ឆុតមិនបាច់និយាយ! រើសរូបម្រាមដៃដែលដូចម្រាមដៃអ្នកមួយ ដើម្បីដឹងពីនិស័្សយពីកំណើតរបស់អ្នក
សួស្តីប្រិយមិត្តនៃគេហទំព័រ Knongsrok ថ្ងៃនេះយើងនាំវិធីធ្វើតេស្តចិត្តសាស្ត្រ មួយទៀតមកឲ្យប្រិយមិត្តពិនិត្យមើលការគិត និងបុគ្គលិកលក្ខណះរបស់អ្នកទៀតហើយ តាមរយៈការជ្រើសរើសម្រាមដៃមួយដែលដូចម្រាមដៃអ្នកបំផុត ហើយអានចម្លើយខាងក្រោម ។
បញ្ជាក់៖ ត្រូវស្មោះត្រង់នឹងខ្លួនឯង មិនគួរលួចមើលចម្លើយមុនឡើយ បើមិនដូច្នោះការទស្សន៍ទាយនឹងក្លាយជាមោឃៈ ។
1. ម្រាមដៃឃ្លាតចេញពីគ្នា: ប្រសិនបើអ្នកលើកដៃស្តាំចេញមក ហើយឃើញថាម្រាមដៃរបស់អ្នកភាគច្រើនត្រូវបានឃ្លាតចេញពីគ្នាដូចក្នុងរូប បង្ហាញថាអ្នកជាមនុស្សមានភាពវិជ្ជមាននិងមានចិត្តបុណ្យ ជាមនុស្សអាចបែងចែកបានថាអ្វីល្អអ្វីអាក្រក់ អ្វីគួរធ្វើនឹងអ្វីដែលមិនគួរធ្វើ លើសពីនេះអ្នកស្រឡាញ់សេរីភាពមិនចូលចិត្តនៅមួយកន្លែងយូរទេ ។
2. ម្រាមដៃមានលក្ខណៈជិតគ្នា: បើអ្នកលើកដៃមកឃើញម្រាមទាំងអស់នៅជាប់គ្នាដូចក្នុងរូប នោះបង្ហាញថាអ្នកជាមនុស្សមានសតិសម្បជញ្ញៈនឹងធឹងម៉ឺងម៉ាត់ មិនថាអ្នកនៅទីណាអ្នកនឹងមានការប្រុងប្រយ័ត្ន ព្រមទាំងធ្វើអ្វីៗគ្រប់យ៉ាងដោយការប្រុងប្រយ័ត្នខ្ពស់ ទោះបីជាវាគ្រាន់តែជារឿងតូចតាចក៏ដោយ។
3. ម្រាមដៃទាំងអស់ជិតគ្នាមានតែមេដៃប៉ុណ្ណោះដែលឃ្លាត: បើអ្នកលើកដៃមកឃើញថាម្រាមដៃទាំងអស់នៅជិតគ្នា មានតែមេដៃប៉ុណ្ណោះដែលឃ្លាតចេញ បង្ហាញថាអ្នកជាមនុស្សដែលមានទំនុកចិត្តលើខ្លួនឯងខ្ពស់ ជាមនុស្សជឿជាក់លើហេតុផលផ្ទាល់ខ្លួន ដូច្នេះហើយពេលមានបញ្ហា អ្នកនឹងដោះស្រាយយ៉ាងសកម្មដោយខ្លួនឯង ទោះបីជាពេលខ្លះការធ្វើវាហាក់ដូចជាពិបាក ប៉ុន្តែអ្នកនឹងបន្តព្យាយាមរកដំណោះស្រាយរហូតដល់ជោគជ័យ។
4. ម្រាមដៃជិតទាំងអស់ មានតែម្រាមកូនដៃប៉ុណ្ណោះដែលឃ្លាត: បើអ្នកលើកដៃមកហើយឃើញថាម្រាមដៃទាំងអស់នៅជិតគ្នា មានតែម្រាមដៃកូនប៉ុណ្ណោះដែលឃ្លាតចេញ បង្ហាញថាអ្នកជាមនុស្សមានសោភ័ណភាពខ្ពស់ មិនសូវចេះប្រកាន់រឿងតូចធំ ពេលជួបរឿងអ្វីមួយអ្នកនឹងប្រើគំនិតដោះស្រាយជាជាងប្រើកំលាំងបាយ ថែមមានសមត្ថភាពក្នុងការធ្វើការផ្នែកអក្សរសាស្ត្រផងដែរ។
5. ម្រាមដៃជិតគ្នាទាំងស្រុង: ប្រសិនបើអ្នកលើកដៃមកហើយឃើញម្រាមដៃខ្លួនឯងទាំងអស់អឹបជិតគ្នាទាំងស្រុង បង្ហាញថាអ្នកជាមនុស្សមិនសូវសកម្ម ហើយមើលទៅមិនសូវជាចេះគិតច្រើន គ្រប់យ៉ាងត្រូវធ្វើតាមដំណើរនឹងទន់ភ្លន់ ថែមជាមនុស្សចិត្តមិនសូវដាច់ខាតប៉ុន្មានទេ ច្រើនតែមានចិត្តអាណិតគេជាធំ ៕
ប្រភព៖ បរទេស/កែសម្រួល៖ Knongsrok
ព័ត៌មានថ្មីៗ
