ជ្រើសរើសកែវវេទមន្តមួយ អាចមើលឃើញពីអ្វីដែលកំពុងរង់ចាំអ្នកនៅខែមេសាខាងមុខ
មនុស្សយើងម្នាក់ៗ តែងតែចង់ដឹងមុន នូវរឿងរ៉ាវអនាគតកាល ព្រោះដើម្បីឲ្យយើងអាចត្រៀមខ្លួន ត្រៀមចិត្ត និងការពារ មិនថារឿងនោះ ជារឿងល្អ ឬរឿងអាក្រក់ក្តី។ តាមរយៈអត្ថបទនេះ Knongsrok នាំឲ្យអ្នកជ្រើសរើសរវាងកែវវេទមន្តមួយ ដែលពេញចិត្ត នោះយើងនឹងអាចផ្តល់ចម្លើយ ថាខែមេសាខាងមុខ អ្នកនឹងអាចជួបរឿងរ៉ាវអ្វីខ្លះក្នុងជីវិត៖
កែវវេទមន្តទី ១
ស្រលាញ់ខ្លួនឯងឲ្យបានច្រើន ថែរក្សាខ្លួនឯងឲ្យបានច្រើន កុំគិតពីអ្នកដទៃពេកអី។ ពេលវេលានៅខែមេសាខាងមុខ យើងមើលឃើញថា ជីវិតអ្នកបម្រុងនឹងមានគេច្រណែនកាន់តែច្រើន គេមានចេតនាចង់បោកប្រាស់ ចង់ឲ្យអ្នកជួបរឿងមិនល្អក្នុងជីវិត។
យ៉ាងណាយើងមានសាររបាំងណែនាំទៅកាន់អ្នកបន្តិច ដោយណែនាំឲ្យអ្នកកុំស្តាប់យោបល់ កុំស្តាប់ពាក្យផ្ដន្ទារបស់អ្នកដទៃពេកអី ហើយចូលរីករាយនូវអ្វីដែលខ្លួនមាន ឈរលើឆន្ទៈឆ្ពោះទៅមុខជានិច្ច សឹមថ្ងៃណាមួយ ជោគជ័យ សឹមបង្ហាញផលទាំងនោះ ឲ្យគ្រប់គ្នាដឹង ក៏មិនហួសពេលដែរ។
កែវវេទមន្តទី ២
អ្នកមានទេពកោសល្យពិតប្រាកដក្នុងខ្លួន តែមិនមានឱកាសល្អ សម្រាប់បង្ហាញ។ ពេលវេលារបស់អ្នកចូលមកដល់ហើយនៅខែមេសាខាងមុខ អំណោយទានពីធម្មជាតិ ភាពខ្លាំងពិតប្រាកដរបស់អ្នក នឹងទទួលបានឱកាសល្អមួយក្នុងការបង្ហាញ ហើយអាចចាប់ប្រយោជន៍ ចាប់ផ្លែផ្កាត្រលប់មកវិញ។
ទ្វារទៅកាន់អនាគត គឺជាទ្វារជោគជ័យ ទ្វារនាំអ្នកទៅរកលុយ។ ចូរបន្តការរក្សាគោលជំហរ ហើយហ្វឹកហាត់បន្ថែមទៀតនៅភាពខ្លាំងដែលអ្នកមានស្រាប់ ព្រោះឱកាសមិនចេះតែមានទេក្នុងជីវិត។
កែវវេទមន្តទី ៣
ភាពភ្ញាក់ផ្អើល ភាពរីករាយបំផុតមួយក្នុងជីវិត រៀបនឹងកើតឡើងហើយនៅខែមេសាខាងមុខ។ ទាំងស្នេហា ការងារ ការរកស៊ី គឺចាប់ផ្តើមល្អឡើងស្រឺតៗ ធៀបនឹងប៉ុន្មានខែដំបូងនៃឆ្នាំ ២០២២។
បរិយាកាសដ៏ល្អបែបនេះ ក៏នឹងបន្ថែមរសជាតិជីវិតថ្មីដល់អ្នក ឲ្យអ្នកមើលឃើញថាជីវិតមួយនេះ ធំធេងណាស់ មានរឿងច្រើនណាស់ ដែលអ្នកមិនធ្លាប់បានជួប។ រឿងដែលមិនធ្លាប់រំពឹងទុក ជារឿងវិជ្ជមានមួយ កៀកនឹងមកដល់ហើយ ចូរចាប់យកវាឲ្យបានល្អផង។
កែវវេទមន្តទី ៤
អ្នកជាចមនុស្សឈ្លាសវៃ មិនចេះទុកពេលវេលាចោលទេ អ្នកខិតខំប្រឹងប្រែងជារៀងរាល់ថ្ងៃ គ្រាន់ថាសំណាងមិនសូវកើតមាននៅប៉ុន្មានខែមកនេះ។
ចូលពេលទៅមុខ ដល់ខែមេសា ឆ្នាំ ២០២២ សម្រាប់អ្នកដែលជ្រើសយកកែវវេទមន្តទី ៤ ពួកគេនឹងត្រូវបានមនុស្សដែលមានរាសីខ្ពស់ខ្លាំង មកបើកផ្លូវ មកទាញដៃឲ្យអាចបោះជំហានទៅមុខ ប្រៀបដូចជារង្វាន់ដ៏ធំមួយប្រចាំឆ្នាំ។ តែយ៉ាងណា សូមមើលផ្លូវទៅមុខនោះផង តើចំគោលដៅ ចំបំណងប្រាថ្នាដែលអ្នកចង់សម្រេចឬអត់ ចូរប្រើប្រាស់ពេលវេលាបន្តិច ដើម្បីធ្វើការសម្រេចចិត្តលើរឿងរ៉ាវអ្វីមួយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
