ពង្រឹងធាតុទាំង៥ នៅក្នុងរាងកាយដោយវិធីទាំងនេះ
នេះបើតាមវិទ្យាសាស្ត្រចិនបុរាណ (ធាតុតាមឆ្នាំកំណើត) ធាតុសំខាន់ៗទាំងអស់ចែកចេញជា៥គឺ ធាតុឈើ ធាតុភ្លើង ធាតុផែនដី ធាតុមាស និងធាតុទឹក អាស្រ័យទៅតាមថ្ងៃខែឆ្នាំកំណើត។ សម្រាប់ម្នាក់ដែលចង់ឱ្យតុល្យភាពធាតុផ្ទាល់ខ្លួន គួរតែរកវិធីបន្ថយបញ្ហា ដោយការបន្ថែមធាតុនៅក្នុងខ្លួន ដោយការប្រើពណ៌តាមធាតុ និងការធ្វើបុណ្យឱ្យបានត្រឹមត្រូវផងដែរ។
ដូច្នេះចង់ដឹងថា ធាតុ នីមួយៗ ត្រូវប្រើពណ៌ណា គួរធ្វើបុណ្យដើម្បីលើករាសីដោយរបៀបណា តោះទៅមើលចម្លើយខាងក្រោមនេះ ៖
១. ធាតុឈើ
វិធីពង្រឹងធាតុឈើ គួរតែប្រើពណ៌បៃតង ហើយត្បូងគួរតែជាត្បូងបៃតង ឬមរកត។ គួរធ្វើបុណ្យដោយការប្រើវិធីដេកក្នុងមឈូសរំដោះគ្រោះ ឬបរិច្ចាកមឈូសដល់អ្នកស្លាប់ទីទាល់ខ្វះខាត និងជាការបរិច្ចាគសៀវភៅ។
២. ធាតុភ្លើង
វិធីសាស្ត្រពង្រឹងធាតុភ្លើង គឺត្រូវប្រើពណ៌ឆើតៗ ដិតៗ ដូចជា ក្រហម ទឹកក្រូច ជាដើម។ ត្បូងដែលប្រើគួរតែជាត្បូងទទឹមពណ៌ក្រហម ត្បូងកណ្តៀងក្រហម ។ ការធ្វើបុណ្យ គួរតែធ្វើកុសលទាក់ទងនឹងភ្លើង ដូចជាការថ្វាយទៀនព្រះវស្សា ការថ្វាយអំពូលភ្លើង ឬចាក់គោមជាដើម។
៣. ធាតុដី
វិធីបន្ថែមធាតុដី គួរតែប្រើពណ៌ក្រែម លឿង និងត្នោត។ ឯត្បូងដែលប្រើគួរតែជាត្បូងពណ៌លឿង។ ការធ្វើបុណ្យគួរធ្វើបុណ្យដោយបរិច្ចាគដីដល់វត្ត ធ្វើបុណ្យកឋិនទាន និងប្រក់ដំបូលជាដើម។
៤. ធាតុមាស
វិធីសាស្រ្តបន្ថែមមាស បើពាក់មាសនឹងជួយឱ្យកាន់តែមានសំណាងល្អ ប៉ុន្តែវាគួរតែត្រូវបានពាក់ក្នុងកម្រិតមធ្យមសមរម្យមិនមែនពាក់ជ្រែកខ្លួនឡើយ។ ការធ្វើបុណ្យ គួរធ្វើបុណ្យដោយការចាក់ទឹកលាងសម្អាតព្រះពុទ្ធរូប ថ្វាយបង្គំព្រះពុទ្ធរូបមាស ឬបិទសន្លឹកមាស។
៥. ធាតុទឹក
វិធីសាស្រ្តបំពេញបន្ថែមធាតុទឹក របស់របរប្រើប្រាស់ផ្ទាល់ខ្លួន គួរតែមានពណ៌ត្រជាក់ ដូចជាពណ៌ខៀវ ពណ៌ផ្ទៃមេឃ ព៌ណខ្មៅ។ គួរធ្វើបុណ្យទានជាមួយនឹងការប្រគេនទឹក ទឹកដោះគោ ឬបរិច្ចាគឈាមជាដើម៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
