ជ្រើសលេខគ្រាប់ឡុកឡាក់ តើអ្នកនឹងទទួលបានអំណោយធំអ្វី នៅឆ្នាំ ២០២២?
តាមរយៈការតេស្តបែបវិទ្យាសាស្រ្តមួយនេះ យើងសូមឲ្យអ្នកជ្រើសរើសនូវលេខគ្រាប់ឡុកឡាក់ពី ១ ដល់ ៦ ហើយនឹងបង្ហាញចម្លើយទៅវិញ អំពីអំណោយដ៏ធំប្រចាំឆ្នាំ ២០២២ ដែលអ្នកនឹងទទួលបាន៖
លេខ ១ – សេចក្តីស្រលាញ់
អ្នកនឹងទទួលបានការស្រលាញ់យកចិត្តទុកដាក់ខ្លាំងជាងមុនបន្ថែមទៀតពីដៃគូ ពីមិត្តភក្តិ ពីអ្នកជិតស្និទ្ធក្បែរខ្លួន នៅឆ្នាំ ២០២២ នេះ។ អាចមកពីមូលហេតុអ្វីមួយ ដែលនាំឲ្យអំណោយនេះកើតឡើងមកលើអ្នក ដូច្នេះសូមរីករាយនឹងពេលវេលាទាំងអស់នោះផង។
លេខ ២ – សម្រស់
អ្នកនឹងទទួលបានសម្រស់ស្រស់ស្អាតជាងមុន ហើយបើសួរវាកើតឡើងដោយសារអ្វី? កត្តាសំខាន់ គឺសេចក្តីសុខផ្លូវចិត្ត ដែលនៅឆ្នាំ ២០២២ នេះ បញ្ហាស្រ្តេសធុញថប់ នឹងមានតិចតួចបំផុត មិនដូចឆ្នាំទៅទៀតឡើយ។
លេខ ៣ – ដំណើរកម្សាន្ត
ដំណើរកម្សាន្តលំហែអារម្មណ៍ខ្នាតធំមួយ អាចជាមួយមនុស្សជាទីស្រលាញ់ ឬជាមួយក្រុមគ្រួសារ នឹងកើតឡើងនៅពាក់កណ្តាល ឬអាចជាល្បាក់ចុងឆ្នាំ។ វាជាបទពិសោធន៍ថ្មីសន្លាងសម្រាប់អ្នក ហើយក៏ជាពេលវេលារីករាយបំផុត ជាការលើកទឹកចិត្ត និងសងខ្លួនឯងនូវអ្វីដែលបានខិតខំអស់រយៈពេលជាយូរមកនេះ។
លេខ ៤ - លុយកាក់
អ្នកនឹងទទួលបានអំណោយផ្នែកលុយកាក់ធំបំផុតមួយសម្រាប់ឆ្នាំ ២០២២ ដែលសមល្មមអាចឲ្យអ្នកមានលុយគ្រប់គ្រាន់ក្នុងការទៅទិញបានផ្ទះថ្មី ឬឡានថ្មី ឬបុគ្គលខ្លះទៅយកលុយនោះ ទៅពង្រីកអាជីវកម្មឲ្យកាន់តែធំជាងមុនបន្ថែមទៀត។
លេខ ៥ – សមាជិកថ្មី
ក្នុងគ្រួសារអ្នក នឹងទទួលបានសមាជិកថ្មី នៅឆ្នាំ ២០២២ បើមិនជាកូន ក៏ជាក្មួយ ឬសាច់ញាតិជិតដិតនឹងអ្នកផងដែរ។ អ្នកនឹងមានការយកចិត្តទុកដាក់ ស្រលាញ់ការពារសមាជិកថ្មីនោះខ្លាំងបំផុត។
លេខ ៦ – ការងារថ្មី
បើអ្នកស្ថិតនៅកន្លែងការងារល្អមួយហើយ នោះនឹងទទួលបានមុខតំណែងថ្មី តែបើនៅកន្លែងដែលមានបញ្ហា ក៏កុំបារម្ភ ព្រោះទេពកោសល្យ និងសមត្ថភាពរបស់អ្នក អាចទាញឲ្យអ្នករកបានការងារថ្មី ដែលបានប្រយោជន៍ល្អជាងកន្លែងចាស់នោះទៅទៀត។ បើជាអ្នករកស៊ីវិញ នឹងទទួលបានឱកាសពង្រីកអាជីវកម្ម ឬបំបែកសាខាថ្មីផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
