អ្នកជាមនុសបែបណាក្នុងរឿងស្នេហា ងាយធ្លាក់ក្នុងអន្លង់ស្នេហ៍ ឬចិត្តរឹងដូចដែកថែប? សាករើសចិញ្ចៀនមួយទៅដឹងហើយ
សួស្តីប្រិយមិត្តនៃគេហទំព័រ Knongsrok ថ្ងៃនេះយើងនាំវិធីធ្វើតេស្តចិត្តសាស្ត្រ មួយទៀតមកឲ្យប្រិយមិត្តពិនិត្យមើលការគិត និងបុគ្គលិកលក្ខណះពិតខ្លួនឯង តាមរយៈការជ្រើសរើសចិញ្ចៀនមួយដែលអ្នកចូលចិត្តបំផុត ហើយអានចម្លើយពិតរបស់អ្នកនៅខាងក្រោម ។
ចិញ្ចៀនទី 1
អ្នកមានពន្លឺជាមនុស្សល្អ ស្មោះត្រង់ និងមានជឿជាក់អស់ពីចិត្តមិនថាជាមួយគូស្នេហ៍ឬមិត្តភ័ក្ត តែកុំច្រឡំ! អ្នកមិនឆោតល្ងង់ទេ ហៅថាជាការផ្តល់តម្លៃឲ្យគ្នាទៅវិញទៅមកទើបត្រូវ។ ពេលខ្លះភាពមនុស្សល្អរបស់អ្នក វាធ្វើមនុស្សមួយចំនួនច្រណែន រហូតដល់ថ្នាក់ឈ្នានីសលួចចាក់ពីក្រោយខ្នង មកដឹងខ្លួនម្តងទៀតវាធ្វើឲ្យអ្នកឈឺបាត់ទៅហើយ ម្ល៉ោះហើយត្រូវចេះការពារខ្លួនឯងខ្លះ ។
ចិញ្ចៀនទី 2
មានភាពជាស្ត្រីទន់ភ្លន់ណាស់ បើបានស្រឡាញ់នរណាម្នាក់ហើយនឹងស្រឡាញ់អស់ពីចិត្ត ជាមនុស្សដែលធ្វើតាមបេះដូងពិតមិនមែនជាការសម្តែង ប៉ុន្តែបើអ្វីដែលអ្នកមិនចូលចិត្តទោះយកលុយប៉ុន្មានមកជួលក៏ទៅមិនរួចដែរ ។ ក្នុងនោះក៏មានចំណុចត្រូវប្រយ័ត្នដែរ ព្រោះអ្នកមានភាពទាក់ទាញខ្លាំង អាចធ្វើឲ្យគេយល់ច្រឡំហើយគិតថាអ្នកកំពុងផ្តល់ក្តីសង្ឃឹម ធ្វើឲ្យលេចឮពាក្យលេចឮថាអ្នកមានសង្សារច្រើន នឹងធ្វើឲ្យប៉ះពាល់ដល់កេរ្តិ៍ឈ្មោះទៅថ្ងៃមុខ ។
ចិញ្ចៀនទី 3
អ្នកគឺជាមនុស្សរើសណាស់ មិនចេះតែទាក់ទងផ្តេសផ្តាសទេ អ្នកនឹងត្រូវការពេលវេលាដើម្បីមើលចិត្តថ្លើមជាមួយនរណាម្នាក់ឲ្យច្បាស់លាស់ តែបើបានដាក់ចិត្តស្រឡាញ់នរណាហើយ ច្រើនតែស្រឡាញ់គេខ្វល់ពីគេរហូតភ្លេចគិតពីខ្លួនឯង ហេតុនេះហើយទើបអ្នកមិនងាយដាក់ចិត្តស្រឡាញ់នរណាម្នាក់ ។
ចិញ្ចៀនទី 4
ជាមនុស្សងាយធ្លាក់ក្នុងអន្លង់ស្នេហ៍ណាស់ ហើយច្រើនតែខូចចិត្តជាញឹកញាប់ទៀត នោះក៏ព្រោះតែជ្រើសរើសស្រលាញ់មនុស្សខុស ធ្វើឲ្យបេះដូងខ្លាចរអាររឿងស្នេហាលែងហ៊ានចង់ប្រឡូក តែវាក៏នៅតែមិនអាចធ្វើឲ្យអ្នកកប់ខ្លួននៅក្នុងរណ្ដៅទុក្ខបានយូរនោះទេ ព្រោះថាមពលវិជ្ជមាននៅក្នុងខ្លួនរបស់អ្នកមានច្រើនណាស់ ខូចចិត្តមិនយូរប៉ុន្មានអ្នកនឹងត្រឡប់មកស្រស់ស្រាយវិញមិនខាន ។
ចិញ្ចៀនទី 5
អ្នកជាមនុស្សដែលមានជញ្ជាំងឃាំងខ្លួនឯងខ្ពស់ណាស់ មិនមែនថាអ្នកមិនចេះស្រលាញ់នរណាម្នាក់នោះទេ តែហៅថាមិនហ៊ានស្រឡាញ់ទើបត្រូវ ព្រោះអ្នកខ្លាចថាវាមិនរលូនដូចការគិត ម្យ៉ាងអ្នកគឺជាមនុស្សដែលមានភាពច្បាស់លាស់ និងគ្រប់គ្រងជីវិតខ្លួនឯងបានល្អរហូតមក គ្រាន់តែអ្នកមិនសូវមានជំនឿចិត្តក្នុងរឿងស្នេហា អ្នកគិតថាស្នេហាជារឿងរវាងមនុស្សពីរអ្នក បើអ្នកព្យាយាមគិតតែម្នាក់ឯងវាមិនអាចទៅរួចទេ ដូច្នេះមានតែរង់ចាំឲ្យដល់គូព្រេងហើយមើលទៅ ទើបអាចសាងអនាគតតាមបែបរបស់អ្នកបាន ៕
ប្រភព៖ Dek D/Knongsrok
ព័ត៌មានថ្មីៗ
