រូបភាពដើមនៃប្រាសាទអង្គរវត្ត ដ៏ល្អវិចិត្រ និងមានភាពអច្ឆរិយៈលើពិភពលោក ដែលគ្រប់គ្នាកម្របានឃើញ
ប្រាសាទអង្គរវត្ត គឺជាប្រាសាទដែលមានភាពល្អវិចិត្រ និងមានការកេរ្តិ៍ឈ្មោះល្បីល្បាញ ដោយបានសាងសង់ នៅដើមសតវត្សរ៍ទី១២ ដោយព្រះបាទសូរ្យវរ្ម័នទី២ (១១១៣—១១៥០) ដើម្បីឧទ្ទិសថ្វាយព្រះវិស្ណុ ក្នុងព្រហ្មញ្ញសាសនា។
ប្រាសាទអង្គរវត្ត ត្រូវបានគេដឹងថាតំណាងឲ្យពិភពលោក ដោយប្រាង្គកណ្តាលតំណាងឲ្យភ្នំព្រះសុមេរុដែលស្ថិតនៅកណ្តាលពិភពលោក ប្រាង្គទាំង៥ តំណាងឲ្យកំពូលភ្នំព្រះសុមេរុដែលជាជាយផែនដី និងគូទឹកព័ទ្ធជុំវិញប្រាសាទគឺ ជាសមុទ្រដែលព័ទ្ធជុំវិញ។ ប្រាសាទអង្គរវត្តមានឈ្មោះដើមថា ប្រាសាទបរមវិស្ណុលោក។
តែដោយសារតែហេតុផលមួយចំនួន កត្តាសង្គ្រាម និងបញ្ហាមួយចំនួន ប្រាសាទអង្គរវត្តត្រូវបានគេបោះបង់ចោលអស់រយៈពេលជាច្រើនឆ្នាំ ព្រៃដុះស៊ុបទ្រុប គួរឱ្យសង្វេកខ្លាំង។ បើទោះបីជាត្រូវបានកូនខ្មែរ និងជនបរទេសបានរកឃើញប្រាសាទនេះជាបន្តបន្ទាប់ តែជនបរទេសមួយរូបដែលធ្វើឱ្យគ្រប់គ្នាកាន់តែស្គាល់កិត្តិនាមប្រាសាទអង្គរវត្តនោះគឺធម្មជាតិវិទូបារាំងឈ្មោះហង់រី មូហូ ដោយបានរកឃើញប្រាសាទនេះនៅថ្ងៃទី២២ ខែ មករា ឆ្នាំ ១៨៦១ ហើយបានចុះផ្សាយពីប្រាសាទនេះក្នុងទស្សនាវដ្តី តួ ឌុយ ម៉ុង នាឆ្នាំ១៨៦៣ បន្ទាប់មកការសិក្សាពីប្រាសាទអង្គរវត្តក៏ចាប់ផ្តើមពីពេលនោះមក។
នៅក្នុងនោះ ក្រោយការរុករកឃើញ មានជនបរទេសជាច្រើនបានមកទស្សនាប្រាសាទដ៏ល្អពិចិត្រមួយនេះ ថែមទាំងមានចម្ងល់ និងស្ទើរតែមិនជឿថាជនជាតិខ្មែរមានសមត្ថភាពអាចសាងសង់ប្រាសាទដ៏ល្អបែបនេះឡើយ ហើយដោយសម័យនោះកាមេរ៉ាទើបតែមាននោះ រូបភាពប្រាសាទដ៏ល្អនេះកម្រត្រូវបានគេផ្តិតយករូបភាពណាស់ ទោះបីជាមានរូបភាពមែនតែក៏ត្រូវបានរក្សាទុក និងតាំងបង្ហាញនៅបរទេសទៀតផង។
ដូច្នេះថ្ងៃនេះយើងខ្ញុំសូមបង្ហាញរូបភាពដើមនៃប្រាសាទអង្គរវត្ត ដែលត្រូវបានគេដឹងថា ជារូបភាពដើមក្រោយការរកឃើញប្រាសាទ តែគ្រាន់តែមិនដឹងពីកាលបរិច្ឆេទពិតប្រាកដតែប៉ុណ្ណោះ។
សូមទស្សនារូបភាពខាងក្រោម ៖
រក្សាសិទ្ធអត្ថបទ៖ ក្នុងស្រុក
ប្រភពរូបភាព៖ Unknown (given credit to owner)
ព័ត៌មានថ្មីៗ
