កម្មផលទាំង ៤ របស់មនុស្សស្រីដែលពូកែយកប្ដីគេ
កម្មពៀរវាមានពិតមែន អ្នកបានប្រព្រឹត្តអ្វីខ្លះ អ្នកច្បាស់ជាទទួលនូវផលកម្មនោះ ហើយកម្មតបស្នងក្នុងជាតិនេះ មិនចាំជាតិក្រោយឡើយ។ ហើយត្រូវចាំថា កម្មមិនត្រឹមតែកើតលើខ្លួនអ្នកប៉ុណ្ណោះទេ តែវាក៏អាចធ្លាក់ដល់កូនចៅ ឬឪពុកម្ដាយ បងប្អូនអ្នកក៏មានដែរ។ យ៉ាងណាមិញ ខាងក្រោមនេះ គឺជាផលកម្មទាំង ៤ របស់មនុស្សស្រីដែលពូកែយកប្ដីគេ។
១. ជីវិតគ្រួសារបរាជ័យ អាពាហ៍ពិពាហ៍មានបញ្ហា
ស្ត្រីដែលមានឈ្មោះថាយកប្តីអ្នកដទៃ ជីវិតពិតជាមិនអាចពេញលេញបានឡើយ។ ព្រោះអ្នកដែលបំផ្លាញគ្រួសារគេ នឹងមិនបានជួបមនុស្សល្អជាគូដាច់ខាត។ ចង់បានប្ដីគេ លេងល្បែងស៊ីសង ផឹកស៊ី ធ្វើឱ្យប្រពន្ធកូនវេទនា ដូច្នេះ ទ្រព្យសម្បត្តិក៏រលាយ និងរងការអាម៉ាស់អស់មួយជីវិត ។
ចងចាំពេលដែលស្ត្រីម្នាក់លួចប្តីរបស់នរណាម្នាក់ ទោះបីជានាងពេញចិត្តនឹងអារម្មណ៍ខ្លួនឯងនៅពេលនោះក៏ដោយ។ ប៉ុន្តែបន្ទាប់ពីនេះ អ្នកប្រាកដជាត្រូវរស់នៅក្នុងទារុណកម្ម។ ជាពិសេស ពេលអ្នកមានគ្រួសារ ពេលចាស់ទៅ កាន់តែចាស់ទុំ និងគិតច្រើន នឹងនឹកឃើញតែព្រឹត្តិការណ៍ដែលខ្លួនបានប្រព្រឹត្តក្នុងជីវិត អ្នកនឹងស្តាយក្រោយពេញមួយជីវិត។
២. កម្មធ្លាក់ទៅលើកូន
ការទទួលយកកម្មផលខ្លួនឯង គឺប្រាកដណាស់ ប៉ុន្តែសូម្បីតែកូនក៏នឹងត្រូវទទួលនូវចំណែកនៃការសងសឹកដោយសារតែកំហុសរបស់ម្តាយដែរ។ មនុស្សស្រីដែលយកប្ដីគេ ប្រយ័ត្នថ្ងៃណាមួយ កូនរបស់អ្នក ត្រូវគេយកប្ដីវិញ ឬជីវិតគ្រួសារកូនរបស់អ្នក ត្រូវជួបការបែកបាក់ដូចគ្នា។
ស្ត្រីមានកេរ្តិ៍ឈ្មោះអាក្រក់ ហើយកូនៗក៏ត្រូវរងនូវកេរ្តិ៍ឈ្មោះអាសោចដែរ។ ស្ត្រីរស់នៅមិនសមរម្យ ខ្វះសេចក្តីថ្លៃថ្នូរ កូនក៏ធ្វើតាម ចរិតកាត់តាមម្ដាយ សូម្បីតែក្នុងជីវិតខាងមុខក៏ដោយ ស្ត្រីនឹងសម្រាលកូនដែលមានជំងឺជាច្រើន។ ដូច្នេះស្ត្រីទាំងឡាយមុននឹងរស់នៅដើម្បីអារម្មណ៍ផ្ទាល់ខ្លួន ចូរបើកភ្នែកមើលឱ្យទូលាយ ក្រឡេកមើលឱ្យឆ្ងាយបន្តិច កុំដោយសារតែទង្វើអ្នក បំផ្លាញដល់អនាគតកូន។
៣. ទុក្ខវេទនា ធ្លាក់លើឪពុកម្ដាយអ្នក
ពេលដែលមនុស្សស្រីជ្រៀតចូលក្នុងជីវិតគ្រួសារអ្នកដទៃ វាមិនត្រឹមតែប្រពន្ធដែលរងទុក្ខប៉ុណ្ណោះទេ ប៉ុន្តែក៏មានឪពុកម្តាយរងគ្រោះដូចគ្នា។
ឪពុកម្តាយដែលចិញ្ចឹមកូនឱ្យធំឡើង ដោយសង្ឃឹមថាកូនៗនឹងក្លាយជាមនុស្សល្អ។ ប៉ុន្តែបែរជាត្រូវមានកូនដែលយកប្ដីគេ វាគឺជារឿងដែលអាម៉ាស់បំផុតសម្រាប់អ្នកដែលជាឪពុកម្ដាយ។ ដូច្នេះ ស្ត្រីដែលប្លន់ប្តីគេ គឺជាឧក្រិដ្ឋកម្មធ្ងន់ធ្ងរជាងនេះទៀត គឺអំពើមិនគោរពសាសនា ជាឧក្រិដ្ឋកម្មធ្វើទារុណកម្មឪពុកម្តាយ។ បាបកម្មនេះនឹងត្រូវបណ្តេញទៅនរកជារៀងរហូត ចាប់កំណើតឡើងវិញនៅកន្លែងខ្មោចឃ្លានមិនអាចរួចខ្លួនឡើយ។ ស្ត្រីត្រូវចងចាំរឿងនេះ ដើម្បីកុំឱ្យប្រព្រឹត្ត។
៤. ចាស់ទៅត្រូវរស់នៅឯកា គ្មានកូនចៅណាមើលថែ
ស្ត្រីដែលមានវ័យចាស់នឹងឃ្លាតឆ្ងាយពីកូន ហើយនឹងរស់នៅក្នុងជីវិតឯកាបំផុត។ ពេលអ្នកឈឺ គ្មានអ្នកណាមកមើលថែអ្នកទេ។ សូម្បីតែស្លាប់ដោយភាពអាម៉ាស់ក៏ត្រូវមនុស្សតិះដៀលដែរ។
ជនណាប្លន់យកប្តីគេ កម្មផលតបស្នងជីវិតនោះមិនទាន់ចប់ទេ ហើយនៅបន្តរហូតដល់ជាតិក្រោយទៀតផង។ ព្រោះកម្មផលដែលកើតក្នុងជីវិតនេះធ្ងន់ពេកហើយ ទោះបីអ្នកក្លាយជាអ្នកមានក្នុងជីវិតនេះ ទោះបីអ្នកធ្វើកុសលជាច្រើនដើម្បីសាងក្នុងជីវិតក្រោយក៏ដោយ ក៏អ្នកនៅតែមិនអាចរួចផុតពីភាពវេទនា ត្រូវគេធ្វើបាបដែរ។ ដូច្នេះ ស្ត្រីមិនគួរស្រឡាញ់បុរសដែលរៀបការរួចឡើយ៕
ប្រភព ៖ Phunutoday / Knongsrok
ព័ត៌មានថ្មីៗ
