សំណាងចុងខែ ៥ ថ្ងៃចុងក្រោយ គ្រោះមិនហ៊ានបៀត មានតែលាភហូរចូល ដល់ម្ចាស់ឆ្នាំទាំង ៤
តាមក្បួនហោរាសាស្រ្តបានទស្សន៍ទាយឃើញថា នៅរយៈពេល ៥ ថ្ងៃចុងក្រោយនៃខែឧសភា ពោលចន្លោះថ្ងៃទី ២៧ ដល់ ៣១ មុនបិទទំព័រ ផ្លាស់ចូលខែថ្មី មិថុនា អ្នកកើតឆ្នាំទាំង ៤ ខាងក្រោម នឹងមានសំណាងហូរចូលឥតឈប់ ពោលជាពេលវេលារាសីឡើងខ្ពស់ត្រដែត៖
អ្នកកើតឆ្នាំមមែ - ពពែ
សម្រាប់អ្នកកើតឆ្នាំមមែ អាចទទួលបានទៅតាមអ្វី ដែលចិត្តប្រាថ្នា នៅរយៈពេល ៥ ថ្ងៃចុងក្រោយ ដោយជីវិតនឹងមានភាពពេញលេញ ក៏ដូចគ្នានឹងអាជីពការងារ ការរកស៊ី បានផលមកវិញដ៏អស្ចារ្យ។
ទន្ទឹមនេះ អ្នកក៏គួរតែឆ្លៀតចាប់យកឱកាសល្អក្នុងជីវិតផងដែរ ពោលជួនពេលដែលសប្បាយរីករាយនឹងទ្រព្យចូល ក៏គួររកច្រកដែលអាចបង្ហូរទ្រព្យនោះឲ្យរីកសាយរយៈពេលយូរទៅមុខ ដល់តកូនតចៅ។ បើអ្នកគិតបានល្អិតល្អន់ សម្រេចចិត្តត្រូវពេលខាងមុខ នឹងអាចឲ្យអ្នករស់ស្រួលនៅពាក់កណ្តាលជីវិតបន្ទាប់។
អ្នកកើតឆ្នាំរោង – នាគ
អាចទទួលបានលាភសំណាងច្រើន នៅចន្លោះថ្ងៃទី ២៧ ដល់ ៣១ ឧសភា ដោយម្ចាស់ឆ្នាំរោង នឹងមានផលចំណេញធំចូលមក។ បើអ្នកលក់ដី អាចលក់ដីចេញបាននៅតម្លៃកល់ រីឯអ្នកលក់ឡាន ក៏រកបានអតិថិជនមករកជាហូរហែនៅចន្លោះពេលនេះ រីឯអ្នករកស៊ីផ្សេងទៀត តូចតាចក្តី ក៏មិនខ្វះដែលភ្ញៀវ គ្មានពេលទំនេរឡើយ ពេលខាងមុខ។
បើអ្នកប្រកបការងារ ដ្បិតបើមមាញឹកខ្លាំង តែក៏អាចទទួលបានពាក្យកោតសរសើរពីថ្នាក់លើ ទាំងនេះហើយជាដើមចម ដែលអាចឲ្យអ្នកទទួលបានការវាយតម្លៃល្អពេលទៅមុខ អាចឡើងប្រាក់ ឡើងមុខងារកាន់តែខ្ពស់។
អ្នកកើតឆ្នាំខាល – ខ្លា
ចំណោមឆ្នាំទាំង ១២ ម្ចាស់ឆ្នាំខាល មានរាសីឡើងខ្ពស់ត្រដែតជាងគេ នៅចន្លោះ ៥ ថ្ងៃចុងក្រោយនៃខែនេះ។ ដោយថាពួកគេ នឹងមិនទទួលការរាំងស្ទះ ឬឧបសគ្គអ្វីទាំងអស់ ពោលមានតែរឿងល្អចូលមកក្នុងជីវិត។
សញ្ញារាសីចក្រម្ចាស់ឆ្នាំខ្លា ក៏នឹងកើនឡើងឥតឈប់ ឃើញតែសញ្ញាបៃតង វ៉ៃឡើងទៅលើ គ្មានពណ៌ក្រហមធ្លាក់ចុះមកវិញឡើយ។ គោលដៅដែលកំណត់ពីពេលមុន ក៏ទំនងអាចសម្រេចចេញជាផលផងដែរ។
អ្នកកើតឆ្នាំច – ឆ្កែ
ជាមនុស្សមានចរិតស្មោះត្រង់ មុឺងម៉ាត់ ដែលមិនចេះកេងប្រយោជន៍អ្នកដទៃឡើយ។ ដោយសារអំពើល្អទាំងនេះហើយ កំណត់បានឲ្យពួកគេអាចជួបសញ្ញាល្អក្នុងជីវិត នៅរយៈពេល ៥ ថ្ងៃចុងក្រោយនៃខែឧសភា។
សំណាងគោះទ្វារហើយ ចាំត្រង ចាំទទួលយកផង។ ប្រាក់ចំណូលនឹងមានការកើនឡើងខ្ពស់ រីឯប្រាក់ចំណេញសម្រាប់អ្នករកស៊ី ក៏ល្មមអាចឲ្យអ្នកនៅអង្គុយរាប់លុយហត់។ សុភមង្គលក្នុងក្រុមគ្រួសារ ក៏ដើរទន្ទឹមនឹងទ្រព្យ ដែលកំពុងរីកដូចផ្កានាព្រឹកព្រលឹម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
