ទោះបីខំធ្វើការខ្លាំងក៏ដោយ បើអ្នកនៅធ្វើកំហុស ៣ នេះដដែលៗ ពេញមួយជីវិតគ្មានថ្ងៃក្លាយជាអ្នកមានឡើយ
ប្រសិនបើអ្នកទាំងអស់គ្នាចង់គេចពីភាពក្រីក្រ ពេញមួយជីវិតទេ ហាមដាច់ខាតកុំធ្វើកំហុស ៣ ដដែលដូចខាងក្រោម៖
តែងតែភ្ញាក់ពីគេងយឺត៖ យោងតាមការស្រាវជ្រាវ ជាងពាក់កណ្តាលនៃសហគ្រិនដែលមានប្រាក់ចំណូលខ្ពស់តែងតែមានទម្លាប់ក្រោកពីគេងយ៉ាងហោចណាស់ ៣ ម៉ោងមុនពេលចាប់ផ្តើមថ្ងៃធ្វើការគឺប្រហែលម៉ោង ៥:០០ ព្រឹក ដោយពួកគេចំណាយពេលច្រើននៅពេលព្រឹករៀបចំផែនការអ្វីដែលត្រូវធ្វើ និងលេងកីឡា។
មនុស្សជោគជ័យជាច្រើនចំណាយពេល ១០-១៥ នាទី ដើម្បីធ្វើសមាធិ ឬគិតអំពីអ្វីមួយដោយអារម្មណ៍ស្ងៀមស្ងាត់ ម្យ៉ាងទៀត ការក្រោកពីព្រលឹមមិនមានន័យថា គេងមិនគ្រប់គ្រាន់នោះទេ ហើយ ៨៩% នៃអ្នកដែលមានទ្រព្យសម្បត្តិច្រើននឹងមានទម្លាប់គេងពី ៧ ទៅ ៨ ម៉ោង ក្នុងមួយយប់ ចូលគេងតាមពេលវេលាដែលបានណែនាំគឺចន្លោះម៉ោង ៩ យប់ដល់ម៉ោង ១០ យប់។
តែងតែចំណាយច្រើនជាងចំណូល៖ អ្នកក្រភាគច្រើនមានទម្លាប់ចំណាយច្រើនជាងចំណូល ដូចជាច្រើនទិញរថយន្តថ្លៃៗ និងទូរស័ព្ទថ្មីជាមួយនឹងការបង់រំលស់ ឬកាតឥណទានជាមុន ទោះបីជាពួកគេមិនមានលទ្ធភាពទិញ និងមិនត្រូវការវាក៏ដោយ។ វិធីនៃការចំណាយនេះនឹងធ្វើឱ្យពួកគេជាកូនបំណុលរបស់ធនាគារ ហើយពិបាកណាស់ក្នុងការចាកចេញពីភាពក្រីក្រ។ ដូច្នេះបើអ្នកចង់ក្លាយជាអ្នកមាន ត្រូវកែសម្រួលការចំណាយរបស់អ្នកចាប់ពីថ្ងៃនេះតទៅ ត្រូវចងចាំជានិច្ចនូវគោលការណ៍មិនត្រូវចំណាយលើសពីចំណូលនោះទេ។
តែងតែខ្ជិលនិងចូលចិត្តធ្វើតាមផ្លូវកាត់៖ មនុស្សជាច្រើនចង់ក្លាយជាអ្នកមាននិងជោគជ័យ ប៉ុន្តែមិនដែលចូលចិត្តបង់ថ្លៃរៀនសូត្រឡើយ។ ពួកគេតែងតែមានមោទនភាពចំពោះខ្លួនឯងដែលគិតថាពួកគេឆ្លាត ហើយនឹងមានផ្លូវកាត់ដែលនឹងនាំពួកគេទៅរកភាពជោគជ័យក្នុងវិធីលឿនបំផុត។ ប៉ុន្តែតាមការពិត មិនមែនគ្រប់គ្នាសុទ្ធតែអាចជោគជ័យដោយខ្លួនឯងនោះទេ ជាពិសេសសម្រាប់មនុស្សមួយចំនួនដែលមានស្តង់ដារខ្ពស់ ប៉ុន្តែគ្មានសមត្ថភាព។
មនុស្សដែលចូលចិត្តលេងផ្លូវកាត់ តែងមានទំនោរវាយតម្លៃលើការខិតខំប្រឹងប្រែងក្នុងរយៈពេលខ្លី ដូចជាការសិក្សា និងការខិតខំប្រឹងប្រែងជារៀងរាល់ថ្ងៃសម្រាប់តែមួយសប្តាហ៍ប៉ុណ្ណោះ។ ជាលទ្ធផល ពួកគេក៏ប្រឈមមុខនឹងការបរាជ័យផ្សេងៗ ដូចជាការងារមិនល្អ ប្រាក់ចំណូលមិនគ្រប់គ្រាន់សម្រាប់ផ្គត់ផ្គង់ជីវភាពរស់នៅជាដើម។
ប្រភព៖ បរទេស
ព័ត៌មានថ្មីៗ
