ជោគជតារាសីការងារ លុយកាក់ ស្នេហារបស់អ្នកនៅខែមិថុនា! សូមរើសសន្លឹកបៀមួយដែលអ្នកចាប់អារម្មណ៍និងសមាធិចិត្តឲ្យស្ងប់
សួស្តីប្រិយមិត្តនៃគេហទំព័រក្នុងស្រុក ថ្ងៃនេះយើងមានការបើកសន្លឹកបៀមើលពីជោគជតារាសីរបស់អ្នកនៅពាក់កណ្តាលខែមិថុនានេះ ចង់ដឹងថាទាំងរឿងការងារ លុយកាក់ ស្នេហានឹងមានអ្វីកើតឡើងខ្លះ ។
របៀបចាប់ផ្តើម
1). ត្រូវមានសមាធិធ្វើចិត្តឲ្យស្ងប់គិតពីអ្វីដែលអ្នកចង់ដឹង ។
2). រើសសន្លឹកបៀមួយដែលទាក់អារម្មណ៍របស់អ្នក (ហាមលួចមើលចម្លើយមុន)
3). រំកិលទៅអានចម្លើយនៃលេខដែលអ្នកបានរើស ។
សូមជូនពរអោយប្រិយមិត្តជួបតែសំណាងល្អ
សន្លឹកបៀទី 1
ការងារ៖ កំពុងស្ថិតនៅក្នុងអំឡុងពេលមានការស្ទាក់ស្ទើរជាមួយនឹងភារកិច្ចការងារ អ្នកត្រូវធ្វើការសម្រេចចិត្តធំៗមួយចំនួន ទោះបីជាអ្នកមិនចង់ក៏ដោយ អាចត្រូវពឹងផ្អែកលើការគិតឲ្យបានច្រើនដើម្បីបញ្ចៀសកំហុស ។
ហិរញ្ញវត្ថុ៖ នេះជារយៈពេលដែលទាមទារការអត់ធ្មត់បន្តិចក្នុងលក្ខខណ្ឌចំណូលនិងចំណាយ បន្ទាប់មកបញ្ហានឹងចាប់ផ្តើមល្អបណ្តើរៗក្នុងពេលឆាប់ៗនេះ វាជាពេលវេលាដ៏ល្អក្នុងការវិនិយោគរង់ចាំការប្រាក់នាពេលអនាគត។
ស្នេហា៖ មានបញ្ហាទំនាក់ទំនងដែលត្រូវគិតគូរ អ្នកចាប់ផ្តើមចង់អភិវឌ្ឍជីវិតស្នេហាឱ្យមានភាពចាស់ទុំនិងហ្មតចត់ជាងពេលមុន រហូតដល់ត្រូវនិយាយគ្នាផ្ទាល់ដើម្បីយល់ចិត្តគ្នាទៅវិញទៅមក។ រីឯអ្នកនៅលីវចាប់ផ្តើមសម្លឹងទៅឆ្ងាយចង់បានស្នេហាដែលមានស្ថិរភាពមិនចង់វិលទៅរកទំនាក់ទំនងដែលវឹកវរ ។
ដំណោះស្រាយ ៖ ប្រសិនបើអ្នកមានអារម្មណ៍មិនស្រួល សូមព្យាយាមរកអ្នកប្រឹក្សាផ្លាស់ប្តូរយោបល់ សូមយកចិត្តគេដាក់ចិត្តឯងដើម្បីឲ្យអ្នកយល់ពីបញ្ហាកាន់តែច្បាស់។
សន្លឹកបៀទី 2
ការងារ៖ ការងារមានការរីកចម្រើនទៅមុខ ឬមានឱកាសទទួលបានការងារធំដុំ ព្រោះតែមានគេមើលឃើញទេពកោសល្យរបស់អ្នក វាជាពេលដែលគំនិតនឹងឈានទៅមុខគ្រប់កិច្ចការ។
ហិរញ្ញវត្ថុ៖ ថវិកាមិនគ្រប់គ្រាន់ក្នុងការចំណាយ ដោយសារកាតព្វកិច្ចទូទាត់ប្រចាំខែ ប៉ុន្តែគ្រប់យ៉ាងកំពុងប្រសើរឡើងហើយព្រោះអ្នកចាប់ផ្តើមឃើញមធ្យោបាយពង្រីកប្រាក់ចំណូលទៅថ្ងៃអនាគត។
ស្នេហា៖ អ្នកនៅលីវស្ថិតក្នុងភាពទាក់ទាញខ្លាំង អ្នកដែលមានដៃគូស្នេហាមិនសូវរកាំរកូសប៉ុន្មានទេ ផ្ទុយទៅវិញទំនាក់ទំនងកាន់តែមានស្ថិរភាពនិងយូរអង្វែង។
ដំណោះស្រាយ៖ អំណត់ អត់ធន់ សង្កត់ចិត្ត ព្រោះថាធ្វើត្រូវហើយចេះតែព្យាយាមទៅ លទ្ធផលល្អៗប្រាកដជានៅខាងមុខ។
សន្លឹកបៀទី 3
ការងារ៖ ធុញទ្រាន់នឹងបញ្ហាផ្ទៃក្នុង ឬមានជម្លោះជាមួយមិត្តរួមក្រុម អ្នកមិនគួរបញ្ចេញយោបល់ច្រើននៅកន្លែងធ្វើការទេ។
ហិរញ្ញវត្ថុ៖ មានរឿងច្រើនដែលត្រូវគិតរឿងលុយកាក់ បញ្ហាខ្ចីលុយ បញ្ហាខ្ចីហើយមិនសង ប៉ុន្តែការឈឺក្បាលទាំងអស់ជិតចប់ហើយ។
ស្នេហា៖ អាចជួបការខកចិត្តរហូតដល់ទំនាក់ទំនងមិនអាចបន្តបាន ចូរអ្នកបន្តតស៊ូដោយការអត់ធ្មត់និងការលះបង់ ប៉ុន្តែប្រសិនបើរឿងច្រើនពេកយកល្អត្រូវពិចារណាថយម្នាក់មួយជំហាន
ដំណោះស្រាយ៖ សុំខាំមាត់សង្កត់ចិត្តដើម្បីតស៊ូនឹងបញ្ហា ផ្លែផ្កានៃភាពជោគជ័យដែលអ្នកបានដាក់ចូលគឺស្ទើរតែជោគជ័យហើយ ចូរបន្តដំណើរទៅមុខទៀត ៕
ប្រភព៖ បរទេស/ កែសម្រួល៖ Knongsrok
ព័ត៌មានថ្មីៗ
