បើកបៀទស្សន៍ទាយរាសីស្នេហា! តើអ្នកនឹងមានសំណាងពីដៃគូស្នេហាដែរឬទេ? តោះទៅអានចម្លើយពិតទាំងអស់គ្នា
មនុស្សជាច្រើននិយាយថា បើយើងមានដៃគូល្អ ស្នេហាល្អប្រៀបបាននឹងការឈ្នះឆ្នោតរង្វាន់ទី១ជាពិសេសប្រសិនបើគូស្នេហ៍របស់អ្នកមកជាមួយសំណាងផងដែរ វាដូចជាការឈ្នះរង្វាន់ទី 1 ច្រើនដងជាប់គ្នា ដូច្នេះថ្ងៃនេះគេហទំព័រសូមនាំការការបើកសន្លឹកបៀលើប្រធានបទ "តើអ្នកមានសំណាងពីដៃគូជីវិតឬអត់?" មកទស្សន៍ទាយទាំងអស់គ្នា ។
របៀបចាប់ផ្តើម
1). ត្រូវមានសមាធិធ្វើចិត្តឲ្យស្ងប់គិតពីអ្វីដែលអ្នកចង់ដឹង ។
2). រើសសន្លឹកបៀមួយដែលទាក់អារម្មណ៍របស់អ្នក (ហាមលួចមើលចម្លើយមុន)
3). រំកិលទៅអានចម្លើយនៃលេខដែលអ្នកបានរើស ។
សូមជូនពរអោយប្រិយមិត្តជួបតែសំណាងល្អ
សន្លឹកបៀទី1៖ ដៃគូរបស់អ្នកអាចចាត់ជាចំណាត់ថ្នាក់ផ្កាយ 5 ក៏ថាបាន ព្រោះគេជាមនុស្សម្នាក់ដែលតស៊ូក្នុងជីវិតតាំងពីតូចមក គេឧស្សាហ៍ព្យាយាមនិងមានការតាំងចិត្តខ្ពស់ គេអាចមើលថែគ្រប់យ៉ាងបានយ៉ាងល្អថែមមិនសាវ៉ាទៀត តែគេជាទីពេញចិត្តរបស់មនុស្សជាច្រើន ប្រសិនបើអ្នកជាដៃគូដែលគេជ្រើសរើស ចូលកុំបារម្ភពីការបោកប្រាស់អី ដោយសារតែខួរក្បាលរបស់គេឧទ្ទិសជាចម្បងដើម្បីកសាងគ្រួសារ នៅក្នុងផែនការរបស់គេនឹងមានអ្នកនៅជាមួយជានិច្ច គ្រាន់តែគេមិនសូវជាចេះរៀបរាប់ច្រើនអំពីអ្វីដែលគេគិតឲ្យអ្នកដឹងច្រើន មិនមែនថាគេខ្លាចអ្នកជ្រៀតជ្រែកទេ គ្រាន់តែគេមិនចង់ឲ្យអ្នកគិតច្រើន គេមានក្តីស្រឡាញ់និងការខ្វល់ខ្វាយប៉ុណ្ណឹងហើយ កុំព្រលែងឲ្យរួចពីដៃណា៎ ។
ដោយឡែកប្រសិនបើគេនិងអ្នកមិនទាន់ក្លាយជាសង្សារច្បាស់លាស់ឬនៅទាក់ទងគ្នានៅឡើយ ចូលកុំប្រញាប់ប្រញាល់រហូតទៅដល់ការធ្វើស្នេហ៍ធ្វើស្និទ្ធឲ្យសោះ ព្រោះជើងលេខកំពុងល្អហើយវានឹងប្រែទៅជាដាច់លាភ ជើងលេខមនុស្សដូចអ្នកមិនអាចទៅធ្វើពិធីអបិយជំនឿបែបនេះបានទេ អ្នកអាចមានចន្លោះប្រហោងមិនអាចគោរពបានខ្ជាប់ខ្ជួន ដូច្នេះវាអាចនាំរឿងដាក់ខ្លួនបាន ។
ដូច្នេះអ្វីដែលគួរធ្វើគឺត្រូវរង់ចាំដោយអត់ធ្មត់ ហើយរស់នៅតាមធម្មតា ថែរក្សាចិត្តខ្លួនឯងឲ្យស្ថិតក្នុងសីលធម៌ជានិច្ច កុំលោភលន់ចង់ក្លាយជាម្ចាស់បេះដូងរបស់គេរហូតរាយមន្តស្នេហ៍បែបខុសផ្លូវ ត្រូវចាំថាអ្នកមានមន្តស្នេហ៍ក្នុងភាពជាខ្លួនឯងស្រាប់ហើយ វានៅតែត្រូវការឲ្យអ្នកមានការអត់ធ្មត់ឲ្យច្រើនបន្ថែមទៀតតែប៉ុណ្ណោះ ។
សរុបសេចក្តី៖ អ្នកជាមនុស្សមានរាសីខ្ពស់ក្នុងរឿងស្នេហា ដៃគូររបស់អ្នកជាមនុស្សល្អ ឧស្សាហ៍ព្យាយាម ស្រលាញ់ពិត និងមិនចេះសាវ៉ាទេ ប្រសិនបើមានបញ្ហាវាមកពីអារម្មណ៍ផ្ទាល់ខ្លួនរបស់អ្នក។
សន្លឹកបៀទី 2៖ គូស្នេហ៍របស់អ្នកជាមនុស្សចូលចិត្តសប្បាយ ផឹកស៊ីជួបជុំមិត្តភក្តិច្រើន ប៉ុន្តែគេជាមនុស្សស្រឡាញ់យុត្តិធម៌ និងមានសីលធម៌ក្នុងខ្លួន ដូច្នេះទោះបីជាពេលខ្លះគេរញ៉េរញ៉ៃដោយសារគេស្អិតជាមួយមិត្តភក្តិមែន តែវាក៏គ្មានអ្វីដែលត្រូវព្រួយបារម្ភដែរ គេអាចមើលថែអ្នកបានយ៉ាងល្អ មានការទំនុកបម្រុងមិនដែលខ្វះចន្លោះ តែប្រសិនបើអ្នកដាក់កម្រិតឱ្យគេជ្រើសរើសរវាងមិត្តនិងអ្នក ត្រូវតែសុំទោសជាមុនព្រោះ 80% គេនឹងរើសមិត្តភ័ក្ត ។ ប្រសិនបើអ្នកចង់នៅជាមួយគ្នាឲ្យបានសុខ អ្នកត្រូវទ្រទ្រង់ទំនាក់ទំនងក្នុងទម្រង់ជាមិត្តភ័ក្ដិល្អ ទៅណាទៅជាមួយគ្នា កុំង៉ក់ងច្រើនកុំប្រចណ្ឌច្រើនព្រោះម្នាក់នេះគេមិនចូលចិត្តលួងទេ ។
យ៉ាងណាមិញ ជើងលេខរបស់អ្នកនឹងជួបស្នេហាពិតឬដៃគូរបស់អ្នកពេលឆ្លងកាត់ឧបសគ្គផ្សេងៗ មិនថាខកចិត្តពីការងារ ខូចចិត្តពីសង្សារចាស់ ឬក្នុងពេលចលាចលនឹងមានវីរបុរស ឬទេវតាមកជួយសម្រាលទុក្ខ និងជួយថែរក្សានៅក្បែរដោយមិនរំពឹងអ្វីមកវិញ ហើយឧបសគ្គគ្រប់យ៉ាងនេះហើយ ជារឿយៗត្រូវបានក្លាយទៅជាកំលាំងស្នេហា ហើយស្នេហាដែលសាកសមនឹងដៃគូរបស់អ្នក ជារឿយៗវាគឺជាសេចក្តីស្រឡាញ់ដែលត្រូវតែបង្ហាញការយកចិត្តទុកដាក់ជានិច្ច មិនប្រចណ្ឌមិនប្រកាន់ច្រើន ដោយសារតែការប្រចណ្ឌកាន់តែច្រើន ស្នាមប្រេះឆានឹងលេចឡើងកាន់តែច្រើនឡើង ៗ រហូតក្លាយជាបុព្វហេតុនៃភាពបាក់បែក។
ម្ល៉ោះហើយនៅពេលណាដែលអ្នកមានអារម្មណ៍ថាមានបញ្ហាគិតមិនលុះ ឬចង់រត់ចេញពីគ្នាទៅវិញទៅមក សូមភ្ញាក់ខ្លួនឡើង! ដៃគូរបស់អ្នកមានទំនោរត្រូវការអំណាចដោយថាមពលនៃធម្មជាតិ ប្រសិនបើមានអ្វីដែលមិនស្រួលត្រូវថយម្នាក់មួយជំហាន ដើម្បីធ្វើការសម្រេចចិត្តដោយស្ងប់ស្ងាត់ ហើយចាប់ដៃគ្នាសម្រាកក្នុងធម្មជាតិ បន្ទាប់មកធម្មជាតិនឹងជួយព្យាបាលទំនាក់ទំនងរបស់អ្នកឱ្យត្រលប់ទៅអតីតកាលដ៏ល្អវិញ ត្រូវចាំថាអ្នកតែងតែមានសំណាងឬអំណាចនៃសេចក្តីស្រឡាញ់ពីធម្មជាតិ ។
សរុបសេចក្តី៖ ដៃគូរបស់អ្នកគឺជាមនុស្សដែលមានសង្គមច្រើន ប៉ុន្តែគេជាមនុស្សបរិសុទ្ធ គេគឺជាមនុស្សខ្លាំងបំផុតលើគ្រប់វិស័យទាំងអស់ បើអ្នកអាចយល់ពីអាកប្បកិរិយារបស់គេបាន ស្នេហារបស់អ្នកនឹងឋិតថេរគង់វង្ស (ទឹកបៀក៏សុំរំលឹកដែរថា... គូអ្នកត្រូវចេះបង្ហាញសេចក្ដីស្រឡាញ់ខ្លះ វានឹងជួយឱ្យស្នេហាផ្អែមល្ហែមខ្លាំង មិនឯកោដូចសព្វថ្ងៃនេះទេ)។
សន្លឹកបៀទី3៖ គូរបស់អ្នកជាមនុស្សឧស្សាហ៍ព្យាយាមក្នុងការររកលុយ អភិវឌ្ឍខ្លួនអភិវឌ្ឍគ្រួសារ គេអាចមើលថែអ្នកបានយ៉ាងល្អ ហើយសង្ឃឹមថាអ្នកនឹងរស់នៅបានសុខស្រួល មិនស្ថិតក្នុងភាពលំបាកណាមួយឡើយ ប៉ុន្តែជាមនុស្សម្នាក់នេះមានទំនោរចូលចិត្ត ឬឈ្លក់វង្វេងនឹងរបស់ស័ក្តិសិទ្ធឬវត្ថុអាថ៌កំបាំង ប្រសិនបើមាននរណាម្នាក់ប្រាប់គេពីអ្វីមួយដែលអាចជួយទ្រទ្រង់លាភសំណាងបាន គេនឹងពុះពារទៅភ្លាម មិនថាអ្នកជំទាស់ប៉ុនណាក៏ដោយក៏ទប់មិនឈ្នះដែរ នោះដោយសារតែគេចូលចិត្តបែបនេះ ហើយទោះជាត្រូវចំនាយប៉ុន្មានក៏គេហ៊ានដែរ ។
យ៉ាងណាមិញសម្រាប់ការដែលមានវត្ថុស័កិ្តសិទ្ធនៅនឹងខ្លួនវាមិនមែនជារឿងអាក្រក់ទេ គ្រាន់តែត្រូវដឹងពីរបៀបរក្សា របៀបប្រើវាឱ្យបានត្រឹមត្រូវ ប៉ុន្តែដៃគូរបស់អ្នកជារឿយៗមានបញ្ហានៃការទទួលដឹង តែលក្ខណៈដឹងមិនអស់រហូតមានការសម្រេចចិត្តខុស រហូតដល់ថ្នាក់នាំរឿងដាក់ខ្លួនជាជាងនាំលាភដាក់ខ្លួន ប៉ុន្តែពេលដែលយីអ៊ុនគេបើកគេក៏ទទួលបានលាភសំណាងធំដែរ (ដែលអាចកើតឡើងញឹកញាប់ដែរ) រីឯខ្លួនអ្នកវិញក៏ទទួលបានអំណាចពីបុណ្យកុសល ធ្វើឲ្យអ្នកនៅមានបុណ្យខ្ពស់ ទើបស័ក្តិសមនឹងយីអ៊ុនរបស់ដៃគូខ្លាំង ព្រោះថាបើរកត្រូវគឺមានខ្លាំង ។
យ៉ាងណាមិញបើអ្នកកែប្រែដៃគូមិនបាន ចូលអ្នកងាកទៅខ្លួនឯងវិញ បើអាចគួរធ្វើការអធិស្ឋានប្រចាំថ្ងៃ សូត្រធម៌មុនពេលចូលគេងដើម្បីពង្រឹងគុណធម៌ការពារនិងព្យាបាល បើអ្នកអ្នកជួបឱកាសអ្នកនឹងទទួលបានលាភសំណាង ប៉ុន្តែបើមានរឿងអាក្រក់កើតឡើងកំលាំងបុណ្យនឹងជួយកំចាត់ចោលនូវអំពើអាក្រក់ទាំងឡាយ។
សរុបសេចក្តី៖ ដៃគូរបស់អ្នកគឺល្អគ្រាន់តែគេជាមនុស្សងប់ងុលបើចូលចិត្តអ្វីហើយហាមមិនស្តាប់ទេ ប្រសិនបើអ្នកអាចយល់ពីអាកប្បកិរិយានេះធានាថាអាចនៅជាមួយគ្នាបានយូរ (តែបើអ្នកមិនទាន់មានគូ អ្នកនឹងទទួលបានដៃគូដោយមិនដឹងខ្លួន អាចហៅថាទេវតាខ្សឹបប្រាប់) ៕
ប្រភព៖ Miracle Tarot/ កែសម្រួល៖ Knongsrok
ព័ត៌មានថ្មីៗ
