ជ្រើសរើសសន្លឹកបៀរមួយ ដើម្បីដឹងថា តើអ្នកត្រូវដើរចេញពីរឿងអាក្រក់អ្វីក្នុងជីវិត?
មានរឿងរ៉ាវមួយចំនួនដែលវាត្រូវបានគេរៀបចំឲ្យកើតឡើងមកលើរូបយើង ដោយខ្លះក៏ជារឿងល្អទៅ ខ្លះជារឿងមិនល្អ សម្រាប់ជីវិតរបស់មនុស្សយើងម្នាក់ៗ។
យ៉ាងណាយើងខ្លួនឯងក៏អាចក្លាយជាអ្នកកំណត់ ជាអ្នកគូសវៀសផ្លូវដែលត្រូវដើរទាំងអស់នោះបានដែរ បើដឹងថាការពិតវាជាបញ្ហាដែលយើងត្រូវតែប្រឈមជាចាំបាច់ក៏ដោយ។ ចូរជ្រើសរើសរូបភាពមួយ ដើម្បីដឹងថាអ្នកត្រូវចាកចេញពីរឿងអាក្រក់អ្វី ក្នុងគោលដៅធ្វើឲ្យជីវិតល្អប្រសើរឡើងវិញ៖
សន្លឹកបៀរទី ១
បំភ្លេចចោលទំនាក់ទំនងដែលមិនល្អពីមុនមក។ ដោយសារតែអ្នកធ្លាប់ត្រូវបានគេបោះបង់ ធ្លាប់ទទួលរងអារម្មណ៍ឯកោ អ្នកក៏ចាប់ផ្តើមស្អប់មនុស្សផែនដី ហើយគិតថាបុរសឬនារីនោះ នឹងមិនល្អនោះទេ ពោលសុទ្ធតែជាមនុស្សដែលអាក្រក់ដូចគ្នា។
អ្នកធ្វើបែបនេះ ហាក់កំពុងបិទផ្លូវខ្លួនឯង ហើយមើលឃើញមនុស្សល្អក្លាយទៅជាមនុស្សអាក្រក់។ ដល់ពេលដែលអ្នកត្រូវកែតម្រូវហើយ អ្នកត្រូវបើកចិត្តឲ្យទូលាយឡើងវិញ ហើយផ្តោតទៅលើនរណាម្នាក់សារជាថ្មី ដោយត្រូវចាំថា មនុស្សមិនដូចគ្នាទាំងអស់នោះទេ។
សន្លឹកបៀរទី ២
បញ្ឈប់ការសង្ស័យ ការមិនជឿជាក់លើខ្លួនឯង ព្រោះវាកំពុងបំផ្លាញគោលដៅរបស់អ្នក។ អ្នកប្រហែលជាធ្លាប់បានឆ្លងកាត់រឿងរ៉ាវលំបាកជាច្រើន ហើយការសម្រេចចិត្តរបស់អ្នកហ្នឹងហើយជាអ្នកសម្លាប់ខ្លួនឯង។
ដោយសារតែអ្នកមិនមានការជឿជាក់លើខ្លួនឯង អ្នកសម្រេចចិត្តដោយមានភាពស្ទាក់ស្ទើរ នាំឲ្យស្ថានភាពខ្លះ វាក្លាយជាការសម្រេចចិត្ត។ ដល់ពេលដែលអ្នកត្រូវផ្លាស់ប្តូរចំណុចហ្នឹងហើយ ចូរធ្វើការវិភាគ និងគិតឲ្យបានល្អិតល្អន់ ហើយត្រូវចាំថា ខ្លួនឯងជាទំនួលខុសត្រូវខ្លួនឯង ហើយកុំពឹងផ្អែកលើគំនិតយោបល់អ្នកដទៃខ្លាំងជាងខ្លួនឯង។
សន្លឹកបៀរទី ៣
អ្នកប្រហែលធ្លាប់ទទួលបានការបោកបញ្ឆោត ឬការកុហកបោកប្រាស់ពីនរណាម្នាក់ មិនថាតែក្នុងអាជីពការងារ ឬអាជីវកម្មមួយចំនួន។ ហេតុនេះវាបានធ្វើឲ្យអ្នករាងចាល ឲ្យអ្នកដកខ្លួនឆ្ងាយពីមនុស្សជាច្រើន ហើយអ្នកបែរជាលែងទុកចិត្តនរណាទាំងអស់។
តាមពិតទៅការបន្តការគិតបែបនេះ មិនជារឿងត្រឹមត្រូវឡើយ ព្រោះមនុស្សខ្លះគេមានគោលជំហរចង់សហការ ចង់ចូលរួមជាមួយអ្នកពិតប្រាកដ អ៊ីចឹងចូរបើកចិត្ត ៥០ ភាគរយ ចាប់ផ្តើមជឿទុកចិត្តទៅលើមនុស្សសារជាថ្មី នោះអ្នកនឹងឃើញពន្លឺដ៏ល្អប្រសើរសម្រាប់ជីវិត រួចចាត់ទុករឿងកន្លងមកត្រឹមជាមេរៀនទៅចុះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
