តោះ លេងហ្គេមទាយចិត្តសាស្រ្ត ថាអ្នកមានចំណុចខ្សោយបែបណាហើយគួរកែប្រែយ៉ាងម៉េច!
មនុស្សម្នាក់ៗសុទ្ធតែមានចំណុចខ្លាំងចំណុចខ្សោយដូចៗគ្នា ហើយទោះបីជាអ្នកដឹងពីចំណុចខ្សោយ និងចំណុចខ្លាំងរបស់អ្នកផ្ទាល់ក៏ដោយ ប៉ុន្តែមិនមែនបានន័យថាអ្នកអាចគ្រប់គ្រងវាបាននោះទេ។ តែថ្ងៃនេះយើងខ្ញុំមានហ្គេមចិត្តសាស្រ្តមួយ ដែលអាចទាយដឹងថាអ្នកមានចំណុចខ្សោយបែបណា ហើយគួរតែកែខៃបែបណាបានទៀតផង។
តោះ! មកលេងហ្គេមចិត្តសាស្រ្តខាងក្រោមនេះ ៖
តើចុងភៅខឹងរឿងអ្វីបើតាមការគិតក្នុងចិត្តរបស់អ្នក?
A : ថ្មីៗនេះភ្ញៀវញុំអាហារសល់ច្រើនពេក
B : ក្មេងៗញ៉ែគ្នាលូកលាន់គ្នាពេញក្នុងហាង
C : បុគ្គលិកឈប់សម្រាកដោយមិនបានប្រាប់
D : ក្មេងៗសម័យឥឡូវជេរស្តីមិនបាន
មេចុងភៅខឹងនៅពីក្រោយផ្ទះបាយ គឺជានិមិត្តរូបនៃរឿងចុងភៅខឹងនឹងបង្ហាញថារឿងមួយដែលអ្នកដឹងថាអ្នកមិនសម ប៉ុន្តែនៅតែធ្វើ៖
A : ថ្មីៗនេះភ្ញៀវញុំអាហារសល់ច្រើនពេក ( ចរិតចង់បាន)
ប្រសិនបើអ្នកចង់ទិញអ្វីមួយ អ្នកមិនអាចទ្រាំបានទេ ទោះហាមចិត្តបាន តែហាមកាយមិនបានឡើយ ទោះយ៉ាងណាក៏ដោយអ្នកត្រូវទិញវាសម្រាប់ខ្លួនឯងទាល់តែបាន។ ដោយសារតែអ្នកកម្រទប់ចិត្តខ្លួនឯងបានបែបនេះហើយ ពេលខ្លះអ្នកថែមទាំងត្រូវខ្ចីលុយគេទៀតផង មិនថាតម្លៃខ្ពស់ប៉ុណ្ណាក៏ដោយ។ ហើយបើទោះបីជាមានរបស់ដូចគ្នា ប៉ុន្តែបើចិត្តអ្នកចង់បានហើយអ្នកប្រាកដជាចង់បានច្រើនទៀត។ ដូច្នេះអ្នកត្រូវតែប្រយ័ត្នខ្លួនឯងឱ្យបានច្រើន ការកាន់តែបណ្តោយខ្លួនឯងឱ្យចង់បានបែបនេះយូរៗទៅ ជីវិតរបស់អ្នកនឹងកាន់តែជួបបញ្ហា និងរឿងកាន់តែអាក្រក់ទៅៗ។
B : ក្មេងៗញ៉ែគ្នាលូកលាន់គ្នាពេញក្នុងហាង (លលេងនឹងស្នេហា)
អ្នកប្រហែលជាមានបញ្ហាខ្លះជាមួយនឹងរឿងស្នេហា ព្រោះបើទោះបីជាអ្នកចុះសម្រុងនឹងមនុស្សដែលអ្នកកំពុងស្រលាញ់ក៏ដោយ ប៉ុន្តែអ្នកតែងតែមានចិត្តរេរាសម្លឹងទៅរកអ្នកផ្សេង ហើយនៅពេលដែលអ្នកមានចិត្តរាយមាយច្រើនបែបនេះ អ្នកអាចនឹងធ្វើការសម្រេចចិត្តដ៏ធ្ងន់ធ្ងរមួយ។ ប៉ុន្តែជាមួយនឹងការជាមនុស្សពហុចិត្ត ដូច្នេះ ខ្ញុំនៅតែមើលទៅអ្នកដទៃគ្រប់ពេល។ ការចង់បានស្នេហា ដែលរាយមាយគ្រោះថ្នាក់បែបនេះ ប្រហែលជាមិនមែនជារឿងល្អទេ ហើយថែមទាំងបន្សល់នូវបទពិសោធន៍ដ៏ឈឺចាប់នៃស្នេហាទៀតផង។ ដូច្នេះឈប់ធ្វើបាបខ្លួនឯងទៅ ស្វែងរកស្នេហាពិតចិត្តមួយថ្លើមមួយប្រសើរជាង។
C : បុគ្គលិកឈប់សម្រាកដោយមិនបានប្រាប់ (ចូលចិត្តអ្វីងាយស្រួល ហើយខ្ជិល)
អ្នកជាមនុស្សឧស្សាហ៍ព្យាយាមដែរ តែជាមនុស្សមិនសូវមានការអត់ធ្មត់នោះទេ។ ដូចជាការងារ អ្នកតែងតែព្យាយាមគេចពីការទទួលខុសត្រូវ ព្រោះតែពេលខ្លះអ្នកមានអារម្មណ៍ថាខ្ជិល និងមិនមានអារម្មណ៍ចង់ធ្វើ។ ទោះបីជាមានការគិតមួយចូលមកក្នុងក្បាល ថាត្រូវតែធ្វើ បើមិនធ្វើគឺមានបញ្ហាធ្ងន់ធ្ងរ ប៉ុន្តែអ្នកនៅតែព្យាយាមយកលេសឱ្យខ្លួនឯង។ ពិសេសពេលខ្លះ អ្នកគិតថាថ្ងៃណាមួយអ្នកនឹងមានលុយច្រើនធ្លាក់ពីលើមេឃ អាចនឹងឈ្នះឆ្នោត និងអាចមានសុភមង្គលពេញមួយជីវិតរបស់អ្នកដោយមិនបាច់ធ្វើអ្វីទាំងអស់។ ដូច្នេះមុនពេលគិតពីរឿងខ្ជិលច្រអូស និងការគេចវេស ត្រូវប្រាប់ខ្លួនឯងឱ្យបានច្រើន ហើយងាកមកយកចិត្តទុកដាក់លើការពិតនៅពេលនេះជាមុនសិន។
D : ក្មេងៗសម័យឥឡូវជេរស្តីមិនបាន ( ចិត្តទន់ ងាយស្រក់ទឹកភ្នែក)
អ្នកជាប្រភេទមនុស្ស ដែលពូកែភ័យ ពូកែខ្លាច ជួនកាលមិនខ្វល់ពីអ្វីដែលបានធ្វើរួចទេ ព្រោះតែមានការស្ទាក់ស្ទើរក្នុងការបញ្ចប់វា រួចអះអាងយកលេសឱ្យខ្លួនឯង ដូចជាមិនមានសមត្ថភាពគ្រប់គ្រាន់ អ្វីៗមិនអំណោយផល ឬមិនទាន់ត្រៀមខ្លួនរួចជាដើម ដែលមានន័យថា អ្នកមិនមានការតាំងចិត្តធ្វើអ្វីមួយ ។ ដូច្នេះនៅពេលអ្នកគិតថាអ្នកត្រូវតែធ្វើអ្វីមួយឱ្យបាន ដើម្បីជោគជ័យ ប៉ុន្តែមានអ្វីមួយខុសផែនការ ឬមានបញ្ហានោះ កុំបន្ទោសនរណាម្នាក់ តែចូរងាកមកមើលខ្លួនឯងសិនថាអ្នកមានបានព្យាយាមអស់ពីសមត្ថភាពហើយឬនៅ?
សរុបមក យើងប្រហែលជាបានដឹង បានយល់គ្រប់យ៉ាងពីខ្លួនឯងច្រើនហើយមុននឹងអានអត្ថបទនេះទៅទៀត ប៉ុន្តែយើងនៅតែជម្នះធ្វើ នោះមានន័យថាយើងប្រហែលជាមិនទាន់យល់អ្វីទាំងអស់។ ដូច្នេះយកល្អ គួរតែមើលចំណុចខ្វះខាតរបស់អ្នក ហើយប្រឈមមុខនឹងបញ្ហាដោយការតាំងចិត្តបំផុតទើបជីវិតកាន់តែល្អប្រសើរឡើង៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
