តេស្តចិត្តសាស្រ្តងាយៗ របៀបដែលអ្នកកាន់ទូរស័ព្ទក៏អាចបង្ហាញថាអ្នកជាមនុស្សបែបណាបានដែរ

2022-08-15

សព្វថ្ងៃនេះ នរណាៗក៏តែងមានទូរស័ព្ទទំនើបកាន់ជាប់នឹងដៃដែរ និយាយរួមគឺខ្វះមិនបានតែម្តង។ យ៉ាងណាមិញ របៀបដែលអ្នកកាន់ទូរស័ព្ទលេងរាល់ថ្ងៃក៏អាចបង្ហាញអំពីអត្តចរិតរបស់អ្នកបានដែរ៖

ទី១

អ្នកគឺជាបុគ្គលដែលមានភាពរឹងមាំនិងមានការចងចាំខ្ពស់។ អ្នកមានទំនួលខុសត្រូវខ្ពស់ មហិច្ចតាធំធេងនិងពូកែបត់បែន។ អ្នកតែងនាំភាពសប្បាយរីករាយដល់មនុស្សជុំវិញខ្លួននិងគេតែងរំពឹងទៅលើ។ សម្រាប់សេចក្តីស្នេហាវិញ អ្នកមានការលះបង់ខ្ពស់និងហ៊ានធ្វើអ្វីៗគ្រប់យ៉ាងសម្រាប់មនុស្សដែលខ្លួនស្រលាញ់។

ទី២

អ្នកគឺជាបុគ្គលដែលសម្បូរទៅដោយភាពស្រមើស្រមៃ ចូលចិត្តជួយអ្នកដ៏ទៃនិងមានញាណខ្ពស់។ អ្នកជាមនុស្សដែលស្វាហាប់ រស់រវើកនិងចូលចិត្តភាពផ្សងព្រេង។ អ្នកឲ្យតម្លៃទៅលើភាពស្មោះត្រង់ដូចនេះ អ្នកមិនចូលចិត្តមនុស្សដែលបាតដៃខ្នងដៃឬពោលពាក្យមុសានោះទេ។ សម្រាប់សេចក្តីស្នេហាវិញ អ្នកខ្វល់ពីអារម្មណ៍ខ្លួនឯងច្រើនប៉ុន្តែមិនមែនបានន័យថាអ្នកជាមនុស្សអាត្មានិយមនោះទេ។

ទី៣

អ្នកគឺជាមនុស្សដែលមានភាពច្នៃប្រឌិត ចិត្តបាន ឆ្លាតវៃនិងពោរពេញទៅដោយទំនុកចិត្តលើខ្លួនឯង។ អ្នកតែងពុះពារ ជំនះរាល់ឧបសគ្គដែលកើតមានចំពោះមុខជាមួយនឹងយុទ្ធសាស្រ្តយ៉ាងបុិនប្រសព្វ។ សម្រាប់សេចក្តីស្នេហាវិញ អ្នកខ្លាចបំផុតគឺភាពឯកោដែលជាហេតុនាំឲ្យអ្នកផ្តល់អាទិភាពដល់ដៃគូអ្នកលើសលប់ពេករហូតលែងសូវខ្វល់ពីខ្លួនឯង។

ទី៤

អ្នកគឺជាមនុស្សដែលឈ្លាសវៃនិងមានបម្រុងប្រយ័ត្នខ្ពស់។ អ្នកតែងភ្ជាប់អារម្មណ៍អ្នកជាមួយនឹងអ្វីៗជុំវិញខ្លួននិងមិនសូវមាត់កប៉ុន្មានទេ។ អ្នកចូលចិត្តមនុស្សដែលយល់ចិត្តអ្នកដូចនេះចំពោះសេចក្តីស្នេហាអ្នកមិនសូវមានសំណាងប៉ុន្មានទេ ក៏ប៉ុន្តែនៅពេលដែលអ្នករកឃើញម្នាក់នោះហើយ គេនឹងបំពេញរាល់ចន្លោះខ្វះខាតរបស់អ្នកមិនឲ្យទាស់ចិត្តឡើយ៕