សូមរើសបាច់ផ្កាមួយ បើចង់ដឹងថាឆ្នាំ២០២៣ អ្នកនឹងជួបស្នេហាបានប៉ុន្មានដង
ប្រសិនបើអ្នកមានពិធីមង្គលការ តើអ្នកនឹងជ្រើសរើសបាច់ផ្កាមួយណាសម្រាប់ថ្ងៃពិសេសរបស់អ្នក? ក្នុងចំណោមបាច់ផ្កា A B C D អ្នកអាចរើសបាច់ផ្កាដែលអ្នកស្រឡាញ់មួយដើម្បីដឹងថានៅឆ្នាំ ២០២៣ អ្នកនឹងជួបស្នេហាបានប៉ុន្មានដង?
រើសយកបាច់ផ្កា A
ក្នុងស្នេហា អ្នកជាមនុស្សក្លាហាន និងសកម្ម ដូច្នេះប្រសិនបើអ្នកបានជួបមនុស្សដែលអ្នកចូលចិត្ត អ្នកនឹងមិនស្ទាក់ស្ទើរក្នុងការដេញតាមម្នាក់នោះឡើយ។ បើទោះបីជាម្នាក់នោះនៅតែមិនចូលចិត្តអ្នកក៏ដោយ អ្នកនឹងមិនមានអារម្មណ៍សោកសៅ ឬខកចិត្តនោះទេ ផ្ទុយទៅវិញអ្នកមានមោទនភាពក្នុងការធ្វើវាអស់ពីសមត្ថភាពរបស់អ្នកហើយ ដូច្នេះវាគ្មានពាក្យថាការសោកស្តាយចំពោះអ្នកទេ។ ក្នុងឆ្នាំខាងមុខនេះ អ្នកនឹងនៅតែមានស្មារតីក្នុងការស្វែងរកមនុស្សថ្មី។
រើសយកបាច់ផ្កា B
ប្រហែលជាអារម្មណ៍របស់អ្នកចំពោះឆ្នាំក្រោយនឹងដូចគ្នានឹងឆ្នាំមុនៗដែរ ពោលគឺគ្មានការចង់បានស្នេហាទេ។ ដូចក្មេងជំនាន់ក្រោយជាច្រើនដែរ អ្នកយល់ថាស្នេហា និងអាពាហ៍ពិពាហ៍ពិតជាធុញទ្រាន់ និងមានបញ្ហា។ ដូច្នេះ អ្នកនៅតែពេញចិត្តនឹងស្ថានភាពនៅលីវបច្ចុប្បន្នរបស់អ្នក បើទោះបីជាអ្នកផ្សេងទៀតបញ្ចុះបញ្ចូលអ្នកក៏ដោយ។
រើសយកបាច់ផ្កា C
ឆ្នាំខាងមុខនេះ ឱកាសមានច្រើន ដែលអ្នកនឹងជួបរឿងស្នេហា ប៉ុន្តែរឿងទាំងអស់នឹងកន្លងផុតទៅយ៉ាងលឿន ពេលខ្លះលឿនពេក រហូតអ្នកគ្មានពេលទទួលអារម្មណ៍អ្វីទាំងអស់។ អ្នកនឹងមានមនុស្សជាច្រើនចាប់អារម្មណ៍ និងតាមសុំស្នេហ៍ ប៉ុន្តែទំនាក់ទំនងទាំងនោះនឹងមានភាពផុយស្រួយយ៉ាងខ្លាំង។ ដូច្នេះមុននឹងសម្រេចចិត្តថាទទួលយកស្នេហា សុំអ្នកគិតឲ្យបានច្បាស់ជាមុនសិន ព្រោះស្នេហាទាំងនោះនឹងមិនប្រាកដថាសមប្រកប ឬ អត់នោះទេ។
រើសយកបាច់ផ្កា D
ក្នុងឆ្នាំក្រោយ អ្នកទំនងជាជួបរឿងស្នេហាតែមួយប៉ុណ្ណោះ។ ប្រសិនបើអ្នកទុកពេលឲ្យខ្លួនឯងបន្តិច អ្នកប្រាកដជានឹងរកឃើញនរណាម្នាក់ដែលសក្តិសម។ ហើយពេលដែលអ្នកបានរកឃើញមនុស្សនោះហើយ ចូរឲ្យតម្លៃ និងស្រឡាញ់គេ ព្រោះមនុស្សម្នាក់នោះហើយដែលនឹងក្លាយជាដៃគូរជីវិតរបស់អ្នក៕
ប្រភព ៖ បរទេស
ព័ត៌មានថ្មីៗ
