ចាំទទួលយកផង! សប្ដាហ៍ថ្មី ២-៨ ឧសភា អ្នកកើតឆ្នាំ ៣ រាសីល្អ ដូចទេវតាទម្លាក់ក្រឡមាសប្រាក់
តាមក្បួនហោរាសាស្ត្រសម្រាប់សប្តាហ៍ថ្មី ខែថ្មី ពីថ្ងៃទី ២ ដល់ ៨ ឧសភា អ្នកកើតឆ្នាំទាំង ៣ ដូចបង្ហាញខាងក្រោម នឹងមានរាសីល្អ ដូចត្រូវបានទេវតាទម្លាក់ក្រឡមាសក្រឡប្រាក់ ឲ្យជួបតែលាភជួបតែសំណាង។ តើមានប៉ះឆ្នាំរបស់អ្នកដែរឬទេ?
អ្នកកើតឆ្នាំរោង – នាគ
អរគុណនូវការអត់ធ្មត់ ការមិនបោះបង់គោលដៅធំក្នុងជីវិត បើទោះបីជួបរឿងលំបាកម្តងហើយម្តងទៀតក៏ពិតមែន។ អ្នកកើតឆ្នាំរោង នៅខែមេសា ដែលត្រៀមនឹងបញ្ចប់នេះ មិនសូវជាមានរឿងល្អច្រើនទេក្នុងជីវិត ពោលជួបឧបសគ្គច្រើនជាងសំណាង ដល់ថ្នាក់បន្លប់បាត់លាភធំមួយសារៗដែរ។
តែចូលមកដល់ខែថ្មី ខែឧសភា ស្វាគមន៍សប្តាហ៍ដំបូង ថ្ងៃទី ២ ដល់ ៨ ឧសភា ជោគវាសនាម្ចាស់ឆ្នាំរោងនឹងមានការប្រែប្រួលម្តងបន្តិច ផាត់អស់ការលំបាក សល់តែសុខ សល់តែភាពចម្រុងចម្រើន ហើយអាចទទួលបានការជួយជ្រោមជ្រែងពីទេវតាទ្រព្យ បាចខ្សាច់មួយដុំ បង្កប់ដោយមាសដោយប្រាក់ នាំឲ្យកើតជាចំណូល ច្រើនជាងការចំណាយ។ ពេលវេលានេះ បើអ្នកសន្សំសំចៃតែបន្តិច បន្តពេលទៅមុខ អ្នកនឹងសល់ទ្រព្យធំក្នុងជីវិតមិនខាន។
អ្នកកើតឆ្នាំខាល – ខ្លា
ទាំងរឿងរ៉ាវស្នេហា លុយកាក់ ការងារការរកស៊ី នៅខែមិនា និង មេសាកន្លងទៅ សម្រាប់ម្ចាស់ឆ្នាំខាល ហាក់ដូចឆុង ដោយមិនរលូនទាំងស្រុងឡើយ។ មនុស្សនេះខិតខំប្រឹងប្រែងណាស់ក្នុងជីវិត ហើយក៏រែកបន្ទុកធ្ងន់ណាស់ដែរ ទើបបញ្ហាល្មមៗ មិនងាយនឹងនាំឲ្យគេបោះបង់ ឬដួលត្រឹមពាក់កណ្តាលទី។
ឆ្លងកាត់ការអត់ធ្មត់ ការលះបង់កម្លាំងកាយចិត្ត ដោយមិនរអ៊ូរទាំជាច្រើនខែមកនេះ ចូលមកដល់ខែឧសភា លាភធំ នឹងកើតតាំងពីសប្តាហ៍ដំបូង ០២-០៨ ឧសភា ដល់ឆ្នាំដែលមានពង្សយក្សស្រី។ ខ្សែជីវិតគូ នឹងរលូនទៅមុខ ជួបតែសុភមង្គល លែងមានការទាស់ពាក្យ ខ្វែងគំនិតនឹងដៃគូដូចមុន។
រីឯអាជីពការងារ អាចថាមិនទាន់រីកចម្រើនខ្លាំងដូចចិត្ត តែក៏នឹងមិនស្មុគស្មាញដូចកាលពីប៉ុន្មានខែមុន។ សប្តាហ៍ថ្មីនេះដែរ ក៏នឹងជួយឲ្យម្ចាស់ឆ្នាំខាល អាចមានលុយចូលហោប៉ៅក្រែលជាងសប្តាហ៍មុន បើជាអ្នករកស៊ីវិញ អាចចាយវាយ សម្បូរសប្បាយ ជាការតបស្នងលួងចិត្តខ្លួនឯងដែលជួបរឿងលំបាកកាលពីពេលមុន។
អ្នកកើតឆ្នាំវក – ស្វា
ជោគជតារាសីមិនថាបុរស ឬស្រ្តី ដែលកើតឆ្នាំវក ដល់ពេលវេលាសោយសុខនឹងប្រាក់កាក់ហើយនៅសប្តាហ៍ថ្មី ០២-០៨ ឧសភាខាងមុខ។ កន្លងមកជីវិតបុគ្គលខ្លះ បានឆ្លងកាត់ការបែកបាក់ ការលែងលះ ការជំទាស់ពីក្រុមគ្រួសារ តែពេលទៅមុខនេះ គ្រប់យ៉ាងនឹងរកឃើញដំណោះស្រាយ មេឃបានស្រឡះហើយ បញ្ហាទាំងអស់រកឃើញផ្លូវចេញហើយ។
បើនិយាយពីអាជីពការងារ ការរកស៊ីឯណោះវិញ យីអ៊ុនម្ចាស់ឆ្នាំវក នឹងផ្ទុះខ្លាំងនៅឆ្នាំ ២០២៣ ឯណោះ ក៏ប៉ុន្តែមានលាយឡំនៅក្រឡមាសប្រាក់ធ្លាក់មកម្តងម្កាលដែរ។ សុខៗក៏ជួបប្រទះ គិតថើរៗក៏ចេញចម្លើយល្អ អាចជួយឲ្យអ្នកឆ្ពោះទៅរកភាពរុងរឿងក្នុងជីវិត នៅចន្លោះសប្តាហ៍ថ្មីខាងមុខ។ ខ្សែជីវិតម្ចាស់ឆ្នាំវក ល្មមអាចឲ្យមនុស្សមួយចំនួនច្រណែនបាន ព្រោះពីលំបាកផ្លាស់មកស្រណុក ដូចគេបត់ ១៨០ ដឺក្រេ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
