ទោះស្រឡាញ់ប្តីយ៉ាងណាក៏ដោយ បើអ្នកហ៊ានដាច់ចិត្តបោះបង់វត្ថុ ៣ នេះឲ្យគេ ប្រៀបដូចរុញខ្លួនឱ្យធ្លាក់នរក
គ្រប់ស្រ្តីទាំងអស់នៅពេលដែលខ្លួនពេញវ័យតែងមានបំណងប្រាថ្នាចង់រៀបការជាមួយបុរសម្នាក់ដែលអាចរួមរស់ជាគូជីវិតជាមួយគ្នាបានរហូតទៅ។ ក្នុងជិវិតស្រី្តមិនត្រឹមតែចង់បានស្វាមីដែលចេះយល់ចិត្ត និងស្រឡាញ់យកចិត្តទុកដាក់ប៉ុណ្ណោះទេ ប្រសិនបើបានឪពុកម្ដាយក្មេងចិត្តសប្បុរសទៀតកាន់តែប្រសើរណាស។ លើសពីនេះ រឿងដែលចាំបាច់បំផុត ស្រ្តីក្រោយពេលរៀបការតែងតែមិនសូវមានការតស៊ូឡើយ ជាពិសេសចំពោះអាជីពដែលខ្លួនស្រឡាញ់។
ខាងក្រោមនេះ ជាចំណុចសំខាន់ ៣ ដែលស្រ្តីបានបានបោះបង់ដើម្បីស្វាមី៖
បោះបង់អាជីពផ្ទាល់ខ្លួន៖ វាមិនមែនជារឿងចម្លែកទេដែលស្ត្រីតែងតែលាឈប់ពីការងារបន្ទាប់ពីរៀបការរួចមក ដើម្បតាំងខ្លួនធ្វើជាភរិយាល្អ និកូនក្រមុំល្អ សម្រាប់ស្វាមី ហើយម្យ៉ាងទៀត ស្ត្រីតែងតែគិតថា សេដ្ឋកិច្ចគ្រួសារប្ដីត្រូវតែជាអ្នកមើលថែ ដូច្នេះ ក្នុងនាមជាភរិយាគ្រាបន់តែសម្អាតផ្ទះឲ្យបានស្អាតចាត់ទុកថាផ្គាប់ចិត្តប្ដីបានល្អហើយ។ ស្ត្រីភាគច្រើនដោយសារតែពួកគេស្រឡាញ់ប្តី និងស្ដាប់ប្តីខ្លាំងពេក ទើបសម្រេចចិត្តបោះបង់អាជីពដែលខ្លួនស្រឡាញ់ សុខចិត្តនៅមើលថែកូន និងផ្ទះវិញ ប៉ុន្តែមិនយូរប៉ុន្មានក៏មានអារម្មណ៍ថា សោកស្តាយចំពោះការគិតរបស់ខ្លួនឯងដែលបានសម្រេចចិត្តខុសកន្លងមក។
បោះបង់ទំនាក់ទំនងជិតស្និទ្ធទាំងអស់៖ ក្នុងនាមជាមនុស្សស្រី មិត្តភ័ក្តិគឺជាទំនាក់ទំនងមួយដែលត្រូវតែមានដាច់ខាតក្នុងជិវិតមិនថាមានគ្រួសារហើយក៏ដោយ។ មនុស្សស្រីអាចអត់មានគូស្នេហ៍ ប៉ុន្តែត្រូវតែមានមិត្តភ័ក្តិ ព្រោះក្នុងជីវិតនេះ មនុស្សគ្រប់រូបត្រូវការមិត្តភ័ក្ដិដើម្បីជួយគ្នាក្នុងស្ថានភាពលំបាក។
មិនមើលថែឪពុកម្តាយបង្កើត៖ ឪពុកម្តាយគឺជាមនុស្សដែលស្រលាញ់អ្នកគ្មានដែនកំណត់ តែងតែលះបង់គ្រប់យ៉ាងដើម្បីមើលថែចិញ្ចឹមបីបាច់កូនៗ ហើយអ្នកក៏ប្រហែលជាមិនអាចសងគុណអស់ឡើយពេញមួយជីវិតនេះ។ ជាពិសេស នៅពេលដែលអ្នកមានទំនាក់ទំនងជាមួយនរណាម្នាក់ឪពុកម្តាយជាមនុស្សដំបូងដែលនឹងផ្តល់ដំបូន្មានល្អៗឲ្យអ្នក។ ហេតុដូចនេះ ទោះបីជាអ្នកមានគ្រួសារហើយក្ដី ក្នុងនាមជាមនុស្សស្រី ចូរកុំភ្លេចធ្វើជាមនុស្សកតញ្ញូចំពោះមាតាបិតា កុំបំផ្លាញជីវិតផ្ទាល់ខ្លួនរបស់អ្នកសម្រាប់បុរសណាម្នាក់ឲ្យសោះ។
ប្រភព៖ បរទេស
ព័ត៌មានថ្មីៗ
