ចំណាំមើល! បើគេតបសាររបស់អ្នកតាមរបៀប ៣ ចំណុចនេះ ច្បាស់ណាស់ថា អ្នកគ្មាននៅក្នុងជម្រៅចិត្តគេទេ
ចង់ដឹងថា យើងសំខាន់សម្រាប់គេប៉ុនណា យើងមាននៅក្នុងចិត្តគេឬអត់ អាចសម្គាលមើលបានតាមរយៈការតបសាររបស់គេបាន។ ប្រសិនបើគេតែងតែតបសាររបស់អ្នក តាមរបៀបទាំង ៣ ខាងក្រោមនេះ ក៏អាចបញ្ជាក់បានយ៉ាងច្បាស់ថា អ្នកមិនមាននៅក្នុងជម្រៅចិត្តគេនោះឡើយ។ ដូច្នេះហើយ បើអាច គួរតែកាត់ចិត្ត និងរក្សាគម្លាតពីបន្តិចម្ដងៗជាការល្អបំផុត។
១. ឆ្លើយដោយប្រយោគខ្លី
រឿងគួរឱ្យចាប់អារម្មណ៍មួយបានកើតឡើង ដែលអ្នកចង់ចែករំលែកជាមួយអ្នកដទៃ។ អ្នកគិតថាអ្នកទាំងពីរនឹងមានការសន្ទនាគ្នាយ៉ាងល្អ ប៉ុន្តែផ្ទុយពីអ្វីដែលអ្នកគិត ការពិតគឺគ្រាន់តែជាអាកប្បកិរិយាមិនខ្វល់ខ្វាយតែប៉ុណ្ណោះ។ អ្នកបានផ្ញើសារជាច្រើន ប៉ុន្តែមិនបានទទួលការឆ្លើយតបដែលល្អនោះឡើយ។ គ្មាននរណាម្នាក់អាចចៀសពីអារម្មណ៍សោកសៅ និងខកចិត្តនៅពេលនេះបានទេ។ មានសំណួរជាច្រើននៅក្នុងខួរក្បាលរបស់អ្នក ថាតើខ្ញុំកំពុងរំខានគេ ឬខ្ញុំអសមត្ថភាពក្នុងការទាក់ទងគ្នាឬយ៉ាងណា?
មិនមែនថាអ្នកមិនល្អគ្រប់គ្រាន់ទេ តែមកពីអ្នកអ្នកប្រគល់បេះដូងឱ្យមនុស្សខុស។ ពួកគេមិនដែលចាត់ទុកអ្នកជាមិត្តតាំងពីដើមមកម្ល៉េះ ហើយក៏មិនដែលគិតចង់មានចិត្តស្រលាញ់អ្នកដែរ ដូច្នេះមិនថាអ្នកចែករំលែកអ្វីជាមួយគេទេ។
មនុស្សដែលចូលចិត្តបង្ខូចអ្នក តែងតែមើលងាយអ្នក។ ពួកគេពិតជាមិនចូលចិត្តអ្នក ដែលតែងតែលេចឡើងក្នុងជីវិតរបស់ពួកគេឡើយ ដែលជាហេតុធ្វើឱ្យរំខានដល់ជីវិតរបស់ពួកគេ។ បើមិនស័ក្តិសមជាមិត្តទេ យកល្អនៅឱ្យឆ្ងាយ កុំព្យាយាមទៀតអី។
២. ចំណាយពេលច្រើនម៉ោង ក្នុងការឆ្លើយតបសាររបស់អ្នក
មនុស្សដែលឱ្យតម្លៃអ្នក នឹងឆ្លើយតបសាររបស់អ្នកយ៉ាងឆាប់រហ័ស ទោះជាអ្នកផ្ញើច្រើនក៏គេមិនមានអារម្មណ៍រំខានដែរ។ ប្រសិនបើជាប់រវល់ គេនឹងឆ្លើយតបភ្លាមៗ ហើយប្រាប់អ្នកឱ្យដឹងពីស្ថានភាពរបស់ពួកគេ នោះនឹងទាក់ទងអ្នកវិញក្នុងពេលឆាប់ៗនេះ នេះជាភាពសំខាន់ និងការគោរព ដែលគេមានចំពោះអ្នក។
ពីតម្រូវការការងារ ដល់តម្រូវការផ្ទាល់ខ្លួន យើងតែងតែប្រើទូរស័ព្ទរបស់យើងញឹកញាប់ណាស់ ទូរសព្ទ ប្រៀបបាននឹងស្រមោលអន្ទោលតាមប្រាណ ដូច្នេះ យើងភាគច្រើនអាចឃើញសារដែលនរណាម្នាក់ផ្ញើមកយើងក្នុងពេលតែមួយភ្លែត។
នៅពេលអ្នកផ្ញើសារទៅនរណាម្នាក់ ហើយតែងតែទទួលបានការឆ្លើយតបយឺតខ្លាំង នេះបញ្ជាក់ថា គេដឹង តែគេព្រងើយកន្តើយនឹងសាររបស់អ្នក ឬឃើញឈ្មោះរបស់អ្នក គេមានអារម្មណ៍ថា ដូច្នេះ គេក៏ទុកចោល មិនខ្វល់នោះឡើយ។ ជាក់ស្តែងអ្នកកំពុងត្រូវបានប្រើប្រាស់ជាឧបករណ៍សម្រាប់សម្លាប់ពេលវេលា។ មនុស្សបែបនេះមិនរំពឹងថា ពួកគេនឹងយកភាពសំខាន់នៅក្នុងទំនាក់ទំនងជាមួយនឹងអ្នកឡើយ។
៣. ចូលចិត្តលេងហ្គេមបាត់ស្រមោល
អ្នកឱ្យតម្លៃមនុស្សម្នាក់ ហើយយកចិត្តទុកដាក់ចំពោះទំនាក់ទំនង ប៉ុន្តែមនុស្សម្នាក់នេះមិនបានគិតចំពោះអ្នក ដូចដែលអ្នកគិតចំពោះគេឡើយ។ ពួកគេមិនចង់ឆ្លើយតបសាររបស់អ្នក ហើយធ្វើពុតថាពួកគេមិនអាចមើលឃើញវាទេ។ ចូរចាំថា ក្នុងទំនាក់ទំនងផ្ទាល់ខ្លួន បើអ្នកចង់ដឹងថា តើអ្នកមានកន្លែងនៅក្នុងបេះដូងអ្នកដទៃនោះ សូមមើលអាកប្បកិរិយារបស់គេ។
រាល់ពេលដែលអ្នកជជែកជាមួយពួកគេ ពួកគេនឹងមិនបាត់ភ្លាមៗនោះទេ ហើយក៏មិនចំណាយពេលរង់ចាំសារមួយដែរ ប៉ុន្តែឆ្លើយតបយ៉ាងរហ័ស និងរីករាយ។ គ្មាននរណាម្នាក់តែងតែរវល់ក្នុងការឆ្លើយតបសារនោះទេ។ មានតែមនុស្សដែលមិនធ្លាប់គិតចង់ធ្វើជាមិត្តនឹងអ្នក គ្មានចេតនាចង់មានមិត្តភាពស៊ីជម្រៅជាមួយអ្នក ខ្វះភាពសំខាន់។ ពួកគេព្រងើយកន្តើយនឹងអ្វីៗទាំងអស់អំពីអ្នក ដោយចាត់ទុកអ្នកដូចជាអ្នកមិនមាន។
មានមនុស្សមួយចំនួនដែលពិតជាមិនសមនឹងមិត្ត ព្រោះគេមិនដែលឱ្យតម្លៃអ្នកតាំងពីដើមដល់ចប់ មិនដែលគិតថាគេនឹងនៅជាមួយអ្នកយូរប៉ុនណា ហើយក៏មិនដែលគិតពីអារម្មណ៍របស់អ្នកដែរ។
រវាងមិត្តភ័ក្តិគួរមានបេះដូងពីរជំនួសឱ្យមានតែមួយ។ ចង់ធ្វើជាមិត្តនឹងមនុស្សម្នាក់ ឱ្យអស់ពីចិត្ត តែបើអ្នកឃើញថាអ្នកដទៃមិនឱ្យតម្លៃអ្នក មិនអើពើនឹងអ្នក មនុស្សបែបនេះប្រសើរជាងនៅឆ្ងាយ។
មិនថាអ្នកណាទេ ដរាបណាគេមិនរាប់អានអ្នកដោយស្មោះ អ្នកមិនគួរខ្ជះខ្ជាយពេលវេលា និងការខំប្រឹងប្រែងរបស់អ្នកឡើយ។ នៅពេលដែលអ្នកដឹងថាខ្លួនឯងជាអ្នកផ្តល់ឱ្យ អ្នកដទៃមិនស្មោះទេ ពួកគេមិនស័ក្តិសមនឹងមិត្តភាពដ៏ជ្រាលជ្រៅនោះទេ។
ក្នុងជីវិត ការដឹងពីរបៀបរក្សាចម្ងាយពីមនុស្សដែលមិនខ្វល់ពីអ្នក គឺជារឿងត្រឹមត្រូវ។ មនុស្សម្នាក់ៗរស់នៅតែមួយដង ស្រលាញ់ខ្លួនឯងអោយច្រើន ផ្តល់អ្វីដែលអ្នកសមនឹងទទួលបាន៕
ប្រភព ៖ Phunutoday / knongsrok
ព័ត៌មានថ្មីៗ
