មោទកភាពណាស់ App កុនដំបូងគេនៅកម្ពុជា ដើម្បីលើកស្ទួយវិស័យកុននៅកម្ពុជាប្រសូតពីស្នាដៃនិស្សិតឆ្នើមមួយក្រុម
ដូចយើងបានដឹងរួចមកហើយថា វិស័យភាពយន្ត និងកុន នៅប្រទេសកម្ពុជាយើងកំពុងតែឈានទៅមុខមួយកម្រិតៗ អាចនិយាយថាជាដំណើរបោះជំហានទៅទាំងព្រម ដោយការផលិតកុននៅកម្ពុជាកាន់តែមានគុណភាពអាចទទួលយកបាន ហើយប្រជាជនខ្មែរក៏កាន់តែចេះមើលកុនច្រើនឡើងៗដោយរបៀបឆ្លាតវៃ ដោយមិនផ្តោតសំខាន់តែលើរឿងខ្មោច ឬរឿងកំប្លែងដូចមុនឡើយ ហើយងាកមកមើលរឿងដែលមានគុណភាពទាំងការសម្តែង សាច់រឿង និងគុណភាពវីដេអូវិញ។
ដោយសារតែមើលឃើញសក្តានុពលនៃកុននៅកម្ពុជាមានការកើនឡើងបែបនេះហើយ ទើប កម្មវិធីទូរស័ព្ទមួយ មានឈ្មោះថា « មន្តស្នេហ៍ភាពយន្ត - Cinemagickh » បានប្រសូតឡើងដែលអាចនិយាយបានថាជា App ទាក់ទងនឹងកុនដំបូងគេនៅកម្ពុជា ដោយមានការសហការផលិតឡើងដោយក្រុមអ្នកស្រលាញ់កុនមួយក្រុម ដែលមានឈ្មោះថា « មន្តស្នេហ៍ភាពយន្ត - Cinemagickh » ។
ក្រុមអ្នកស្រលាញ់កុន « មន្តស្នេហ៍ភាពយន្ត - Cinemagickh » បានរៀបរាប់ឱ្យដឹងថា ទម្រាំផលិតបាន App មួយនេះគឺប្រើការផលិតអស់រយៈពេលសរុបមកទល់ពេលនេះមានរយៈពេល ១ ឆ្នាំកន្លះឯណោះ ( ចំណាយពេលផលិតអស់ កន្លះឆ្នាំ ) ។ បន្ថែមពីនេះក្នុងកិច្ចការបង្កើត App នេះឡើង « មន្តស្នេហ៍ភាពយន្ត - Cinemagickh » បានរៀបរាប់ថាបានជួបនឹងផលលំបាកជាច្រើន « ដោយសារតែក្រុមពួកយើងនៅតូច គ្នាតិច ម៉្យាងម្នាក់ៗសុទ្ធតែរវល់ អញ្ចឹងហើយទើបធ្វើអោយមានភាពយឺតយ៉ាវ ។ មួយទៀត គឺថវិការ ដោយសារតែពួកយើងភាគច្រើនជានិស្សិត ហើយការដែលត្រូវចំណាយសម្រាប់ App ក្នុងមួយខែៗ ទៅលើ Hosting រៀងច្រើន ជាពិសេសទៅលើ App Store ក៏រៀងថ្លៃ ដូចច្នេះហើយទើបធ្វើអោយបញ្ហារថវិការ គឺជារឿងដែលពួកយើងលំបាកជាងគេ។
នេះគឺជាជំហានដំបូងសម្រាប់ពួកយើងតែប៉ុណ្ណោះ បើទោះបីជាជួបបញ្ហាយ៉ាងណា ពួកយើងសន្យាថា និងខិតខំរិះរកនូវអ្វីដែលថ្មីនិងផ្តល់ភាពងាយស្រួលមកកាន់អ្នកស្រលាញ់កុននៅក្នុងស្រុកខ្មែរយើង អោយបានកាន់តែច្រើនជាងនេះ » ។
# ហេតុអ្វីត្រូវប្រើប្រាស់ Cinemagickh ?
- អ្នកប្រើប្រាស់ នឹងទទួលបានពត៌មានពីភាពយន្តបានកាន់តែលឿន ព្រមទាំងមានប្រភពត្រឹមត្រូវ
- អ្នកប្រើប្រាស់ទទួលបាននូវអារម្មណ៍មួយទៀត ពីការទស្សនា Content ផ្សេងៗដែលទាក់ទងជាមួយនិងភាពយន្ត
- អ្នកប្រើប្រាស់ ងាយស្រួលនៅក្នុងការស្វែងរកពត៌មានដែលទាក់ទងទៅនិងតារាសម្តែងផ្សេងៗ និងភាពយន្តផ្សេងៗដែលគេចង់ស្វែងរក ។
សូមបញ្ជាក់ផងដែរថា សម្រាប់អ្នកដែលមានបំណងចង់ Sponsor ជាមួយ « មន្តស្នេហ៍ភាពយន្ត - Cinemagickh » ឱ្យកាន់តែរីកចម្រើន និងមានគុណភាពមួយកម្រិតទៀត អាចទំនាក់ទំនងមកកាន់លេខទូរស័ព្ទ 093 410 672 , Email : [email protected], facebook Page: facebook/cinemagickh ។ សម្រាប់ពេលវេលាប្រកាសចេញ និង ការប្រើសាកល្បង អាចតាមដានពត៌មាននៅលើផេក « មន្តស្នេហ៍ភាពយន្ត » បាន ៕
អត្ថបទដោយ ៖ ចែធំ
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
