ជីវិតស្រ្តីនឹងងាយធ្លាក់រណ្ដៅសោកសៅ គ្មានថ្ងៃមានសុភមង្គលឡើយ បើនៅប្រកាន់ខ្ចាប់ទម្លាប់អាក្រក់ ៤ ក្នុងគ្រួសារ
ទាំងអស់នេះ ជាទង្វើអាក្រក់ ៤ ចំណុច ដែលតែងតែធ្វើឲ្យជីវិតរបស់ស្រ្តីគ្រប់រូបធ្លាក់ចូលក្នុងសភាពលំបាក ការមិនសប្បាយចិត្ត ជីវិតពោរពេញដោយភាពសោកសៅ នឹងគ្មានថ្ងៃមានសុភមង្គលឡើយ។
ការលះបង់ និងការអភ័យទោសច្រើនពេក៖ ជារឿងល្អសម្រាប់ស្ត្រីក្នុងការលះបង់អ្វីគ្រប់យ៉ាងដើម្បីស្វាមី និងកូន ព្រោះនោះគឺជាទំនួលខុសត្រូវ និងលើសពីសេចក្តីស្រឡាញ់ទាំងអស់ដែលមានចំពោះគ្រួសារ។ ប៉ុន្តែទោះបីជាយ៉ាងនេះមែន ក៏កុំឲ្យមានការជ្រុលខ្លាំងពេក បើប្រាកដថា ស្រឡាញ់ប្ដី និងកូនក៏ត្រូវស្រឡាញ់ខ្លួនឯងឲ្យបានច្រើនដែរ។ ម្យ៉ាងទៀត ការលះបង់អ្វីច្រើនពេកក៏មិនល្អដែរ ព្រោះពេលខ្លះអ្នកដែលទទួលច្រើនក៏មិនបានឲ្យតម្លៃដែរ។
ទន្ទឹមនឹងនេះ ក្នុងគញរួសារស្រ្តីត្រូវចេះស្រឡាញ់គ្នាក្នុងកម្រិតមធ្យម ចេះវាស់វែងការលះបង់ដើម្បីស្វាមី និងកូនឲ្យបានហ្មត់ចត់។ ហើយក៏មិនមែនជារឿងអាត្មានិយមទេ ក្នុងការគណនាជាមួយប្តី និងកូន ព្រោះទោះអ្នកស្រឡាញ់គ្រប់គ្នាក្នុងគ្រួសារ ត្រូវតែស្រឡាញ់ខ្លួនឯងឱ្យច្រើនបំផុតដែរ។
ធ្វើអ្វីគ្រប់យ៉ាងដោយខ្លួនឯង៖ មនុស្សស្រីបើចង់បានសុភមង្គល សូមកុំធ្វើអ្វីៗតែម្នាក់ឯង ជាពិសេសនៅពេលដែលអ្នកដឹងថា អ្នកមានប្ដីនៅក្បែរខ្លួនហើយ។ ទោះបីជាមានប្តីក៏ដោយ ក្នុងនាមជាស្ត្រីក៏មិនគួរធ្វើគ្រប់កិច្ចការទាំងអស់តែម្នាកឯងដែរ ដោយមិនត្រូវធ្វើឲ្យមនុស្សប្រុសមានទម្លាប់មួយគិតថា មានប្រពន្ធហើយគឺមានអ្វីគ្រប់យ៉ាង។
លើសពីនេះ បើមនុស្សស្រីចង់បានភាពសប្បាយរីករាយ ត្រូវតែឱ្យបុរសដាក់ស្មាចែករំលែកភាពនឿយហត់ និងការលំបាកជាមួយគ្នា។ ស្ត្រីមានប្រាជ្ញាចេះកំណត់តម្លៃខ្លួនឯងឱ្យច្បាស់លាស់ នោះប្តីនឹងមានអារម្មណ៍ពេញចិត្តស្រឡាញ់អ្នកដោយស្វ័យប្រវត្តិ។
ងាយស្រួយខ្លាំងពេក៖ ទាំងនេះគឺជាទម្លាប់របស់មនុស្សដែលគ្មានគំនិត ពួកគេមិនអាចសម្រេចចិត្តដោយខ្លួនឯងក្នុងករណីជាច្រើន ហើយធ្វើតាមពាក្សសម្ដីរបស់អ្នកដទៃ។ នោះហើយជាមូលហេតុដែលពួកគេត្រូវបានកេងប្រវ័ញ្ច និងបង្កគ្រោះថ្នាក់យ៉ាងងាយ។
ការរង់ចាំ៖ មនុស្សស្រីតែងមានទម្លាប់រង់ចាំបុរសដែលខ្លួនស្រលាញ់ជានិច្ច។ ពេលនៅស្រលាញ់គ្នា គេចាំសារគាត់រាល់ថ្ងៃ ចាំសួរពេលហត់ ចាំប្តីមកពីផឹកវិញ។ ពេលរៀបការ ស្ត្រីនឹងរង់ចាំប្តីមកពីធ្វើការ រង់ចាំប្តីរៀបចំខ្លួន។ ប្រាកដណាស់មនុស្សស្រីនឹងមិនដឹងឡើយថា ការរង់ចាំបានក្លាយជាទម្លាប់អាក្រក់ដែលមនុស្សប្រុសបង្កើតសម្រាប់ខ្លួនឯងរាល់ថ្ងៃ។
ប្រភព៖ បរទេស
ព័ត៌មានថ្មីៗ
