តេស្តចិត្តសាស្ត្រ៖ រើសផ្លែឈើដែលចូលចិត្តញ៉ាំបំផុត ដើម្បីដឹងពីចំណុចពិសេសភាពជាមនុស្សរបស់អ្នក
សួស្តីប្រិយមិត្តនៃគេហទំព័រ Knongsrok ថ្ងៃនេះយើងនាំវិធីធ្វើតេស្តចិត្តសាស្ត្រ មួយទៀតមកឲ្យប្រិយមិត្តទស្សន៍ទាយមើលពីបុគ្គលិកលក្ខណៈពិត ។
សូមជ្រើសរើសដបវេទមន្តមួយដែលអ្នកចូលចិត្តបំផុត ហើយអានចម្លើយពិតរបស់អ្នកនៅខាងក្រោម ។
1. ផ្លែម្នាស់
អ្នកគឺជាមនុស្សដែលចេះយល់ចិត្តអ្នកដទៃ តែងតែយកចិត្តទុកដាក់មនុស្សជុំវិញខ្លួន តែងតែនៅក្បែរគេពេលដែលគេមានបញ្ហា អ្នកតែងតែរីករាយក្នុងការជួយមនុស្សជាទីស្រឡាញ់ ។
2. ផ្លែដូង
អ្នកមានទំនោរជាអ្នកតុបតែងខ្លួន មិនចូលចិត្តប្រើកម្លាំង និងខិតខំប្រឹងប្រែងធ្វើការងារធ្ងន់ មិនចូលចិត្តធ្វើការហាលក្តៅ អ្នកស័ក្តិសមនឹងការងារការិយាល័យ ចំណុចពិសេសរបស់អ្នកគឺអ្នកមានភាពស្ងប់ស្ងាត់ ស្រស់ស្រាយ ហើយការងារប្រើគំនិតគឺជាជំនាញរបស់អ្នកហើយ ។
3. ផ្លែប៉ោម
អ្នកជាមនុស្សមានភាពអត់ធ្មត់ ឧស្សាហ៍ព្យាយាម និងមានទំនួលខុសត្រូវខ្ពស់ ឲ្យតែសម្រេចចិត្តធ្វើកិច្ចការអ្វីមួយហើយ ទោះលំបាកយ៉ាងណាក៏អ្នកតែងតែប្រឹងអស់ពីសមត្ថភាពដែរ ប៉ុន្តែចំពោះរឿងស្នេហាវិញគឺផ្ទុយស្រឡះ អ្នកជាប្រភេទមនុស្សឆាប់ស្រឡាញ់ឆាប់ធុញ មិនសូវមានការអត់ធ្មត់ក្នុងរឿងស្នេហាទេ ។
4. ផ្លែសាវម៉ាវ
អ្នកគឺជាមនុស្សពូកែលេងសើច ចូលចិតញោះចូលចិត្តកូរ បើស្ថិតនៅក្នុងហ្វូងសន្ទនា អ្នកគឺជាត្លុកកំប្លែងហើយ អ្នកនឹងបន្តបញ្ចេញរឿងកំប្លែងល្អៗដើម្បីសប្បាយជាមួយមិត្តភ័ក្ត ។
5. ផ្លែសារី
អ្នកជាមនុស្សស្លូតបូត សុភាពរាបសារ ហើយតែងតែមានគំនិតវិជ្ជមានចំពោះអ្នកដែលនៅជុំវិញខ្លួន មិនដែលគិតចង់ធ្វើបាបអ្នកណាឡើយ ដូច្នេះហើយទើបមានគេគោរព និងស្រឡាញ់ពីអ្នកដែលបានស្គាល់។
6. ផ្លែត្របែក
អ្នកជាមនុស្សសកម្ម នៅមួយកន្លែងមិនសុខ ចូលចិត្តធ្វើដំណើរ ស្រូបក្លិនធម្មជាតិ ជាមនុស្សស្រឡាញ់ចិត្តមួយថ្លើមមួយ និងមានភាពឋិតថេរ តែបែរខូចចិត្តជាញឹកញាប់ទៅវិញ ។
7. ផ្លែឪឡឹក
អ្នកជាមនុស្សមានការប្រុងប្រយ័ត្ន និងសកម្មគ្រប់ពេលវេលា មិនចូលចិត្តចំណាយពេលវេលាខ្ជះខ្ជាយឥតប្រយោជន៍ អ្នកមានទំនោរមានសុទិដ្ឋិនិយមមើលពិភពលោកក្នុងផ្លូវល្អ មិនចូលចិត្តសម្ពាធ មិនចូលចិត្តគិតច្រើនរហូតគេងមិនលក់ ព្រោះអ្នកមានទំនុកចិត្តថារាល់បញ្ហាមានដំណោះស្រាយទាំងអស់ ។
8. ផ្លែស្វាយ
អ្នកគឺជាមនុស្សហ៊ានប្រឈមមុខ មានគំនិតច្នៃប្រឌិត តែងតែចូលចិត្តពិសោធជាមួយអ្វីដែលថ្មីៗ ក្នុងរឿងស្នេហាក៏មិនមានករណីលើកលែងដែរ បើបានទាក់ទងជាមួយនរណាហើយដឹងតែពិសោធន៍ដល់សន្តាន ។
9. ទំពាំងបាយជូ
វាមិនញឹកញាប់ទេដែលអ្នកនឹងបង្ហាញអារម្មណ៍ពិត ទៅកាន់នរណាម្នាក់ដែលអ្នកទើបតែបានជួបជាលើកដំបូង ព្រោះអ្នកជាមនុស្សប៉ិនសង្ស័យមិនងាយទុកចិត្ដនរណាងាយៗ ម្ល៉ោះហើយទើបអ្នកមិនសូវជាទទួលបានការចាប់អារម្មណ៍ពីមិត្តថ្មីៗឡើយ ប៉ុន្តែបើមិត្តចាស់នៅក្នុងក្រុមវិញ អ្នកគឺជាស៊ូពើស្តារហើយ ។
10. ផ្លែក្រូច
អ្នកជាមនុស្សចិត្តទូលាយពូកែរាប់ញាតិដោយចិត្ដរីករាយ នរណាបបួលទៅណាមកណាក៏ទៅតាមដែរ អ្នកងាយទុកទុកចិត្តគេណា ពេលខ្លះជួយស្រាយបញ្ហាឲ្យគេ រហូតភ្លេចខ្លួនឯងទៀតផង ។
11. ផ្លែជម្ពូ
អ្នកជាមនុស្សដែលមានការអត់ធ្មត់ខ្ពស់ មិនចូលចិត្តធ្វើបាបអ្នកដទៃ ជាមនុស្សស្រលាញ់មិត្តភ័ក្តជាងខ្លួនឯងទៅទៀត ថែមជាមនុស្សគិតបូកច្រើនជាងអវិជ្ជមាន ។
12. ផ្លែស្ត្របឺរី
អ្នកចូលចិត្តការលួងលោម ចូលចិត្តរស់នៅក្នុងភាពប្រណីត អ្វីៗដែលនៅជុំវិញខ្លួនអ្នកត្រូវតែស្រស់ស្អាត រលូន និងស្អាតជានិច្ច ពូកែតុបតែងខ្លួន ថែមទាំងមានសុទិដ្ឋិនិយម ចូលចិត្តចេញក្រៅជជែកគ្នាលេង និងកំប្លែងធ្វើឱ្យមិត្តភក្តិនៅក្នុងការសន្ទនាសើចគ្រប់ពេល។
13. ផ្លែចេក
អ្នកជាមនុស្សពូកែខ្មាស់អៀនបន្តិច ប៉ុន្តែកម្របង្ហាញវាណាស់ សំបកក្រៅហាក់បីដូចជាម៉ឺងម៉ាត់ណាស់ ប៉ុន្តែខាងក្នុងវិញអ្នកមានចរិតរសើបខ្លាំងណាស់ អាចហៅថារឹងខាងក្រៅទន់ខាងក្នុង។
14. ផ្លែមង្ឃុត
អ្នកគឺជាពូកែស្រមើលស្រមៃ មានមនោសញ្ចេតនា ងាយស្រឡាញ់ងាយខូចចិត្ត បានស្រឡាញ់នរណាហើយនឹងស្រឡាញ់អស់ពីចិត្ត បង្កើតក្តីសង្ឃឹមខ្ពស់ កាន់តែខ្ពស់ប៉ុណ្ណាភាពខកចិត្តក៏ខ្លាំងប៉ុណ្ណឹងដែរ ។
15. ផ្លែទុរេន
អ្នកគឺជាមនុស្សដែលមានបុគ្គលិកលក្ខណៈពីរនៅក្នុងខ្លួន នៅខាងក្រៅផ្ទះម៉ឺងម៉ាត់រហូតគ្រប់គ្នាខ្លាចមិនហ៊ានចូលក្បែរ ប៉ុន្តែពេលត្រឡប់មកដល់ផ្ទះវិញ អ្នកនឹងក្លាយជាមនុស្សផ្សេងភ្លាម អ្នកជាមនុស្សមានចិត្តទូលាយ ចិត្តបុណ្យ អ្នកណាមានបញ្ហាតែងតែសុំជំនួយ ជារឿយៗជាអ្នកដឹកនាំក្នុងសកម្មភាពក្រុម ៕
ប្រភព៖ Knongsrok
ព័ត៌មានថ្មីៗ
