បើជើងមានសញ្ញា ៥ យ៉ាង ទស្សន៍ទាយថា អ្នកមានជោគវាសនាល្អ អនាគត់មិនខ្វះទ្រព្យឡើយ
តាមហោរាសាស្ត្រ បាននិយាយថា មនុស្សដែលមានសញ្ញាជើងមួយក្នុងចំណោមសញ្ញាសំខាន់ៗទាំង ៥ ដូចខាងក្រោមនេះ ត្រូវគេទស្សន៍ទាយថា នៅថ្ងៃអនាគត់នឹងមានជីវិតរលូន មានលាភសំណាង និងលុយកាក់ហូរហៀរ មិនបាច់ខ្វល់ពីភាពខ្វះខាតឡើយ។ តើអ្នកមានដែរទេ សូមមើលទាំងអស់គ្នា៖
ជើងតូចតែក្រាស់
តាមនរវិទ្យា និយាយថា មនុស្សមានជើងតូច តែមានសភាពក្រាសគឺជាសញ្ញានៃសំណាងល្អ។ អ្នកដែលមានលក្ខណៈបែបនេះ តែងមានចរិតថ្លៃថ្នូរ ជាពិសេសមនុស្សស្រីត្រូវគេព្យាករណ៍ថា មានលាភសំណាងក្នុងជីវិតមិនថាទៅទីណា គឺមានមនុស្សថ្លៃថ្នូរមកជួយគាំទ្រជានិច្ច។
ម្យ៉ាងទៀត បុគ្គលប្រភេទនេះ នៅថ្ងៃអនាគត់មានទ្រព្យច្រើន មានសម្ភារៈគ្រប់គ្រាន់ មិនខ្វល់ខ្វាយនឹងអាហារ និងលុយកាក់ ហើយអាជីពការងារទទួលបានជោគជ័យក្នុងកម្រិតណាមួយ។
បាតជើងមានប្រជ្រុយខ្មៅ
យោងទៅតាមនរវិទ្យា មនុស្សដែលមានប្រជ្រុយខ្មៅនៅលើបាតជើងជាមនុស្សដែលមានសំណាង នឹងទទួលបានឱកាសជាច្រើនមិនថាតែទៅដល់កន្លែងណានោះទេ ឬពេលខ្លះក៏អាចទៅរស់នៅក្រៅប្រទេសទៀតផង។
លើសពីនេះ មនុស្សដែលមានប្រជ្រុយធំនៅលើបាតជើងកាន់តែងងឹត ពិតជាមានសំណាងល្អ រាសីល្អគួរសម ហើយភាគច្រើនកាន់តំណែងសំខាន់ក្នុងការងារ ជាពិសេស ក្នុងជីវិតមនុស្សបែបនេះតែងតែមានភាពរីករាយនឹងសុភមង្គល។
កែងជើងមានពណ៌ផ្កាឈូក
ចំពោះបុគ្គលដែលមានបាតជើងពណ៍ផ្កាឈូក រមែងនាំនូវលាភសំណាង មានជ័យ និងផ្ទះពោរពេញដោយទ្រព្យសម្បត្តិ; ញាតិសន្តាន សមាជិកគ្រួសារមានកេរ្តិ៍ឈ្មោះល្អ។
បុគ្គលដែលមានលក្ខណៈបែបនេះ នឹងមានមិត្តភ័ក្តិជាច្រើនជួយជ្រោមជ្រែង ឯការងារ នឹងមានដំណើរការដោយរលូន។ បើនិយាយពីជីវិតអាពាហ៍ពិពាហ៍ ក៏មានភាពសុខសាន្ត មានសុភមង្គល មិនសូវមានភាពច្របូកច្របល់ឡើយ។
បាតជើងមានលំនាំវិល
មនុស្សដែលមានបាតជើងមានលំនាំវិល (លំនាំវង់) មានន័យថា ជាមនុស្សដែលមានភាពថ្លៃថ្នូ ពោរពេញទៅដោយកិត្តិនាមសំណាង និងការអភិវឌ្ឍអាជីពដ៏ត្រចះត្រចង់។ ម្ចាស់ជើងនេះស័ក្តិសមសម្រាប់ការងារទាក់ទងនឹងប្រព័ន្ធផ្សព្វផ្សាយ ភាពយន្ត អាចជោគជ័យនិងល្បីគ្រប់ទីកន្លែង។
បាតជើងមានរាងដូចសំបកអណ្តើក
មនុស្សដែលមានបាតជើងរាងដូចសំបកអណ្តើក ឬមើលទៅដូចទូកក្រឡាប់ (បាតជើងមានផ្នែកប៉ោងជ្រៅ) ច្រើនតែមានជីវិតរីករាយ ទទួលបានពរច្រើន ហិរញ្ញវត្ថុរឹងមាំ ទទួលបានការកោតសរសើរខ្លាំងពីមនុស្សជុំវិញខ្លួន។
មួយវិញទៀត បុគ្គលដែលមានជើងប្រភេទនេះត្រូវបានគេទស្សន៍ទាយថា នឹងមានការអប់រំខ្ពង់ខ្ពស់ មានសីលធ៌ម ចិត្តស្ងប់និងភាពប៉ិនប្រសប់ មានទេពកោសល្យភាពជាអ្នកដឹកនាំ។
ប្រភព៖ បរទេស
ព័ត៌មានថ្មីៗ
