ចូលរួមគាំទ្រ អភិរក្ស និងលើកស្ទួយសិល្បៈបុរាណខ្មែរ ជាមួយ កម្មវិធីល្ខោនខ្មែរ រដូវកាលទី១ ឆ្នាំ២០២២
ពិតជាពិសេស អស្ចារ្យ និងដំបូងគេនៅកម្ពុជា ពេលនេះ សសយកស្វាយរៀង បានរៀបចំកម្មវិធីប្រកួតប្រជែងដ៏ធំមួយទាក់ទងនឹងសិល្បៈវប្បធម៌ខ្មែរ នោះគឺ « កម្មវិធីល្ខោនខ្មែរ រដូវកាលទី១ ឆ្នាំ២០២២ » ។
បើយោងទៅតាមប្រភពពី សសយកស្វាយរៀង កម្មវិធីនេះគឺជាឱកាសដ៏អស្ចារ្យ ដែលបេក្ខជនក្រុមនឹងបានជួបជាមួយគណៈកម្មការ ក៏ដូចជាគ្រូបង្វឹកដោយផ្ទាល់ ដែលសុទ្ធសឹងជាវីរសិល្បករ សិល្បការិនីរបាំបុរាណ និងជាព្រឹទ្ធាចារ្យ ក៏ដូចជាសាស្រ្តាចារ្យមានបទពិសោធន៍យូរឆ្នាំ។
សូមបញ្ជាក់ផងដែរថា សម្រាប់បេក្ខជនក្រុមទូទាំង ២៥ រាជធានី-ខេត្ត ដែលមានចំណាប់អារម្មណ៍ចូលប្រកួត លក្ខន្តិកៈងាយស្រួល ដោយគ្រាន់តែបំពេញពាក្យចូលរួមប្រកួត ភ្ជាប់ជាមួយថវិកាត្រឹមតែ ១០.០០០រៀល និងវីដេអូសម្ដែងទម្រង់របាំក្បាច់បុរាណខ្មែរណាមួយ (យ៉ាងតិច ៥ នាទី) រួចផ្ញើមកកាន់ទំព័រហ្វេសប៊ុកផេករបស់ សហភាពសហព័ន្ធយុវជនកម្ពុជា ខេត្តស្វាយរៀង ឬតេលេក្រាមលេខ 099 914 121 ដែលមានឈ្មោះថា «ល្ខោនខ្មែរ»។
សម្រាប់ព័ត៌មានលម្អិត សូមទាក់ទងមកកាន់លេខទូរសព្ទ 099 914 121។ មិនត្រឹមតែជាការចូលរួមប្រកួត តែយើងទាំងអស់គ្នា ចូលរួមគាំទ្រ អភិរក្ស និងលើកស្ទួយសិល្បៈបុរាណខ្មែរ!!!
ប្រភព ៖ សសយកស្វាយរៀង
សូមទស្សនាវីដេអូខាងក្រោមទាំងអស់គ្នា ៖
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
