលល្អ នឹងមិនធ្វើឱ្យអ្នកខាតបង់ ឬបរាជ័យឡើយ។
- ការអត់ឱន អធ្យាស្រ័យ ការមិនអើពើនឹងអរិភាព ការចាប់ដៃគ្នាបង្កើតសន្តិភាព ឆ្ពោះទៅរកប្រយោជន៍រួម គឺជាប្រាជ្ញាដ៏អស្ចារ្យ។
- ញញឹមឱ្យភ្លឺថ្លា ស្រស់ស្រាយ ទោះបីធ្លាក់ក្នុងភក់ក៏ដោយ។
- ការលំបាកតូចៗ មិនអាចឱ្យអ្នកដួលបានឡើយ កាន់តែលំបាក កាន់តែពូកែ រឹតតែរឹងមាំ។
- ការអត់ឱនចំពោះអ្នកដទៃ ក៏ជាការអត់ឱនចំពោះខ្លួនឯងផងដែរ។ បើកឱកាសខ្លួនអ្នកឱ្យមានអនាគតភ្លឺស្វាង។
៣. ៣ ចំណុចពិសេសដែលត្រូវចៀសវាង
- កុំធ្វើខ្លួនជាកម្មវត្ថុ មើលងាយសត្រូវ ឈ្នះ កុំមានអំនួត ចាញ់កុំបាក់ទឹកចិត្ត។
- កុំធ្វេសប្រហែស បណ្តោយខ្លួនផ្ដេសផ្ដាស បណ្តោយខ្លួនឱ្យប្រព្រឹត្តអំពើអសីលធម៌ ។
- កុំជីកកកាយកំហុសរបស់អ្នកដទៃ កុំបង្កាច់បង្ខូចអ្នកដទៃ។ ការរើសយកចំណុចខ្វះខាតរបស់គូប្រកួត គឺដូចជាយកសំរាមមកដាក់ក្នុងចិត្តខ្លួនឯងអ៊ីចឹង៕
ប្រភព ៖ Phunutoday / Knongsrok
ព័ត៌មានថ្មីៗ
