ថយក្រោយមិនបានទេ បើតម្រូវឲ្យទម្លាក់ជើងចូលមួយ តើអ្នកជ្រើសយកមួយណា?
ស្រមៃថាមានឧបសគ្គ ៣ នៅនឹងមុខហើយអ្នកមិនអាចត្រលប់ថយក្រោយបានទេ ពោលត្រូវតែដើរឆ្លងកាត់ទីនោះ។ យើងតម្រូវឲ្យអ្នកជ្រើសយកកន្លែងមួយ ដែលត្រូវទម្លាក់ជើងចូល រួចចម្លើយរបស់អ្នក យើងនឹងអាចបង្ហាញបានថាជីវិតអ្នកពេលនេះ មានចន្លោះប្រហោងអ្វី ហើយត្រូវកែតម្រូវបែបណាខ្លះ ដើម្បីឲ្យល្អប្រសើរជាងមុន៖
១) ទម្លាក់ជើងចូលភ្លើង
អ្នកជាមនុស្សរឹងមាំ ដែលពូកែលាក់អារម្មណ៍ខ្លាំងណាស់ បើទោះបីជាជួបបញ្ហាអ្វីក៏ដោយ នៅពីក្រោយនោះមានរឿងអ្វីក៏ដោយ ក៏អ្នកនៅតែញញឹមជានិច្ច។ វាជាសញ្ញាល្អមួយដែរ តែនៅស្ថានភាពខ្លះអ្នកក៏គួរតែរៀនបើកចិត្តចែករំលែកវាទៅកាន់មនុស្សដែលគួរឲ្យទុកចិត្តណាមួយ ព្រោះការបៀមទុក្ខតែម្នាក់ឯងយូរពេក វាមិនល្អនោះទេ។
២) ទម្លាក់ជើងចូលឲ្យត្រីស៊ី
អ្នកជាមនុស្សដែលមានមនោសញ្ចេតនា ហើយអ្នកមិនដែលឈប់ជឿជាក់លើក្តីសុបិន្តរបស់ខ្លួនឯងឡើយ ពោលតែងតែដើរតាមក្តីសុបិន្តជានិច្ច។ មនុស្សដែលនៅជុំវិញខ្លួនអ្នក គេស្រលាញ់ត្រង់អ្នកចិត្តល្អ និងមានចិត្តសប្បុរសចំពោះមនុស្សទូទៅជានិច្ច។
នៅក្នុងជីវិតអ្វីដែលអ្នកគួរតែបន្តធ្វើហើយកុំបោះបង់ គឺការដែលមើលទៅកាន់ពិភពលោក ពោរពេញដោយភាពវិជ្ជមាន។ ការគិតបែបសុទិដ្ឋិនិយមនេះហើយ នឹងនាំឲ្យអ្នកឆ្ពោះទៅរកវិថីជោគជ័យ និងការសម្រេចក្តីស្រមៃយ៉ាងពិតប្រាកដ។ យើងជូនពរឲ្យអ្នកជួបតែរឿងល្អនៅផ្លូវខាងមុខ។
៣) ទម្លាក់ជើងចូលទឹកកក
អ្នកជាមនុស្សដែលធ្វើអ្វីផ្អែកលើ ហេតុនិងផល ហើយមិនយកភាពមនោសញ្ចេតនាជាធំមកគិតឡើយ។ និយាយសាមញ្ញទៅ អ្នកប្រើខួរក្បាល ច្រើនជាងការប្រើបេះដូង។
នៅក្នុងជីវិតនេះ អ្នកបានជួបរឿងលំបាកជាច្រើនមកហើយ តែដោយសារភាពរឹងមាំ និងឈ្លាសវៃដែលអំណោយទានពីធម្មជាតិ ក៏រមែងអនុញ្ញាតឲ្យអ្នកអាចដោះស្រាយបញ្ហានានាបាន។ រាប់ថាអ្នកជាមនុស្សល្អឥតខ្ចោះ តែចំណុចខ្វះខាតពេលនេះ គឺអ្នកសកម្មនឹងរឿងខាងក្រៅខ្លាំងពេក ដល់ថ្នាក់ខ្វះពេលវេលាសម្រាប់គ្រួសារ និងមនុស្សដែលនៅជិតអ្នកបំផុត។ ចូរកុំមើលរំលងពួកគេយូរពេកអី បង្កើតក្តីសុខទាំងនោះផង ដើម្បីខ្លួនឯង និងដើម្បីមនុស្សជាទីស្រលាញ់ វាប្រៀបបាននឹងការសាកថ្មជីវិតដូច្នោះដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
