សាធុ សាធុ! មកចាប់ចង្កឹះកៅស៊ីមនាំសំណាង ទស្សន៍ទាយជោគវាសនាលាភធំលាភតូចដែលនឹងហូរចូលឆាប់ៗនេះ
សួស្តីប្រិយមិត្តនៃគេហទំព័រ Knongsrok ថ្ងៃនេះយើងនាំវិធីទស្សន៍ទាយមួយទៀត មកឲ្យប្រិយមិត្តពិនិត្យមើលរឿងលាភសំណាងនៅថ្ងៃអនាគត តាមរយៈការរើសចង្កឹះនាំសំណាង ហើយអានចម្លើយខាងក្រោម ។
ចង្កឹះនាំសំណាង 1
ការរំពឹងទុករបស់អ្នកនឹងក្លាយជាការពិតនាពេលអនាគត អ្នកគ្រាន់តែត្រូវពេលវេលាបន្តិចដើម្បីជាឧបករណ៍នាំផ្លូវ ។ ទន្ទឹមនឹងនោះ អ្នកក៏ត្រូវប្រុងប្រយ័ត្នបន្ថែមទៀតចំពោះមនុស្សជុំវិញខ្លួន ជាមនុស្សដែលអ្នកតែងតែគិតថាជាមនុស្សគួរឲ្យទុកចិត្តបំផុត គេអាចនឹងលួចចាក់អ្នកពីក្រោយខ្នងបាន ។
ចង្កឹះនាំសំណាងទី 2
ជោគវាសនានឹងនាំអ្នក ទៅរកភាពជោគជ័យដ៏អស្ចារ្យ អ្វីដែលអ្នករំពឹងទុកនឹងក្លាយជាការពិតដូចជាអព្ភូតហេតុ អាចមានឱកាសក្លាយជាអ្នកមានមួយប៉ប្រិចភ្នែក មានទ្រព្យសម្បត្តិអណ្តែតចូល តែត្រូវដឹងថាខណៈពេលដែលការងារ និងលុយកាក់ស្ថិតក្នុងទិសដៅកើនឡើងជាលំដាប់ តែសេចក្ដីស្រឡាញ់ ឬសុខរបស់អ្នកអាចថយចុះ ។
ចង្កឹះនាំសំណាងទី 3
ជោគវាសនារបស់អ្នក នឹងរីកចម្រើនមើលឃើញយ៉ាងច្បាស់ ជាពិសេសសំណាងក្នុងការទំនាក់ទំនង ឬការសម្របសម្រួល ងាយស្រួលទិញចូលលក់ចេញ ប្រសិនបើអាជីវកម្មរបស់អ្នកស្ថិតក្នុងស្ថានភាពលំបាកនឹងមានមនុស្សមកជួយ។
ចង្កឹះនាំសំណាងទី 4
លាភសំណាងក្នុងការងារអាចទទួលបានដោយការជួយជ្រោមជ្រែងពីអ្នកមានបុណ្យស័កិ្ត បានទទួលដំបូន្មានល្អ ឬការលើកតម្កើងព្រមទាំងឱកាសល្អៗ វាជាច្រកចូលសម្រាប់វឌ្ឍនភាពនាពេលអនាគត នៅពេលដែលបុណ្យអ្នកមកដល់អ្នកនឹងទទួលបានឱកាសទាំងនោះ តែត្រូវប្រយ័ត្នភ្លើងច្រណែនផង អាចនាំឲ្យដាច់លាភ ។
ចង្កឹះនាំសំណាងទី 5
នឹងមានមនុស្សប្រុសនាំលាភសំណាងមក អ្វីដែលអ្នករំពឹងទុកទំនងជាក្លាយជាការពិត តែអ្វីដែលរំពឹងត្រូវជារបស់ដែលមិនលើសពីកម្មផលរបស់ខ្លួន បើសង្ឃឹមលើអ្វីដែលហួសពីសមត្ថភាពគួរតែពិចារណាពីលទ្ធភាពបន្តិច។
ចង្កឹះនាំសំណាងទី 6
ជីវិតនឹងសុខដុមនិងរលូន ជាជីវិតបែបសាមញ្ញ មិនមានឧបសគ្គច្រើន នេះចាត់ទុកថាជាសំណាងមួយដែរ សូមចាំថាជីវិតមនុស្សមានសុភមង្គលបំផុត គឺបានរស់នៅយ៉ាងសុខសាន្តត្បិតវាសាមញ្ញតែមានផាសុកភាព។
ចង្កឹះនាំសំណាងទី 7
វាសនាឋានសួគ៌អាចប្រែក្លាយសត្រូវទៅជាមិត្ត ជីវិតនឹងកាន់តែច្បាស់លាស់ និងមានសេចក្ដីសុខជាងពេលណាៗទាំងអស់ ក្នុងន័យនេះសត្រូវដ៏សាហាវនឹងត្រូវចាញ់បាបកម្មខ្លួនឯង ពេលនេះប្រសិនបើអ្នកត្រូវប្រកួតប្រជែង ឬយកឈ្នះអ្វីមួយអ្នកនឹងជោគជ័យ ៕
ប្រភព៖ Knongsrok
ព័ត៌មានថ្មីៗ
