កុំឆ្ងល់ថាម៉េចបានចេះតែស៊យ ជួបរឿងអាក្រក់ នោះមកពីអ្នករំលងចំណុចទាំង ៨ នេះ
តាមរយៈការផ្លាស់ប្តូរទម្លាប់មិនល្អទាំង ៨ ចំណុចនេះ ត្រូវបានចាស់ៗពីបុរាណដំណាលតគ្នាថា នឹងជួយឲ្យមនុស្សដែលជួបតែរឿងមិនល្អ អាចផ្លាស់មកជួបសំណាងល្អវិញ ហើយសកម្មភាពខ្លះវាជារឿងសាមញ្ញ ដែលមនុស្សជាច្រើនរំលង។
៨) គ្រែ
ហាមដាច់ខាតដំឡើងគ្រែ ដែលមានក្បាលគ្រែទល់នឹងជញ្ជាំងបន្ទប់ទឹក ព្រោះតាមក្បួនគឺវានាំឲ្យអ្នកជួបសំណាងមិនល្អ។ មួយផ្សេងទៀតកុំដាក់ក្បាលគ្រែទល់ទៅនឹងទ្វារចេញ ព្រោះវានាំឲ្យរបូតទ្រព្យ។
៧) កាបូបលុយ
រៀងរាល់ថ្ងៃចូលឆ្នាំថ្មី អ្នកគួរតែប្តូរកាបូបលុយថ្មីម្តងបើអាច ហើយដាក់លុយ ៩០០ ឬ ៩ ០០០ ដែលជាលេខសំណាងនៅក្នុងកាបូប។ ជាងនេះសូមកុំប្រើប្រាស់កាបូបរហែក ឬដាច់រយីករយាកឲ្យសោះ ទោះមានលុយក្នុងកាបូបច្រើនប៉ុណ្ណាក៏មិនសល់ដែរ។
៦) ឆ្កែឆ្មាអនាថា
ឃើញសត្វឆ្កែឆ្មាអនាថា កុំភ្លេចជួយដាក់ទឹក ដាក់ចំណីឲ្យវាស៊ីផង ព្រោះពេលអ្នកឲ្យវាស៊ីឆ្អែតពេញក្រពះ វាក៏រមែងនាំលាភជ័យឲ្យអ្នកអាចសម្រេចប្រាថ្នាអ្វីដែលបំណង។
៥) ផ្ទះបាយ
ផ្ទះបាយត្រូវតែសម្អាតជាប្រចាំ ព្រោះវាជាឥទ្ធិពលនៃផ្ទះទាំងមូល ប្រសិនណាផ្ទះបាយកខ្វក់ សំណាងក៏មិនល្អដូចគ្នា។
៤) ការរួមភេទ
ហាមផ្តាច់រួមភេទនៅថ្ងៃបុណ្យសាសនារបស់ព្រះពុទ្ធ ព្រោះថ្ងៃនោះត្រូវបានគេចាត់ទុកថាជាថ្ងៃបរិសុទ្ធ។
៣) កញ្ចក់
កញ្ចក់ត្រូវតែទម្លាប់ជូតសម្អាត កុំឲ្យមានធូលី និងកម្ទេចដីជាប់លើនោះច្រើនពេក។ វាជាភាពឆ្លុះបញ្ចាំងនៃទ្រព្យរបស់អ្នក។
២) ធ្នើរដាក់ព្រះពុទ្ធបដិមា
ត្រូវទម្លាប់មើលជាប្រចាំ ដោយឧស្សាហ៍ប្តូរទឹក ប្តូរផ្កានៅធ្នើរដាក់ព្រះពុទ្ធបដិមាខាងក្នុងផ្ទះ ព្រោះជាកន្លែងនាំសំណាង និងបញ្ចៀសឧបទ្រពចង្រៃផ្សេងៗ។
១) ស៊ុតនិងផ្លែក្រូច
គួរទម្លាប់មានស៊ុត មានផ្លែក្រូចដាក់ក្នុងកន្រ្តកមួយក្នុងផ្ទះ ដែលតាមទម្លាប់ចាស់ៗពីបុរាណរបស់ទាំងពីរនេះ គឺអាចនាំភាពរុងរឿងចូលដល់គ្រួសារ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
