ផុតខែកញ្ញានេះទៅ ចូលខែតុលា-វិច្ឆិកា អ្នកកើតឆ្នាំ ៣ ចាំត្រៀមទទួលយកផ្កាយលើកយីអ៊ុន
តាមក្បួនហោរាសាស្រ្តបានទស្សន៍ទាយឃើញថានៅរយៈពេល ៦០ ថ្ងៃពេញ រាប់ចាប់ពីដើមខែថ្មីខាងមុខនេះតទៅ ពោលគឺចន្លោះខែតុលា និងវិច្ឆិកា សម្រាប់អ្នកកើតឆ្នាំទាំង ៣ ខាងក្រោម នឹងមានផ្កាយលើកយីអ៊ុន ធ្លាក់ចូលមកក្នុងជីវិត ជួយសាបព្រោះឲ្យពួកគេជួបតែសំណាងល្អ៖
អ្នកកើតឆ្នាំមមែ - ពពែ
ជាមនុស្សរឹងមាំ ម៉ត់ចត់ ហើយក្លាហានក្នុងការជម្នះរាល់ឧបសគ្គទាំងអស់ក្នុងជីវិត។ បើទោះបីពួកគេធ្លាប់ជួបរឿងលំបាកនៅប៉ុន្មានខែកន្លងទៅ តែចូលដល់ខែថ្មីបន្តបន្ទាប់ដល់ដំណាច់ឆ្នាំ សម្រាប់អ្នកកើតឆ្នាំមមែ គឺមានយីអ៊ុនឡើងវិញហើយ។
វិថីនៅខាងមុខ នឹងនាំឲ្យពួកគេឆ្ពោះទៅរកភាពជោគជ័យ មានការឡើងឋានៈតួនាទី មុខមាត់កិត្តិយស ដូចជាខ្យល់លាភហោះចូលមកដល់ក្នុងជីវិត។ ផ្តោតទៅលើរយៈពេល ៦០ ថ្ងៃពេញខាងមុខ តាមដំណាលនឹងមានលុយហូរចូលដូចទឹកបាក់ទំនប់ កាបូបមិនមានចន្លោះទេ ពោលគឺលុយចូលច្បាមមិនអស់ ហើយជួបតែក្តីសុខនិងសុខសាន្តរយៈដល់ឆ្នាំបន្តបន្ទាប់ទៀតក៏មាន។
អ្នកកើតឆ្នាំរកា - មាន់
ដ្បិតបើអ្នកកើតឆ្នាំរកា ច្រើនតែមិនបានកើតមកក្នុងគ្រួសារមានបាន ឬលើគំនរទ្រព្យ តែតាមរយៈការខិតខំប្រឹងប្រែង និងការអត់ធ្មត់របស់មនុស្សនេះ គឺងាយឲ្យពួកគេ ទទួលបានជោគជ័យ គ្រាន់តែត្រូវការពេលវេលាបន្តិច។
យ៉ាងណាសម្រាប់អ្នកធ្វើអាជីវកម្ម ជួញជិតជួញឆ្ងាយក្តី នៅពេលដ៏ខ្លីខាងមុខ អាចក្លាយជាសេដ្ឋីត្រឹមមួយពព្រិចភ្នែក មានលុយទិញផ្ទះ ទិញវីឡា ព្រោះផ្លូវទ្រព្យបានបើកទ្វារឲ្យអ្នកកើតឆ្នាំរកា ជួបតែរឿងចម្រុងចម្រើនតជាប់ទៅមុខ។
អ្នកកើតឆ្នាំខាល – ខ្លា
រមែងជាមនុស្សដែលមានប្រាជ្ញា មានការគិតយ៉ាងល្អិតល្អន់ ហើយធ្វើអ្វី មិនលក់ផ្លូវខ្លួនឯង ពោលជីវិតរបស់គេ តែងតែមានផ្លូវក្រោយទុកបម្រុងដើរជានិច្ច។ នៅរយៈពេល ៦០ ថ្ងៃបន្ទាប់នេះ អ្នកកើតឆ្នាំខាល មានឱកាសច្រើនក្នុងការក្តោបក្តាប់ចាប់យកប្រាក់យ៉ាងច្រើនសន្ធឹក។
ពួកគេក៏អាចឈ្នះរង្វាន់ ទទួលបានលាភដោយមិនបានគិតទុកជាមុន ល្មមអាចរុញឲ្យពួកគេក្លាយជាអ្នកមានបាន។ ជាពិសេសកំឡុងពេលនេះ បើអ្នកនៅលីវ អ្នកទំនងជានឹងបានជួបគូពិតក្នុងជីវិត ឈានទៅដល់ការរៀបអាពាហ៍ពិពាហ៍បង្កើតជាគ្រួសារតូចមួយដ៏មានសុភមង្គលថែមទៀតផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
