ដាច់ខាត! អាហារ ៥ មុខនេះ បើអ្នកមិនចង់ឲ្យស្បែកយ៉ាប់យុឺន ឆាប់ចាស់ទេ សូមកុំញាំច្រើនពេក
ក្រៅពីគ្រឿងសម្អាងដែលបានទិញយកមកប្រើប្រាស់ហើយបណ្ដាលឲ្យស្បែកកាន់តែយ៉ាប់យឺន នឹងចាស់ជាងអាយុនោះ ក៏មានមនុស្សតិចណាស់ដែលសង្ស័យ ផ្ដោតសំខាន់លើអាហារដែលទទួលទានរាល់ថ្ងៃនេះ ព្រោះពេលខ្លះវាក៏ជាពពួកអាហរដែលអាចបង្កជាពិរុទ្ធជនប៉ះពាល់ដល់សុខភាពធ្ងន់ធ្ងរផងដែរ។
សាច់អាំង
សម្រាប់សាច់ដូចជាសាច់គោ សាច់មាន់ ដែលត្រូវបានកែច្នៃតាមរបៀបធម្មតា ប្រព័ន្ធរំលាយអាហាររបស់មនុស្សត្រូវចំណាយពេលរហូតដល់ ៧២ ម៉ោងដើម្បីធ្វើដំណើរការរំលាយ។ ដូច្នេះ បើអ្នកមានទម្លាប់ញ៉ាំសាច់អាំងច្រើន អ្នកនឹងមានបញ្ហាប្រព័ន្ធរំលាយអាហារជាក់ជាមិនខាន ជាពិសេសការញ៉ាំញឹកញាប់ពេកក៏អាចនាំឲ្យកើតជំងឺជាច្រើនទៀតដែលទាក់ទងនឹងប្រព័ន្ធរំលាយអាហារផងដែរ។
អាហារដែលមានជាតិស្ករខ្ពស់
ជាតិស្ករត្រូវបានគេចាត់ទុកថា ជាសត្រូវរបស់ស្បែកព្រោះវាបានរួមចំណែកដល់បញ្ហាសើស្បែកដូចជាមុន, ពន្លឿនដំណើរការនៃភាពចាស់។ ដូច្នេះ ការញ៉ាំអាហារសម្បូរជាតិស្ករច្រើនអាចធ្វើឱ្យចាស់មុនអាយុ។ ដោយសារជាតិស្ករ រំខានដល់ដំណើរការជួយបង្កើត collagen និង elastin ដែលជាសារធាតុចិញ្ចឹមរក្សាស្បែកឱ្យមានសុខភាពល្អ។ ជាពិសេស នៅក្នុងភេសជ្ជៈ និងភេសជ្ជៈប៉ូវកម្លាំង មានជាតិស្ករច្រើនណាស់ ប្រសិនបើអ្នកទទួលទានកាន់តែច្រើន កោសិកាស្បែកកាន់តែឆាប់ចាស់។
អាហារប្រៃ
នៅពេលដែលអ្នកមិនបានចម្អិនអាហារជាមួយអំបិល មិនមែនមានន័យថា អ្នកមានជាតិប្រៃតិចនោះទេ។ គ្រូពេទ្យជំនាញខាងសើស្បែកនិយាយថា អាហារដូចជាអាហារកំប៉ុងភាគច្រើនសម្បូរទៅដោយជាតិសូដ្យូមដើម្បីរក្សាទុកបានយូរ។ ការញាំអាហារប្រភេទនេះច្រើនពេក អាចបណ្តាលឱ្យរាងកាយរក្សាជាតិទឹក បណ្តាលឱ្យហើម ស្បែកយារធ្លាក់ និងស្បែកឆាប់ចាស់។
ភេសជ្ជៈមានជាតិកាហ្វេអ៊ីន
ភេសជ្ជៈមានជាតិកាហ្វេអ៊ីននឹងធ្វើឱ្យអ្នកមានអារម្មណ៍ភ្លឺស្វាង អាចចាប់ផ្ដើមនូវថ្ងៃថ្មីបាន ប៉ុន្តែវាក៏ជំរុញឱ្យមានការបញ្ចេញទឹកនោមច្រើនផងដែរ ដែលមានន័យថា រាងកាយងាយនឹងខ្សោះជាតិទឹក រហូតធ្វើឲ្យស្បែកមានសភាពស្ងួត។ ដូច្នោះ ប្រសិនបើអ្នកចង់ទទួលបានស្បែកដែលមានសុខភាពល្អ និងក្មេងជាងវ័យ អ្នកត្រូវមានរបៀបរស់នៅ និងរបបអាហារដែលមានសុខភាពល្អដាច់ខាត។
ផឹកស្រា
ការផឹកស្រាច្រើនមិនត្រឹមតែប៉ះពាល់ដល់សុខភាពសរីរាង្គខាងក្នុងប៉ុណ្ណោះទេ ថែមទាំងធ្វើឱ្យអ្នកមើលទៅចាស់ជាងអាយុទៀតផង ដោយសារជាតិអាល់កុលគឺជាថ្នាំបញ្ចុះទឹកនោមធម្មជាតិ នៅពេលដែលអ្នកផឹកកាន់តែច្រើន អ្នកនឹងខ្សោះជាតិទឹកកាន់តែច្រើន។ ជាពិសេស នៅពេលដែលរាងកាយមិនត្រូវបានផ្តល់ទឹកគ្រប់គ្រាន់ វានឹងប៉ះពាល់ដល់សរីរាង្គក្នុងរាងកាយ និងរួមចំណែកធ្វើឱ្យស្បែករបស់អ្នកចាស់។
ប្រភព៖ បរទេស
ព័ត៌មានថ្មីៗ
