ទឹកដោះគោរមៀត ផ្តល់គុណប្រយោជន៍ណាស់ចំពោះរាងកាយ និងសុខភាពរបស់អ្នក! អាចធ្វើញ៉ាំបានដោយខ្លួនឯង
ការដាក់បញ្ចូលធាតុផ្សំរមៀត និងទឹកដោះគោចូលគ្នា សម្រាប់ទទួលទានជាមួយនឹងរបបអាហារប្រចាំថ្ងៃរបស់អ្នកគឺវាពិតជាល្អណាស់ចំពោះសុខភាពរាងកាយទាំងមូល ដែលអ្នកគួរស្វែងយល់ ព្រោះរមៀតជាឱសថធម្មជាតិក្នុងការការពារពីជំងឺផ្សេងៗ។ ចំណែកឯទឹកដោះគោ គឺជាប្រភពដ៏សម្បូរបែបនៃជាតិកាល់ស្យូម ដែលអាចជួយឆ្អឹងឲ្យមានសុខភាពល្អ និងរឹងមាំ។ ខាងក្រោមនេះយើងនឹងបង្ហាញអ្នកពីវិធីធ្វើទឹកដោះគោរមៀត និងអត្ថប្រយោជន៍ដ៏អស្ចារ្យរបស់វាចំពោះរាងកាយ និងសុខភាព៖
គ្រឿងផ្សំ៖ ទឹកដោះគោស្រស់ ១កែវ, ម្សៅរមៀត កន្លះស្លាបព្រាកាហ្វេ, ម្រេចម៉ត់ បន្តិច (ដាក់ក៏បានមិនដាក់ក៏បាន), ទឹកឃ្មុំ ១ស្លាបព្រាកាហ្វេ។
វិធីធ្វើ និងប្រើប្រាស់: ដាក់ឆ្នាំងចាក់ទឹកដោះគោចូល ដាក់ម្សៅរមៀតចូល កូរឲ្យសព្វទុករម្ងាស់ប្រហែល ៣០វិនាទី។ ដាក់ម្រេចម៉ត់ចូល កូរឲ្យសព្វ រួចបិទភ្លើង។ រួចចាក់ចូលកែវ បើមិនចង់ដោយកាក ចាក់ច្រោះវា រួចដាក់ទឹកឃ្មុំចូល កូរឲ្យសព្វ ដើម្បីបន្ថែមរសជាតិ រួចហូប។ ហូបពេលក្តៅឧណ្ហៗ ហូប ១កែវ ជារៀងរាល់ថ្ងៃ មុនពេលចូលគេង។
អត្ថប្រយោជន៍ដ៏អស្ចារ្យចំពោះរាងកាយ និងសុខភាព: ជួយឲ្យគេងលក់ស្រួល, ជួយសម្អាតជាតិពុលចេញពីរាងកាយ, ជួយព្យាបាលជំងឺសន្លាក់ និងធ្វើឲ្យឆ្អឹងរឹងមាំ, ជួយបង្កើនប្រព័ន្ធភាពស៊ាំ, ធ្វើឲ្យស្បែករបស់អ្នកភ្លឺថ្លា, ជួយសម្រកទម្ងន់, ព្យាបាលជំងឺផ្តាសាយ និងក្អក, ជួយសម្រួលដល់បញ្ហាឈឺក្បាល, ព្យាបាលការឈឺចាប់ពេលមកឈាមរដូវ៕
*សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
សម្រួលអត្ថបទដោយ៖ អ៊ាង សុផល្លែត
ប្រភពទាំងស្រុងពី៖ eangsophalleth.com
ព័ត៌មានថ្មីៗ
