ចាប់ពីម៉ោង ០០:០០ ថ្ងៃទី ១/៦/២០២២ តទៅ ជីវិតម្ចាស់ឆ្នាំទាំង ៣ នឹងលែងពិបាកហើយ
បើតាមក្បួនហោរាសាស្រ្តបានចារមកថា ម្ចាស់ឆ្នាំទាំង ៣ ខាងក្រោម ចាប់ពីបើកក្បាលទំព័រធំទី ៦ ប្រចាំឆ្នាំ ២០២២ តទៅ ពោលគឺចាប់ពីម៉ោង ០០:០០ នាទីទាបភ្លឺ ឈានចូលថ្ងៃទី ១ មិថុនា គឺនឹងទទួលបានការផ្លាស់ប្តូរក្នុងជីវិត រឿងមិនល្អ ដែលជាប់ជំពាក់កាលពីខែចាស់ទាំងឡាយ នឹងត្រូវរសាយបាត់អស់៖
អ្នកកើតឆ្នាំមមែ - ពពែ
នៅប៉ុន្មានខែមុន អ្នកកើតឆ្នាំមមែ ជួបរឿងមិនល្អច្រើន សឹងតែពេលខ្លះសំណាងវាបត់ក្លាយទៅជាគ្រោះថែមទៀត នាំឲ្យកើតមានរឿងនឹកស្មានមិនដល់។ លុយក៏ពិបាករក លុយហូរចូលតិច លុយហូរចេញច្រើន នាំឲ្យកើតមានអតុល្យភាពហិរញ្ញវត្ថុ។
យ៉ាងណាម្ចាស់ឆ្នាំមមែ គេឃើញថាបានខិតខំខ្លាំងណាស់ក្នុងជីវិត ដោយព្យាយាម ឆ្លងកាត់រឿងជាច្រើនតាំងពីនៅក្មេងវ័យ ហើយឥឡូវមកដល់រាងវ័យចំណាស់បន្តិច ក៏មិនទាន់រកឃើញកន្លែងសុខស្រួលពេញលេញនោះដែរ។
ប៉ុន្តែចូលមកដល់ខែមិថុនា ឆ្នាំ ២០២២ យីអ៊ុនរបស់ពួកគេគឺឡើងខ្ពស់ត្រដែត ពោល ៣ ខែតទៅមុខ ជីវិតនឹងមានការផ្លាស់ប្តូរ ដូចគេបត់ឲ្យក្លាយជាអ្នកមាន ល្មមនឹងឲ្យគ្រប់គ្នាក្បែរខ្លួនច្រណែន។
អ្នកកើតឆ្នាំថោះ - ទន្សាយ
ក្រឡេកមកឆ្នាំទន្សាយ នៅពេលខាងមុខ ពួកគេនឹងត្រៀមជួបរឿងសប្បាយៗជាច្រើន ហើយកើតក្លាយជាសំណាងនៅពេលទៅមុខ ជាពិសេសចន្លោះខែមិថុនា កក្កដា សីហា ឆ្នាំ ២០២២។
កាលពីមុនម្ចាស់ឆ្នាំថោះ ក៏ជួបជម្លោះ ជួបវិវាទមិនល្អក្នុងរង្វង់គ្រួសារ អ្នកក្បែរខ្លួនញឹកញាប់ដែរ តែគ្រប់យ៉ាងវានឹងរសាត់បាត់អស់ ហើយបន្សល់តែរឿងល្អ សល់តែស្នាមញញឹមដាក់គ្នា។ ជារួមភាពតានតឹងក្នុងជីវិតទាំងឡាយ នឹងត្រូវបានកាត់ផ្តាច់បន្តិចម្តងៗ នាំឲ្យអ្នកទទួលបានក្តីសុខត្រលប់មកវិញ។
អ្នកកើតឆ្នាំវក – ស្វា
អាចនិយាយបានថា អ្នកកើតឆ្នាំវក តែងតែមានវាសនាល្អ មានទំនាក់ទំនងក្នុងសង្គមល្អ ហើយក៏មានមនុស្សរាប់អានស្រលាញ់ចូលចិត្តច្រើន។
ចន្លោះប្រហោងមួយដែលពួកគេគ្មាន គឺសំណាង។ មនុស្សនេះជោគជ័យមិនពឹងផ្អែកលើសំណាងទាំងស្រុងទេ តែពឹងផ្អែកលើទេពកោសល្យនិងការខិតខំដែលពួកគេមាន។ ឥឡូវក្នុងរយៈពេល ៣ ខែទៅមុខ ចាប់ពីម៉ោង ០០:០០ បើកក្បាលខែមិថុនា តទៅនេះ ពួកគេនឹងទទួលបានការផ្លាស់ប្តូរ ដោយលាភសំណាង នឹងកើតមានច្រើន ហើយបើមនុស្សនេះនៅបន្តខិតខំប្រឹងប្រែងផង នោះទ្រព្យសម្បត្តិនឹងហូរចូលឥតឈប់។
លាភសំណាងនឹងស្ថិតស្ថេរនៅរយៈពេលកន្លះឆ្នាំចុងក្រោយ បើធៀបនឹងជីវិតលើទូក គឺមិនចេះលិច មិនជួបរលកធំ ដោយអណ្តែតតាមខ្សែទឹកទៅមុខបានសុខសប្បាយជាប់រហូត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
