តាមក្បួនហុងស៊ុយនិយាយថា មិនថាផ្ទះធំឬតូចទេ មានត្រឹមរបស់ ៤ នេះគ្រប់គ្រាន់នឹងនាំមកនូវពរជ័យដល់គ្រួសារហើយ
ជាធម្មតាផ្ទះដែលអ្នកទាំងអស់គ្នាកំពុងរស់គឺពោរពេញដោយធាតុហុងស៊ុយ នឹងនាំមកនូវពរជ័យជាច្រើនដល់ម្ចាស់ ជាពិសេនាំលាភ សំណាង នឹងពាំនាំនូវទ្រព្យសម្បត្តិហូរហៀរ។ ប៉ុន្តែទោះបីជាយ៉ាងនេះក្ដី ក៏មិនត្រូវភ្លេចរបស់ ៤ នេះក្នុងផ្ទះដែរ។
ផ្ទះត្រូវមានខ្យល់ចេញចូល មានពន្លឺច្រើន៖ ភ្លើងគឺជាធាតុហុងស៊ុយកំពូលដែលម្ចាស់ផ្ទះគួរតែយកចិត្តទុកដាក់ កាលណាផ្ទះមានពន្លឺភ្លឺ បន្ទប់ពោរពេញដោយពន្លឺ នឹងនាំមកនូវអារម្មណ៍រីករាយ មានប្រយោជន៍ដល់សុខភាព។ បន្ថែមពីលើនេះ តាមក្បួណហុងស៊ុយ ផ្ទះមានពន្លឺភ្លឺ នឹងជួយឲ្យមានតុល្យភាពរវាងយិន និងយ៉ាងផងដែរ។ ផ្ទុយទៅវិញ បើផ្ទះងងឹត នឹងនាំឲ្យមានភាពអាប់អួរ ការស្នាក់នៅផ្ទះបែបនេះ ប៉ះពាល់ដល់សុខភាព និងស្មារតីរបស់សមាជិកគ្រួសារ ហើយលាភសំណាងក៏ធ្លាក់ចុះដែរ។
ផ្ទះត្រូវមានដើមឈើច្រើន៖ ដើមឈើរួមចំណែកដល់ភាពរឹងមាំនៃផ្ទះ ផ្ទះមានដើមឈើជាច្រើនដើម ដែលមានអាយុច្រើនឆ្នាំ មិនត្រឹមតែជួយឱ្យមានខ្យល់អាកាសបរិសុទ្ធប៉ុណ្ណោះទេ ថែមទាំងនាំមកនូវសុភមង្គលដល់គ្រួសារទៀតផង។ ប្រសិនបើដើមឈើនៅក្នុងផ្ទះរបស់អ្នកតែងតែមានពណ៌បៃតង ពន្លក នោះផ្ទះនោះពោរពេញដោយស្មារតីនិងភាពរឹងមាំ។ ការដាំដើមឈើដែលមានអាយុវែងក្នុងផ្ទះជាប្រផ្នូលល្អបញ្ជាក់ថា ម្ចាស់ផ្ទះមានទ្រព្យសម្បត្តិសម្បូរសប្បាយ និងមានសុខភាពល្អ។
ផ្ទះត្រូវមានបន្ទប់ស្អាត៖ ផ្ទះដែលមិនបានថែទាំ និងសម្អាតជាប្រចាំ នឹងមានភាពកខ្វក់ ផ្សិតមេរោគច្រើន ហើយសុខភាពសមាជិកគ្រួសារនឹងប៉ះពាល់។ បើសុខភាពមិនល្អ សំណាងក៏អាចមិនអាចដែរក្នុងគ្រួសារ ប៉ុន្តែបើផ្ទះសាងសង់យូរហើយ ប៉ុន្តែនៅតែរក្សាសណ្តាប់ធ្នាប់ អនាម័យ និងមិនមានផ្សិត នោះជាសញ្ញាល្អ ម្ចាស់ផ្ទះនឹងមានជីវិតកាន់តែមានសំណាង។
ផ្ទះត្រូវមានសត្វនៅ៖ សត្វតែងតែស្វែងរកកន្លែងដែលមានហុងស៊ុយល្អដើម្បីស្នាក់នៅ ហេតុនេះបើមានសត្វស្លាប ឃ្មុំ មេអំបៅ ឆ្កែជាដើម មកធ្វើសំបុក នោះមានន័យថា កំពូងនាំលាភ មានជ័យ មានសេចក្តីសុខ និងទ្រព្យសម្បត្តិហូរហៀរឲ្យម្ចាស់ផ្ទះហើយ។
ប្រភព៖ បរទេស
ព័ត៌មានថ្មីៗ
