ជឿទេ? សត្វដែលអ្នកឃើញដំបូងបង្អស់អាចបង្ហាញពីចំណុចពិសេសបំផុតរបស់អ្នក
១. ទា
អ្នកជាមនុស្សដែលមានភាពរីករាយ និងសុភមង្គល ពោលគឺអ្នកជាមនុស្សសុទិដ្ឋិនិយម។ អ្នកតែងតែសម្លឹងមើលទៅផ្នែកដែលល្អនៃជីវិត មិនថាអ្នកស្ថិតនៅក្នុងស្ថានការបែបណាក៏ដោយ។ អ្នកមិនត្រឹមតែមានបុគ្គលិកលក្ខណៈរួសរាយប៉ុណ្ណោះទេ អ្នកថែមទាំងមានការស្រមើស្រមៃយ៉ាងឆ្នៃប្រឌិតខ្លាំង ព្រោះអ្នកតែងតែគិតថា ជិវិតជាកាដូពិសេសមួយដែលមនុស្សម្នាក់ៗទទួលបាន។ នៅពេលដែលដោះស្រាយបញ្ហា អ្នកព្យាយាមធ្វើវាដោយយកចិត្តទុកដាក់ និងធ្វើឱ្យអស់ពីសមត្ថភាព។ អ្នកដឹងច្បាស់ណាស់ថាជីវិតមិនអាចរីកផ្លែផ្ការហូតនោះទេ។
២. ទន្សាយ
អ្នកជាមនុស្សដែលមានមន្តស្នេហ៍ខ្ពស់ ហើយគេគ្រប់គ្នាចូលចិត្តអ្នកដោយសារការគិតពិចារណារបស់អ្នក។ អ្នកមានមោទនភាពដែលអ្នករៀបចំជីវិតរបស់អ្នកយ៉ាងល្អ ព្រោះអ្នកជាមនុស្សដែលមានម៉ោងមានពេលត្រឹមត្រូវ។ នៅក្នុងជីវិតប្រចាំថ្ងៃរបស់អ្នក អ្នកចេះដឹងថាអ្វីជារឿងប្រាកដ ហើយអ្នកជឿជាក់ថា ការធ្វើការងារជាក្រុមនឹងផ្តល់ផលដ៏ល្អបំផុត។ អ្នកពូកែគិតបែបតក្កៈ ដែលជាហេតុមនុស្សគ្រប់គ្នាចង់បានអ្នកនៅក្នុងក្រុមរបស់គេ។ អ្នកអាចសម្រេចចិត្តយ៉ាងលឿនយ៉ាងល្អ ហើយមានភាពជឿជាក់ទៅលើការសម្រេចចិត្តនោះយ៉ាងមោះមុត។ នៅពេលមានឧបសក្ក អ្នកមិនរាថយទេ ហើយអ្នកនឹងដើរទៅមុខជាមួយនឹងក្រុមដ៏ល្អរបស់អ្នក។
៣. ឃើញសត្វទាំង២ក្នុងពេលតែមួយ
អ្នកជាមនុស្សដែលឃើញរឿងល្អផង និងចេះគិតពិចារណាល្អផង។ អ្នកណាក៏ចង់នៅជិតអ្នកដែរ។ ដោយសារតែអ្នកមានចំណុចទាំង២ នេះទើបធ្វើឱ្យអ្នកជាមនុស្សដែលអាចជួយគេបាននៅក្នុងគ្រាអាសន្ន ដោយការគិតពិចារណាត្រឹមត្រូវ ដែលគេអាចធ្វើតាមបាន។ អ្នកដឹងថាពេលណាគួរ សប្បាយហើយពេលណាដែលអ្នកគួរតែដោះស្រាយបញ្ហារបស់អ្នកយ៉ាងម៉ត់ចត់។ អ្នកអាចបែងចែកជីវិតការងារ និងជីវិតគ្រួសារបានយ៉ាងស្រួល។ អ្នកពិតជាសំណាងដែលអាចគ្រប់គ្រងសន្តិភាពនៅក្នុងអារម្មណ៍របស់អ្នក៕
ព័ត៌មានថ្មីៗ
