ផ្លែក្រូចនាំសំណាង! រើសផ្លែក្រូចមួយដែលអ្នកចង់បេះ ដើម្បីដឹងថានាអនាគតដ៏ខ្លីខាងមុខអ្នកនឹងទទួលបានលាភអ្វី
ថ្ងៃនេះគេហទំព័រ Knongsrok សូមអញ្ជើញបងប្អូនប្រិយមិត្តទាំងអស់ មកទាយអំពីអនាគតដ៏ខ្លីខាងមុខនេះ តាមរយៈការជ្រើសរើសផ្លែក្រូចនាំសំណាង ១ ក្នុងចំណោមផ្លែក្រូចទាំង ៨ ផ្លែនៅលើដើមឈើដែលអ្នកបានឃើញ ហើយមានអារម្មណ៍ថាចង់បេះបំផុត បន្ទាប់មករំកិលចុះចុះក្រោមដើម្បីអានការព្យាករណ៍អនាគតខាងក្រោម ។
ផ្លែក្រូចលេខ 1
ប្រសិនបើអ្នកជ្រើសរើសផ្លែក្រូចលេខ ១ នោះមានន័យថា បំណងប្រាថ្នារបស់អ្នកនឹងក្លាយជាការពិតឆាប់ៗនេះ អ្នកនឹងឆ្ពោះទៅមុខយ៉ាងឆាប់រហ័ស គ្មានអ្វីអាចបញ្ឈប់អ្នកបានទេ ប៉ុន្តែនៅមានការដាស់តឿនមួយឲ្យអ្នកចង់ចាំថា អ្នកនឹងត្រូវបន្តព្យាយាមជំនះឧបសគ្គកុំរាថយ ហើយព្យាយាមរក្សាភាពស្ងប់ស្ងៀម កុំបង្ហាញខ្លួនទៅនេះទៅនោះច្រើនពេក ។
ផ្លែក្រូចលេខ 2
ប្រសិនបើអ្នកជ្រើសរើសផ្លែក្រូចលេខ ២ មានន័យថា គោលដៅរបស់អ្នកនឹងសម្រេចតាមការរំពឹងទុក ក្នុងរយៈពេលប៉ុន្មានខែខាងមុខនេះ ប៉ុន្តែដើម្បីឱ្យអ្នកសម្រេចបាន ទាមទារឱ្យមានការខិតខំប្រឹងប្រែង និងព្យាយាមអត់ធ្មត់ ។
ផ្លែក្រូចលេខ 3
ប្រសិនបើអ្នកជ្រើសរើសផ្លែក្រូចលេខ ៣ មានន័យថា អ្នកអាចសម្រេចបាននូវលទ្ធផលដែលចង់បាន ប្រសិនបើអ្នកធ្វើអ្វីមួយដោយការតាំងចិត្ត មិនមែនបានមកដោយត្រឹមតែបន់ស្រន់សុំឲ្យបានសម្រេចតែមួយមុខទេ ។
ផ្លែក្រូចលេខ 4
ប្រសិនបើអ្នកជ្រើសរើសយកផ្លែក្រូចលេខ ៤ មានន័យថា នឹងមានឧបសគ្គខ្លះៗ កើតឡើងមុនពេលអ្នកទទួលភាពជោគជ័យ ដូច្នេះកុំព្យាយាមអូសទូកបញ្ច្រាសទឹក ត្រូវរកវិធីដើរតាមលំហូរជីវិត ហើយនៅទីបំផុតអ្នកនឹងទទួលបានភាពជោគជ័យ ។
ផ្លែក្រូចលេខ 5
ប្រសិនបើអ្នកជ្រើសរើសយកផ្លែក្រូចលេខ ៥ មានន័យថា ក្តីសង្ឃឹមរបស់អ្នកនឹងក្លាយជាការពិតមួយឆ្នាំចាប់ពីពេលនេះតទៅ ។ ពេលអានហើយកុំបាក់ទឹកចិត្ត ព្រោះពេលវេលាកន្លងផុតទៅលឿនណាស់ ចូលប្រើពេលវេលាដើម្បីផលប្រយោជន៍ អ្នកប្រាកដជាជោគជ័យ។
ផ្លែក្រូចលេខ 6
ប្រសិនបើអ្នកជ្រើសរើសផ្លែក្រូចលេខ ៦ មានន័យថា ភាពជោគជ័យរបស់អ្នក នឹងរីកធំធាត់ដោយសារសកម្មភាព មិនមែនគិតតែមួយមុខនោះទេ ដូច្នេះមិនថាអ្នកមានគម្រោងធ្វើអ្វីត្រូវតែព្យាយាមសម្រេចវាឲ្យបាន ។
ផ្លែក្រូចលេខ 7
ប្រសិនបើអ្នកជ្រើសរើសផ្លែក្រូចលេខ ៧ មានន័យថា អ្នកនឹងទទួលបានបទពិសោធន៍ជីវិតដែលអ្នកប៉ងប្រាថ្នានាពេលអនាគត នៅពេលណាដែលអ្នកចាប់ផ្តើមស្រឡាញ់ខ្លួនឯង ហើយមានមោទនភាពចំពោះខ្លួនឯង ជំពូកថ្មីនៃជោគវាសនានឹងកើតមកភ្លាម ។
ផ្លែក្រូចលេខ 8
ប្រសិនបើអ្នកជ្រើសរើសផ្លែក្រូចលេខ ៨ មានន័យថា អ្នកនឹងទទួលបានជោគជ័យក្នុងពេលឆាប់ៗនេះ ហើយជោគជ័យនេះគឺជារង្វាន់សម្រាប់អំពើល្អដែលអ្នកបានធ្វើកន្លងមក តែប្រសិនបើអ្នកមិនធ្លាប់ធ្វើល្អចំពោះអ្នកណា អាចនឹងពិបាកក្នុងការមានសង្ឃឹម ៕
ប្រភព៖ Knongsrok
ព័ត៌មានថ្មីៗ
