សូមប្រុងប្រយ័ត្នៗ! កម្ពុជាបន្តរងឥទ្ធិពលព្យុះទី ១៦ ដល់ដាច់ខែ
យោងតាមសេចក្ដីរាយការណ៍របស់ក្រសួងធនធានទឹក និងឧតុនិយម បានប្រកាសឱ្យដឹងថា ចាប់ពីថ្ងៃទី ២៨ កញ្ញា ដល់ ២៩ កញ្ញា ឆ្នាំ ២០២២ ប្រទេសកម្ពុជានឹងបន្តរងឥទ្ធិពលព្យុះទី ១៦ ឈ្មោះ ណូរុ ( NORU ) ព្យុះនេះ នឹងចូលលើប្រទេសវៀទណាម ភាគកណ្ដាលនៅវេលាម៉ោង ១ យប់ ថ្ងៃទី ២៨ កញ្ញា ២០២២ ក្នុងកម្រិតជា STS រួចបន្ថយឥទ្ធិពលទៅជាវិសម្ពាធ TD ចូលមកអាងទន្លេមេគង្គ មុននឹងថមថយទៅជាសម្ពាធ (LOW)។ បន្ទាប់មក កម្ពុជានឹងបន្តរងឥទ្ធិពលពីជ្រលងសម្ពាធឥណ្ឌា និងខ្យល់មូសុងក្នុងកម្រិតមធ្យម។
ស្ថានភាពបែនេះ នឹងធ្វើឱ្យ ៖
១. តំបន់ទំនាបកណ្ដាល ៖
- សីតុណ្ហភាពអប្បបរមា មានពី ២២ ដល់ ២៤ អង្សាសេ
- សីតុណ្ហភាពអតិបរមា មានពី ៣០ ដល់ ៣២ អង្សាសេ
- នៅថ្ងៃទៅ ២៨ - ២៩ កញ្ញា បណ្ដាខេត្តក្នុងភូមិសាស្ត្រជាប់ព្រំដែនថៃ អាចមានភ្លៀងក្នុងកម្រិត ពីបង្គួរទៅច្រើន លាយឡំទៅដោយផ្គរ រន្ទះ និងខ្យល់កន្ត្រាក់។ រីឯរាជធានីភ្នំពេញ និងខេត្តដទៃទៀត ភ្លៀងក្នុងកម្រិតពីតិច ទៅបង្គួរតែប៉ុណ្ណោះ។ បន្ទាប់ពីនោះ ភ្លៀងអាចធ្លាក់ពីខ្សោយទៅ មធ្យម។
២. តំបន់ខ្ពង់រាប
- សីតុណ្ហភាពអប្បបរមា មានពី ២១ ដល់ ២៣ អង្សាសេ
- សីតុណ្ហភាពអតិបរមា មានពី ២៨ ដល់ ៣១ អង្សាសេ
- ពីថ្ងៃទៅ ២៨ ដល់ ២៩ អាចមានភ្លៀងពីកម្រិតបង្គួរ ទៅច្រើន លាយឡំទៅថោយផ្គរ រន្ទះ និងខ្យល់កន្ត្រាក់។ បន្តរហូតដល់ថ្ងៃទី ៣០ អាចនឹងមានភ្លៀងធ្លាក់ក្នុងកម្រិតខ្សោយ ទៅបង្គួរតែប៉ុណ្ណោះ។
៣. តំបន់មាត់សមុទ្រ
- សីតុណ្ហភាពអប្បបរមា មានពី ២២ ដល់ ២៤ អង្សាសេ
- សីតុណ្ហភាពអតិបរមា មានពី ២៨ ដល់ ៣០ អង្សាសេ
- អាចមានភ្លៀងក្នុងកម្រិតពីធម្យមទៅច្រើន លាយឡំទៅដោយផ្គរ រន្ទះ និងខ្យល់កន្ត្រាក់។ នៅលើផ្ទៃសមុទ្រអាចមានភ្លៀង និងខ្យល់បោកបក់ខ្លាំង រលកសមុទ្រឡើងខ្ពស់ បន្តរហូតដល់ថ្ងៃទី ៣០ ខែកញ្ញា។
យោងតាមស្ថានភាពអាកាសធាតុដែលបានប្រកាសខាងលើ សូមប្រជាពលរដ្ឋទាំងអស់ ធ្វើការប្រុងប្រយ័ត្នឱ្យបានគ្រប់ៗគ្នា ចៀសវាងបញ្ហាណាមួយកើតឡើងជាយថាហេតុ។
អានកម្អិតក្នុងសេចក្ដីរាយការណ៍ខាងក្រោម ៖
ព័ត៌មានថ្មីៗ
