កាន់តែពិសេស Toyota bZ4X ថ្មី រថយន្តអគ្គិសនី 100% ពីក្រុមហ៊ុន Toyota សាកថ្មតែម្តងបើកបានពីភ្នំពេញដល់ប៉ោយប៉ែត
Toyota bZ4X ស៊េរីថ្មីត្រូវបានដាក់បង្ហាញជាផ្លូវការជាលើកដំបូងនៅក្នុងប្រទេសជិតខាង ក្នុងកម្មវិធី Bangkok International Motor Show ឆ្នាំ 2022 ដោយអាចបើកបរបានចម្ងាយអតិបរមាប្រហែល 500 គីឡូម៉ែត្រក្នុងមួយដង ខណៈពេលដែលវានឹងចេញម្តងទៀតនៅឆ្នាំ 2022 ។
Toyota bZ4X គឺជារថយន្តអគ្គិសនី 100% ដំបូងបង្អស់របស់គ្រួសារ “bZ” ឬ “beyond Zero” ដែលក្រុមហ៊ុន Toyota និយាយអំពីគំនិតអភិវឌ្ឍន៍របស់ខ្លួន មិនមែនគ្រាន់តែជារថយន្តអគ្គិសនីដែលកាត់បន្ថយការបំភាយឧស្ម័ននោះទេ ប៉ុន្តែវាក៏ជារថយន្តដែលផ្តល់នូវការបើកបរនៃសុភមង្គលផងដែរ មានគុណសម្បតិ្តលើសពីការរំពឹងទុករបស់ម្ចាស់ ហើយក៏ជា "Activity Hub" សម្រាប់អ្នកបើកបរ និងអ្នកដំណើរផងដែរ។
សម្រាប់រថយន្តអគ្គិសនី Toyota bZ4X ដែលបានបង្ហាញលើកនេះ គឺនៅតែជារថយន្តគំរូប៉ុណ្ណោះ វាត្រូវបានបង្កើតឡើងជារថយន្តប្រភេទ SUV ទំហំមធ្យមដោយផ្អែកលើគោលគំនិត e-TNGA ជាមួយនឹងថ្មលីចូមអ៊ីយ៉ុង 71.4 kWh កំណត់ចម្ងាយបើកបរអតិបរមាប្រហែល 500 គីឡូម៉ែត្រក្នុងមួយសាក ស្ថិតនៅក្រោមស្តង់ដារតេស្ត WLTP ថែមមានលក្ខណៈពិសេសជាមួយនឹងតម្លៃនៃសឹករេចរឹលត្រឹមតែ 10% បន្ទាប់ពីការប្រើប្រាស់លើសពី 10 ឆ្នាំ ឬ 240,000 គីឡូម៉ែត្រ។
យ៉ាងណាមិញ បើតាម Toyota bZ4X ជំនាន់អឺរ៉ុបត្រូវបានគេចេញលក់មុននេះ វាត្រូវបានបំពាក់ដោយម៉ូទ័រអេឡិចត្រិចដែលផលិតថាមពលអតិបរមា 204 សេះ (HP) កម្លាំងបង្វិលអតិបរមា 265 ញូតុន-ម៉ែត្រ អាចបង្កើនល្បឿនពី 0-100 គីឡូម៉ែត្រក្នុងមួយម៉ោង ក្នុងរយៈពេល 8.4 វិនាទី និងមានល្បឿនអតិបរមា 160 គីឡូម៉ែត្រក្នុងមួយម៉ោង ជាមួយកង់បួនប្រភេទ AWD កម្លាំងអតិបរមា 217.5 សេះ (HP) កម្លាំងបង្វិលអតិបរមា 336 Newton-meters បង្កើនល្បឿន 0-100 km/h ប្រើពេលត្រឹមតែ 7.7 វិនាទី។
រីឯកាលវិភាគចេញលក់រថយន្តអគ្គិសនី Toyota bZ4X នឹងត្រូវប្រកាសម្តងទៀតក្នុងឆ្នាំ 2022 នេះឯង ៕
ប្រភព៖ Sanook/Knongsrok
ព័ត៌មានថ្មីៗ
