មនុស្សស្រីឆ្លាតនឹងមិនធ្វើរឿងទាំងនេះដាច់ខាត សូម្បីតែហើបមាត់និយាយក៏ដោយ!
ទាំងនេះគឺជារឿងតូចតាចមួយចំនួនដែលស្ត្រីឆ្លាតនឹងមិននិយាយរឿងទាំងនេះចេញពីមាត់របស់នាងនោះទេ ព្រោះនាងដឹងពីលទ្ធផលគ្រោះថ្នាក់មុនបាត់ទៅហើយ។
១. ពាក្យសម្តីដែលស្ត្រីឆ្លាតមិនគួរនិយាយ
- អួតពីខ្លួនឯងខ្លាំងពេក
មានមនុស្សតិចតួចណាស់ដែលអបអរសាទរអ្នកដោយស្មោះត្រង់ក្នុងខណៈអ្នកដែលច្រណែននៅពីក្រោយខ្នងរបស់អ្នករាល់ពេលដែលអ្នកនិយាយច្រើនពេកអំពីសមិទ្ធិផលរបស់អ្នកមានច្រើន។ គ្មាននរណាម្នាក់សុខស្រួលពេលឃើញអ្នកដ៏ទៃទទួលបានជោគជ័យ និងទទួលបានការគោរពច្រើនជាងខ្លួនឯងនោះទេ ជាពិសេសនៅកន្លែងធ្វើការ។
អ្នកមិនត្រូវនិយាយទេ ការធ្លាក់ចូលក្នុងទម្លាប់នៃការអួតគឺងាយស្រួលណាស់សម្រាប់មនុស្សក្រអឺតក្រទម ហើយអាចនឹងមិនដឹងពីរបៀបបន្ទាបខ្លួន។ សូមអំនួតអួតក្តែងៗប្រាប់គេ មនុស្សដែលពូកែពិតនឹងធ្វើឱ្យអ្នកដទៃដឹងថាខ្លួនពូកែដោយទង្វើពិត ហើយឱ្យអ្នកដទៃទទួលស្គាល់ដោយខ្លួន។
- ផ្តល់ដំបូន្មានលើជីវិតឯកជនរបស់អ្នកដទៃ
ទំលាប់ងាយៗរបស់មនុស្សនៅកន្លែងធ្វើការគឺការនិយាយដើមពីមិត្តរួមការងារ ឬសូម្បីតែថៅកែ។ មនុស្សមួយចំនួនឃើញមិត្តរួមការងាររបស់នាងទើបតែលែងលះ ក៏តាំងនិយាយដើមពីនេះពីនោះប្រហែលជាចំណងស្នេហាខ្លីពេក ប្រហែលជាមានកូនមុនរៀបការនិងបែកបាក់គ្នាយ៉ាងឆាប់រហ័ស។
កុំធ្វើឱ្យខ្លួនរបស់អ្នកគិតថាអ្នកមានសិទ្ធិវិនិច្ឆ័យ និងការរិះគន់ជីវិតឯកជនរបស់អ្នកដទៃ។ មនុស្សខ្លះអាយុ ៧០ ឆ្នាំនៅមិនទាន់ត្រូវបានគេហៅថាល្អនៅឡើយទេ ត្រូវគិតថាគ្មានអ្នកណាម្នាក់ល្អគ្រប់១០នោះទេ ។
- ចែករំលែកច្រើនពេកអំពីជីវិតឯកជន
ដ្បិតថាមិនចូលរួមក្នុងការធ្វើអត្ថាធិប្បាយអំពីជីវិតឯកជនរបស់អ្នកដទៃ ស្ត្រីដែលដឹងពីអាកប្បកិរិយានឹងមិនខ្ជិលច្រអូសក្នុងការប្រាប់រឿងរ៉ាវជីវិតរបស់ពួកគេទៅកាន់មិត្តរួមការងារ ឬអ្នកដទៃ។ ក្រុមហ៊ុនគឺជាកន្លែងធ្វើការមិនមែនដើម្បីដោះស្រាយបញ្ហាទេ។ ពេលខ្លះមានការអាក់អន់ចិត្ត ឬខឹងនឹងរឿងអ្វីមួយវាអាចចែករំលែកបានប៉ុន្តែមានដែនកំណត់របស់វា មិនមែនជារឿងរបស់គ្រួសារ ប្តីនិងប្រពន្ធដែលមានការភាន់ច្រលំដោយសារតែ “ តម្រូវការ” ដើម្បីប្រាប់មិត្តរួមការងាររបស់ពួកគេហើយបន្ទាប់មកត្រូវបានមនុស្សពេញក្រុមហ៊ុនដឹងលឺនោះទេ។
ការនិយាយច្រើនពេកអំពីខ្លួនឯងក៏ជាវិធីមួយដើម្បីជួយអ្នកដទៃយល់ពីភាពទន់ខ្សោយរបស់អ្នកដែរ។ ជាលទ្ធផលពេលខ្លះពួកគេប្រើវាដើម្បី "លួចចាក់អ្នកនៅពីក្រោយខ្នង" បន្ទាប់មកគ្មានអ្នកណាអាចជួយអ្នកបានទេ។
២. អ្វីដែលស្ត្រីឆ្លាតមិនដែលធ្វើ
- ដោះស្រាយបញ្ហាទាំងអស់របស់ស្វាមី
ទោះបីជាប្តីរបស់អ្នកមានបញ្ហាហិរញ្ញវត្ថុ ឬបញ្ហានៅកន្លែងធ្វើការក៏ដោយអ្នកមិនគួរដោះស្រាយឱ្យគាត់ទេ។
ប្រសិនបើអ្នកធ្វើដូច្នេះអ្នកនឹងបង្វែរប្តីរបស់អ្នកទៅជាអ្នកពឹងផ្អែកលើខ្លួនអ្នកហើយមិនដឹងពីរបៀបចែករំលែកការលំបាករបស់អ្នកគាត់នឹងភ័យខ្លាចក្នុងការទទួលខុសត្រូវចំពោះអនាគតផ្ទាល់ខ្លួន។
ចងចាំថាអ្នកជាស្ត្រីមិនមែនជាមេធាវីដែលត្រូវដោះស្រាយអ្វីៗគ្រប់យ៉ាងនោះទេ។
- ឱ្យអំណោយថ្លៃ ៗ ដល់ដៃគូគ្រប់ពេលគ្រប់ទីកន្លែង
មិនថាអ្នកជាអ្នកមានជាងប្តី ឬចង់ស្និទ្ធស្នាលជាមួយគាត់អ្នកមិនគួរឱ្យអំណោយថ្លៃ ៗ ដល់គាត់គ្រប់ពេលគ្រប់ទីកន្លែងឡើយ។
ដោយសារតែនៅពេលគាត់ដឹងពីរបៀបទទួលប៉ុន្តែគាត់មិនអាចប្រគល់អំណោយសមរម្យសម្រាប់អ្នក គាត់នឹងមានអារម្មណ៍ថាគ្មានសមត្ថភាពនិងគ្មានទីពឹង។ លើសពីនេះទៅទៀតប្រសិនបើអ្នកបន្តប្រើប្រាស់ទឹកលុយដើម្បីចិញ្ចឹមសេចក្តីស្នេហា អ្នកនឹងបង្វែរគាត់ទៅជាមនុស្សដែលចាប់អារម្មណ៍លើខ្លួនឯងបន្តិចម្តង ៗ ។
វិធីល្អបំផុតគឺផ្តល់អំណោយឱ្យគ្នាសមទៅនឹងតម្លៃដែលអ្នកទាំងពីរមាន មានន័យថាគាត់និងអ្នកទាំងពីរអាចផ្តល់អំណោយឱ្យគ្នាដូចគ្នា។
- ស្មារបស់អ្នកសម្រាប់គាត់ពឹងផ្អែកលើនៅពេលគាត់ចង់យំ
ស្ត្រីជារឿយៗ "លង់ស្នេហ៍" ជាមួយបុរសដែលអាណិតអាសូរនាង ចែករំលែកក្តីទុក្ខព្រួយជាមួយនាងនៅពេលនាងជួបទុក្ខលំបាក ប៉ុន្តែបុរសគឺខុសគ្នាពួកគេមិនចូលចិត្តស្ត្រីដែលបង្ហាញការអាណិតអាសូរចំពោះពួកគេទេ។
ស្ត្រីឆ្លាតគឺជាមនុស្សម្នាក់ដែលគាំទ្រនិងបំផុសស្វាមីរបស់នាងតាមគោលដៅរបស់គាត់ដើម្បីយកឈ្នះឧបសគ្គថ្មី។ នេះក៏ជាគន្លឹះក្នុងការរក្សាចំណងអាពាហ៍ពិពាហ៍ឱ្យបានគង់វង់ផងដែរ៕
ប្រែសម្រួល៖ វីរៈ
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
