រុក្ខជាតិ ៦ ប្រភេទ ជួយបន្សុទ្ធខ្យល់បានល្អណាស់ ដែលអ្នកគួរតែដាំក្នុងផ្ទះ ជាពិសេសក្នុងរដូវក្ដៅនេះ
ជាទូទៅរុក្ខជាតិទាំងអស់មិនត្រឹមតែមានសមត្ថភាពនាំមកនូវពណ៍បៃតង នឹងសោភ័ណ្ឌភាពស្រស់ស្អាតប៉ុណ្ណោះទេ ថែមទាំងជួយកាត់បន្ថយកម្ដៅនៅរដូវក្ដៅ ជួយបន្សុទ្ធខ្យល់អាកាសបានល្អផងដែរ។ ខាងក្រោមនេះ ជារុក្ខជាតិ ៦ ប្រភេទ ដែលអ្នកទាំងអស់គ្នាគួរតែដាំដាក់ក្នុងផ្ទះ៖
ដើម Fern៖ ប្រសិនបើអ្នកដាំរុក្ខជាតិនេះក្នុងរោងចក្រ ក៏ដូចជាក្នុងផ្ទះ វានឹងជួយកាត់បន្ថយវិទ្យុសកម្មពីកុំព្យូទ័រ និងម៉ាស៊ីនព្រីន។ ដើម Ferns អាចដាំដុះនៅក្នុងអាងចិញ្ចឹមត្រី ផើងតូចៗសម្រាប់ដាក់នៅលើតុ ឬបង្អួច យ៉បានយ៉ាងងាយ ហើយរុក្ខជាតិនេះអាចរស់នៅត្រូវការពន្លឺថ្ងៃតិច មិនត្រូវការការថែទាំខ្លាំង ស័ក្តិសមបំផុតសម្រាប់ដាំរដូវក្ដៅ។
ដើម Tiger tongue៖ រុក្ខជាតិប្រភេទនេះ មិនត្រឹមតែស្រស់ស្អាតទេ ថែមទាំងជួយនាំយកខ្យល់អាកាសបរិសុទ្ធទៀតផង ជាពិសេស ការដាក់តាំងក្នុងផ្ទះ ពិតជានឹងជួយឱ្យផ្ទះមានភាពទាក់ទាញ ស្រស់ស្អាត នឹងមានសោភ័ណ្ឌភាពជាងមុន។
ដើម Jade៖ ដើម Jade ស្លឹកមានទឹកដម និងមានពណ៌បៃតងខ្ចី។ ប្រសិនបើអ្នកបានដាក់ដាំក្នុងផ្ទះ អ្នកគ្រាន់តែស្រោចទឹក ២-៣ ដងក្នុងមួយសប្តាហ៍ ហើយស្ថិតនៅក្រោមលក្ខខណ្ឌត្រឹមត្រូវនិងមានសារធាតុចិញ្ចឹមគ្រប់គ្រាន់រុក្ខជាតិនឹងផ្តល់ផ្កាពណ៌ស។ ម្យ៉ាងទៀត ដើម Jade ត្រូវបានគេចាត់ទុកថា ជារុក្ខជាតិដែលនាំទ្រព្យសម្បត្តិនិងសំណាងដល់ម្ចាស់ បើដើមផ្ការីក មានន័យថា ម្ចាស់ហៀបនឹងមានសំណាងច្រើន។
ដើម Burnt leaves៖ រុក្ខជាតិនេះងាយស្រួលដាំ និងមានផ្កាចម្រុះពណ៌ ហើយចំពោះការថែទាំគឺមិនចាំបាច់ស្រោចទឹកច្រើនទេ អ្នកគ្រាន់តែចាំរហូតដល់ដីស្ងួត ទើបអាចបន្ថែមទឹកដល់រុក្ខជាតិក៏បានដែរ។ ប៉ុន្តែ ប្រសិនបើអ្នកភ្លេចស្រោចទឹកពីរបីសប្តាហ៍ រុក្ខជាតិប្រភេទនេះក៏នៅតែមានពណ៌បៃតងដដែល។ ទោះយ៉ាងណាក៏ដោយ ពេលដាំត្រូវប្រយ័ត្ន បើក្តៅពេកត្រូវរំកិលដើមទៅដាក់ក្នុងម្លប់។
ដើម betel៖ រុក្ខជាតិនេះអាចដាំនៅលើជញ្ជាំង ព្យួរនៅលើយ៉រ និងមានឥទ្ធិពលជីវសាស្រ្តល្អសម្រាប់បរិស្ថាន និងមនុស្ស ដោយសារគ្រាប់របស់វា មានសមត្ថភាពស្រូបយកឧស្ម័នពុល កម្ចាត់ឧស្ម័នបង្កមហារីកមួយចំនួន។ ក្រៅពីនេះ ដើមរុក្ខជាតិនេះ ក៏មានឥទ្ធិពលនាំយកខ្យល់ត្រជាក់ដល់កន្លែងរស់នៅ។ រិតតែពិសេស ប្រសិនបើអ្នកដាំវានៅក្នុងអាងចិញ្ចឹមត្រី នោះអ្នកនឹងឃើញឫសរបស់វាស្រស់ស្អាតខ្លាំងណាស់ ហើយវាត្រូវការពន្លឺតិចតួច ការថែទាំមានភាពងាយស្រួល។
ដើម Cactus៖ រុក្ខជាតិនេះច្រើនតែដុះនៅលើដីថ្ម ដីខ្សាច់ស្ងួត កន្លែងដូចជា វាលខ្សាច់ក្តៅ និងស្ងួត។ នេះហើយជាមូលហេតុដែលមែក និងស្លឹករបស់ដើមរសាត់ទៅជាបន្លា បន្សល់ទុកតែដើមទឹកដមប៉ុណ្ណោះ។ ទោះជាយ៉ាងណាក៏ដោយ cactus ងាយស្រួលដាំដុះ និងថែទាំក្នុងលក្ខខណ្ឌក្នុងផ្ទះផងដែរ ដោយរុក្ខជាតិនេះអាចលូតលាស់បានល្អនៅក្នុងអាកាសធាតុក្តៅខ្លាំង។ ដើម cactus មានទឹកដមធន់នឹងគ្រោះរាំងស្ងួត មិនចាំបាច់ស្រោចទឹកច្រើនពេកទេ។
ប្រភព៖ បរទេស
ព័ត៌មានថ្មីៗ
