ទៅស្គាល់ 8 អាហារដែលថ្លៃបំផុតនៅក្នុងពិភពលោក ហេតុអ្វីបានជាវាមានតម្លៃខ្ពស់កប់ពពកដូច្នេះ?
1. លំអងផ្កា Saffron
ជាគ្រឿងទេសថ្លៃបំផុតមួយក្នុងពិភពលោក វាមានរហស្សនាមថា "មាសក្រហម" មូលហេតុដែលវាថ្លៃគឺដោយសារតែវារីកនៅរដូវស្លឹកឈើជ្រុះត្រឹមតែ 1-2 សប្តាហ៍ក្នុងមួយឆ្នាំ។
រីឯដំណើរការប្រមូលផលទាំងមូលត្រូវធ្វើដោយដៃហើយផ្កា saffron នីមួយៗមានលំអងតែ 3 សសៃប៉ុណ្ណោះ ដូច្នេះហើយវាត្រូវការផ្ទៃដីដាំដុះធំណាស់ដើម្បីឲ្យបាន 1 kg ធ្វើឲ្យវាមានតម្លៃពី $1,100 ទៅ $11,000 ។
2. ពងត្រី Caviar
ពងត្រីដែលទទួលបានពីត្រី Sturgeon រស់នៅក្នុងធម្មជាតិគឺកម្រមាននិងថ្លៃណាស់ ពងត្រី Caviar គឺជាពងត្រីដែលឆ្លងកាត់ដំណើរការផ្អាប់អំបិលជាបឋម។
Caviar ដ៏ល្បីល្បាញបំផុតត្រូវបានផលិតចេញពីពងត្រី Beluga sturgeon ឬ ត្រី Sturgeon ពណ៌សដែលត្រូវបានរកឃើញនៅសមុទ្រកាសព្យែន និងសមុទ្រខ្មៅ ។
បច្ចុប្បន្នវាជិតផុតពូជហើយ ដែលធ្វើឱ្យមានការលំបាកយ៉ាងខ្លាំងក្នុងការទទួលបានពងពីត្រីនេះដោយស្របច្បាប់ ក្នុងនោះវាក៏ត្រូវចំណាយពេល 20 ឆ្នាំ ទើបត្រី Beluga sturgeon ធំឈានដល់ពេញវ័យនិងអាចពងបាន ទៀតសោតដើម្បីបានពងត្រូវធ្វើដោយវះត្រីតែប៉ុណ្ណោះ ហើយអ្វីដែលកម្រជាងនេះទៅទៀតនោះវាស្ទើរតែផុតពូជហើយ ។
យ៉ាងណាមិញ Caviar ពីត្រី Sturgeon ពណ៌សដែលមានអាយុ 100 ឆ្នាំ ត្រូវបានគេកត់ត្រាថាលក់ក្នុងតម្លៃ 34,500 ដុល្លារក្នុងមួយគីឡូក្រាម។
3.អយស្ទ័រ
នៅដើមសតវត្សរ៍ទី ១៩ អយស្ទ័រមានតម្លៃថោកដូចដំឡូងបំពងដែរ ហើយវាជាប្រភពអាហារដ៏សំខាន់សម្រាប់កម្មករដែលរស់នៅតាមបណ្តោយឆ្នេរប៉ុណ្ណោះ វាជាអាហារដែលអាចរកបានយ៉ាងងាយ ហើយគេច្រើនតែនាំយកទៅធ្វើជាស្នូលនំផាយ ។
តែដោយការនេសាទលើសកំណត់ និងការបំពុលបរិស្ថានបានប៉ះពាល់ដល់ចំនួនអយស្ទ័រធម្មជាតិ ទើបធ្វើឱ្យតម្លៃអាហារសមុទ្រមួយនេះឡើងថ្លៃ ដល់ទៅជាង 100$ ក្នុងមួយគីឡូក្រាម ។
4. ផ្សិត Truffle ពណ៌ស
វាគឺជាផ្សិតដ៏កម្រ និងពិបាករកបំផុតនៅក្នុងពិភពលោក វាអាចរកបានក្នុងការប្រមូលផលដែលរកឃើញនៅក្រោមដីក្នុងតំបន់ Piedmont នៅភាគពាយព្យនៃប្រទេសអ៊ីតាលី ជាធម្មតាផ្សិតនេះដុះនៅលើឫសនៃដើមឈើប៉ុណ្ណោះ។
វាត្រូវបានគេចាត់ទុកថាជាផ្សិតដែលពិបាករកជាងផ្សិតប្រភេទផ្សេងទៀត ហើយផ្សិត Truffles វាថ្លៃ ព្រោះវាជាផ្សិតដែលដុះតាមធម្មជាតិ មិនអាចបង្កាត់ពូជនៅកសិដ្ឋានបានទេ។
ក្នុងឆ្នាំ 2007 ផ្សិតពណ៌សពណ៌សទម្ងន់ 1,5 គីឡូក្រាមត្រូវបានដេញថ្លៃក្នុងតម្លៃកំណត់ត្រា 330,000 ដុល្លារ។
5. សាច់ហេម Jamon Iberico
ភាពលម្អិតនោះគឺពីដំណើរការនៃការចិញ្ចឹមជ្រូករហូតដល់ដំណើរការនៃការផ្អាប់ វាអាចចំណាយពេលដល់ទៅ 7 ឆ្នាំ វាជាអាហារថ្លៃពីប្រទេសអេស្ប៉ាញ និងព័រទុយហ្គាល់ ដែលប្រើសាច់ជ្រូកខ្មៅ Iberian មានដើមកំណើតនៅឧបទ្វីប Iberian ត្រូវបានព្រលែងដោយសេរីនៅក្នុងព្រៃ Oak ហើយជ្រូកនឹងស៊ីតែផ្លែ Oak រហូតដល់អាយុគ្រប់គ្រាន់ដើម្បីយកសាច់មកធ្វើជាហេម ។
រីឯតម្លៃខ្ពស់ក៏ដោយសារដំណើរនៃការផលិតយូរ ហេមដែលមានតម្លៃខ្ពស់ត្រូវបានផ្អាប់រយៈពេល 36 ខែ ឬរហូតដល់ 48 ខែនៅក្នុងតំបន់ដែលមានអាកាសធាតុស្ងួតជាពិសេស វាមានតម្លៃចាប់ពី 200-300 ដុល្លារក្នុងមួយគីឡូក្រាម ។
6. សាច់គោ Wagyu
សាច់គោ Wagyu មកពីពូជគោជប៉ុនចំនួន 4 ប្រភេទ សាច់នឹងមានក្រឡាខ្លាញ់ដូចថ្មម៉ាប វាធ្វើឱ្យសាច់មានរសជាតិឈ្ងុយឆ្ងាញ់ ដែលវាស្ទើរតែរលាយក្នុងមាត់ពេលហូប។
មូលហេតុដែលសាច់ប្រភេទនេះមានតម្លៃខ្ពស់មកពីការចិញ្ចឹមយ៉ាងម៉ត់ចត់ ដើម្បីឱ្យសាច់គោមានខ្លាញ់ថ្មម៉ាប វាត្រូវឆ្លងកាត់ដំណើរការចិញ្ចឹមនិងមើលថែយ៉ាងម៉ត់ចត់។
សាច់ Wagyu ជាសាច់គោមួយប្រភេទដែលមានតម្លៃថ្លៃបំផុត វាត្រូវបានគេដាក់លក់នៅប្រទេសជប៉ុនក្នុងតម្លៃប្រហែល ៦៤០ ដុល្លារអាមេរិកក្នុងមួយគីឡូក្រាម។
7. កាហ្វេអាចម៍សំពោច (Kopi luwak)
វាជាភេសជ្ជៈតម្លៃថ្លៃតម្លៃប្រហែល ៧០០ ដុល្លារអាមេរិកក្នុងមួយគីឡូក្រាម។
កាហ្វេនេះមានប្រភពមកពីកោះស៊ូម៉ាត្រាប្រទេសឥណ្ឌូនេស៊ី ដោយតម្លៃកាហ្វេខ្ពស់គឺមកពីដំណើរការផលិតដ៏ស្មុគស្មាញ។
ដោយសារតែអ្នកផលិតនឹងឱ្យសំពោចស៊ីផ្លែកាហ្វេទុំ ដើម្បីឱ្យអាស៊ីតនិងអង់ស៊ីមនៅក្នុងក្រពះរបស់វាធ្វើប្រតិកម្មគីមីជាមួយផ្លែកាហ្វេស្រដៀងទៅនឹងការផ្អាប់ ហើយក្រពះនឹងរំលាយបានតែសំបក និងសាច់នៃគ្រាប់កាហ្វេ មានតែគ្រាប់កាហ្វេប៉ុណ្ណោះដែលមិនអាចរំលាយបាន និងត្រូវបញ្ចេញចោល។
បន្ទាប់មកកសិករនឹងប្រមូលលាមកសត្វសំពោច បន្ទាប់មកញែកយកតែគ្រាប់កាហ្វេមកសម្អាត បន្ទាប់មកសំងួតហើយលីងរហូតដល់គ្រាប់កាហ្វេលីងទាំងស្រុងអាចកិនជាធ្វើជាភេសជ្ជផេបាន ។
8. Foie Gras ឬ ថ្លើមក្ងាន
ថ្លើមក្ងានមានតាំងពីសម័យអេហ្ស៊ីបបុរាណ Foie gras ផលិតពីថ្លើមក្ងានឬថ្លើមទា ដែលត្រូវបានបង្កាត់ទៅជាថ្លើមដែលមានទំហំធំជាងធម្មតាដល់ទៅ 10 ដង វាមានរសជាតិសម្បូរបែបនិងទន់ល្មើយ។
បច្ចុប្បន្នមានប្រទេសជាច្រើនបានផលិត នាំចូលនិងលក់ foie gras ខុសច្បាប់ ព្រោះវាចាត់ទុកជាការធ្វើបាបសត្វ តែទោះជាយ៉ាងណាក៏ដោយ អាហារនេះនៅតែពេញនិយមនៅក្នុងប្រទេសជាច្រើន ៕
ប្រភព៖ BBC
ព័ត៌មានថ្មីៗ
