អត្ថន័យពិតប្រាកដ នៅពេលដែលអ្នកសុបិន្តឃើញថាចង់ថើបអ្នកណាម្នាក់
មនុស្សម្នាក់ៗតែងតែមានការយល់សុបន្តិជាញឹកញយ តែថាសុបន្តិមានច្រើនប្រភេទខុសៗគ្នា ដោយពេលខ្លះ សុបន្តិទាំងនោះអាចជារឿងទុក្ខសោក សប្បាយរីករាយ ឬ រឿងដែលរន្ធត់។ តែក្នុងសុបន្តិទាំងនោះគឺសុទ្ធតែមានបង្កប់អត្ថន័យនៅពីក្រោយពួកវា ជាពិសេសគឺសុបន្តិឃើញថាអ្នកចង់ថើបនរណាម្នាក់។ ហើយបើចង់ដឹងថាវាមានអត្ថន័យយ៉ាងណា តោះមកស្រាយចម្ងល់ទាំងអស់គ្នា!
១.អត្ថន័យសាមញ្ញនៅពីក្រោយការថើប
ការថើបនរណាម្នាក់នៅលើបបូរមាត់អាចមានន័យថាអ្នកកំពុងផ្សារភ្ជាប់ពាក្យសច្ចា ឬកិច្ចព្រមព្រៀងជាមួយមនុស្សម្នាក់។ តែប្រសិនបើអ្នកសុបន្តិឃើញថា អ្នកថើបនរណាម្នាក់ដែលមានទំនាក់ទំនងស្នេហារួចហើយ ឬ ជាប្រពន្ធរបស់អ្នកដទៃ នោះវាមានន័យថាអ្នកកំពុងតែមិនសប្បាយចិត្តចំពោះទំនាក់ទំនងស្នេហាបច្ចុប្បន្នខ្លួនកំពុងមាន ហើយអ្នកចង់ចាកចេញពីទំនាក់ទំនងមួយនោះ។
ពេលខ្លះ អ្នកអាចនឹងឃើញខ្លួនឯងក្នុងសុបិនកំពុងថើបមនុស្សដែលអ្នកមិនចូលចិត្ត ដែលវាជាសារដាស់តឿនអោយអ្នក កាន់តែប្រុងប្រយ័ត្ន ព្រោះមនុស្សម្នាក់នោះប្រហែលជាកំពុងព្យាយាមឱ្យអ្នកធ្វើរឿងអ្វីមួយដែលអ្នកមិនចង់ធ្វើក្នុងជីវិតពិត ដែលអាចធ្វើឱ្យអ្នកមានគ្រោះថ្នាក់។
២.មនុស្សផ្សេងគ្នាដែលអ្នកថើបក្នុងសុបិនរបស់អ្នក
• ជនចម្លែក
ប្រសិនបើអ្នកកំពុងថើបមនុស្សចម្លែក នោះតំណាងឱ្យអារម្មណ៍នៃការមិនពេញលេញក្នុងជីវិតរបស់អ្នក ដែលវាដូចជាមានបំណែកបាត់នៅក្នុងជីវិតរបស់អ្នក ហើយអ្នកកំពុងរង់ចាំវាមកដល់។ ហើយប្រសិនបើមនុស្សចម្លែកថើបអ្នកវិញ នោះវាអាចមានន័យថាអ្នកគឺជាបំណែកដែលបាត់នៅក្នុងជីវិតរបស់គេ។
៣.ដៃគូស្នេហា
ប្រសិនបើអ្នកកំពុងថើបដៃគូស្នេហារបស់អ្នក នោះមានន័យថាអ្នកស្រឡាញ់គេខ្លាំងណាស់ ហើយគេជាម្ចាស់បេះដូងរបស់អ្នកតែម្នាក់គត់ ដែលអ្នកមានការកោតសរសើរយ៉ាងខ្លាំងចំពោះរូបគេ និងសុខចិត្តធ្វើអ្វីគ្រប់យ៉ាងដើម្បីគេ។ វាក៏មានន័យថាអ្នកស្ថិតនៅក្នុងទំនាក់ទំនងស្នេហាដ៏ល្អផងដែរ។
តើអ្នកបានថើបដៃគូស្នេហានៅត្រង់ណា?
• ដៃ៖ ប្រសិនបើអ្នកថើបនៅលើដៃ នោះមានន័យថាអ្នកនៅតែស្មោះត្រង់នឹងមនុស្សម្នាក់នេះ។ អ្នកដឹងថាអ្នកតែងតែខ្នងបង្អែករបស់ពួកគេ។
• ថ្ងាស៖ នៅពេលអ្នកសុបិនឃើញថាថើបនរណាម្នាក់នៅលើថ្ងាស វាមានន័យថាអ្នកព្រួយបារម្ភអំពីបុគ្គលម្នាក់នោះ ហើយអ្នកចង់ឱ្យពួកគេមានសុវត្ថិភាព។
• ថ្ពាល់៖ ការថើបលើថ្ពាល់របស់នរណាម្នាក់នៅក្នុងសុបិនរបស់អ្នក បង្ហាញថាមនុស្សម្នាក់នោះមានអារម្មណ៍ពិតប្រាកដសម្រាប់អ្នក៕
ប្រភព ៖ បរទេស
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
