ទាយបែបចិត្តសាស្ត្រ៖ រើស “ថ្នាំ” មួយគ្រាប់ដែលចូលចិត្ត ដើម្បីដឹងពីការទស្សន៍ទាយដែលអ្នកអាចមិនធ្លាប់ដឹងពីមុនមកទាក់ទិននឹងខ្លួនឯង
សួស្តីប្រិយមិត្តនៃគេហទំព័រ Knongsrok ថ្ងៃនេះយើងនាំវិធីធ្វើតេស្តចិត្តសាស្ត្រ មួយទៀតមកឲ្យប្រិយមិត្តពិនិត្យមើលការគិត និងបុគ្គលិកលក្ខណះរបស់អ្នកទៀតហើយ តាមរយៈការជ្រើសរើសថ្នាំមួយគ្រាប់ដែលអ្នកចូលចិត្តបំផុត ហើយអានចម្លើយខាងក្រោម ។
ទី 1៖ អ្នកជាមនុស្សមានមហិច្ឆតាខ្ពស់ ចូលចិត្តរៀបចំជីវិតក្នុងការរស់នៅ ហើយជោគជ័យក្នុងគោលដៅដែលអ្នកបានកំណត់ នោះដោយសារតែអ្នកមានជំនឿថា អ្នកជាមនុស្សម្នាក់មានគោលដៅច្បាស់ ហើយត្រូវតែស្វែងរកវិធីដើម្បីយកឈ្នះវាឲ្យបាន។ ហើយអ្វីដែលអ្នកខ្លាចជាងគេនោះគឺ “កំហុស” អ្នកតែងតែចង់បង្ហាញឱ្យខ្លួនឯងបានឃើញថា អ្នកកាន់តែខិតទៅជិតដល់គោលដៅរបស់អ្នកហើយ។
តែពេលខ្លះអ្នករវល់តែវីវក់នឹងគោលដៅ រហូតដល់ថ្នាក់ទុកមនុស្សដែលអ្នកស្រលាញ់ចោលទាំងអ្នកដឹងថាវាខុស តែពេលអ្នកដឹងខ្លួនអ្នកនឹងត្រលប់ទៅរកមនុស្សម្នាក់នោះវិញ ព្រោះបេះដូងពិតរបស់អ្នកជឿជាក់ថា ជោគជ័យរបស់អ្នកត្រូវតែមានមនុស្សដែលអ្នកស្រឡាញ់នៅក្បែរ ។
ទី2៖ អ្នកមានទំនោរមើលឃើញភាពស្រស់ស្អាតគ្រប់យ៉ាងនៅក្នុងពិភពលោក ថែមទាំងចូលចិត្តវិភាគ អ្នកជឿថាវាជាវិធីមួយដែលជួយអ្នកឱ្យយល់ពីជីវិតកាន់តែច្រើន ដោយសារតែហេតុផលនេះហើយ ទើបមនុស្សនៅជុំវិញអ្នកនឹងឃើញអ្នកជាមនុស្សឡូជីខល (ពូកែដោះស្រាយបញ្ហា) មើលទៅចាស់ទុំ ។
នៅក្នុងរឿងការងារអ្នកនឹងប្រកាន់យកភាពល្អឥតខ្ចោះ សុខធ្វើឱ្យការឲ្យយឺតប្រសើរជាងបញ្ជូនការងារដែលអ្នកគិតថា វាមិនល្អគ្រប់គ្រាន់ឲ្យផុតតែពីដៃ ។ និយាយឲ្យត្រង់ទៅ អ្នកពិតជាមនុស្សឆ្កួតនឹងការងារណាស់ ប៉ុន្តែអ្នករីករាយជាមួយវា អ្នករីករាយនឹងរឿងតូចតាចនៅក្នុងជីវិត ហើយព្យាយាមបញ្ជូនវាទៅអ្នកដទៃដែរ ។
ទី3៖ អ្នកគឺជាមនុស្សដែលមានភាពស្មោះត្រង់ខ្លាំង ថែមទាំងមានភាពទន់ជ្រាយ និងរ៉ូមែនទិក។ អ្នកតែងតែយកចិត្តទុកដាក់ចំពោះមនុស្សនៅជុំវិញខ្លួន តែងតែយកចិត្តទុកដាក់ចំពោះអារម្មណ៍របស់អ្នកដទៃ រហូតដល់ថ្នាក់ភ្លេចគិតពីខ្លួនឯងក៏មាន ។
អ្នកចូលចិត្តយកអាសារអ្នកដទៃណាស់ រាល់ពេលពួកគេមានបញ្ហា រហូតពេលខ្លះភាពស្មោះត្រង់របស់អ្នកបែរជាមានអ្នកលួចចាក់ពីក្រោយខ្នងទៅវិញ ម្ល៉ោះហើយអ្នកគួរតែយកចិត្តទុកដាក់បន្ថែមចំពោះខ្លួនឯង ត្រូវផ្តោតលើមនុស្សដែលយកចិត្តទុកដាក់ចំពោះអ្នកពិតប្រាកដ ហើយត្រូវជួយខ្លួនឯងមុនពេលអ្នកងាកទៅជួយអ្នកដទៃ។
ទី4៖ អ្នកជាមនុស្សដែលចូលចិត្តភាពស្ងប់ស្ងាត់ និងចូលចិត្តរស់នៅក្នុងជីវិតសាមញ្ញ មិនសន្ធោទ្រព្យ មិនចូលចិត្តកន្លែងដែលមានមនុស្សច្រើន ហើយអ្នកប្រកាន់ខ្ជាប់នូវពាក្យថាតុល្យភាព ដោយសារតែអ្នកមានជំនឿថា ការរក្សាជីវិតរបស់អ្នកឱ្យមានតុល្យភាព គឺជារឿងតែមួយគត់ដែលនឹងធ្វើឱ្យជីវិតរបស់អ្នកមានសុភមង្គល ។
តែបើទោះជាបែបនោះមែន ពេលខ្លះអ្នកក៏អាចមានភាពច្របូកច្របល់បានយ៉ាងងាយដែរ នៅពេលប្រឈមមុខនឹងស្ថានភាពមិនពេញចិត្ត អ្នកអាចនឹងបាត់បង់ជំនឿចិត្តតាំងពីដំបូងដោយមិនដឹងខ្លួន ខណៈដែលអ្នកផ្សេងទៀតមិនដឹងទេ ព្រោះអ្នកជ្រើសរើសលាក់អារម្មណ៍ទាំងនោះបានយ៉ាងល្អ ៕
ប្រភព៖ Knongsrok
ព័ត៌មានថ្មីៗ
