អាហារបំប៉ន ៦ មុខ ញាំឲ្យបានទៀតទាត់ផ្ដល់គុណប្រយោជន៍ច្រើន ដោយមិនបាច់បារម្ភពីការកើតជំងឺ
ក្រៅពីការធ្វើលំហាត់ប្រាណ និងការធ្វើអត្តពលិកប្រចាំថ្ងៃ អ្នកគួរតែយកចិត្តទុកដាក់លើរបបអាហារមួយចំនួនដូចខាងក្រោមនេះ ដើម្បីធានាបាននូវសុខភាពល្អ រាងកាយទទួលបានសារធាតុចិញ្ចឹមគ្រប់គ្រាន់ ចាកឆ្ងាយពីជំងឺសាហាវផ្សេងៗទៀត។ ទាំងអស់នេះជាអាហារ ៦ មុខ ដែលអ្នកគួរតែយកចិត្តទុកដាក់៖
១.ត្រី
ត្រីសម្បូរទៅដោយសារធាតុចិញ្ចឹម ដូចជា ប្រូតេអ៊ីនគុណភាពខ្ពស់ វីតាមីន សារធាតុរ៉ែ និងខ្លាញ់អូមេហ្គា-៣។ ក្រៅពីនេះ សាច់ត្រីមានសភាពទន់ និងងាយទំពា ដែលបង្កើតលក្ខខណ្ឌល្អសម្រាប់មនុស្សចាស់បរិភោគ។ មិនតែប៉ុណ្ណោះ ត្រីមានប្រសិទ្ធិភាពក្នុងការបំប៉នលំពែង និងក្រពះ ចិញ្ចឹមថ្លើម ចិញ្ចឹមឈាម ស្បែក និងសក់ ។
លើសពីនេះ ត្រីមានសារធាតុចិញ្ចឹមសំខាន់ៗដែលជួយរក្សាដង់ស៊ីតេឆ្អឹងបានល្អ។ បន្ទាប់ពីអាយុ ៤០ ឆ្នាំ រចនាសម្ព័ន្ធឆ្អឹងមានទំនោរទៅជាកាល់ឡូរី ប្រសិនបើខ្វះសារធាតុចិញ្ចឹមមួយចំនួន ដូច្នេះហើយ ការទទួលទានត្រី ជាវិធីដ៏ល្អមួយ ដើម្បីជៀសវាងការបាក់ឆ្អឹង។ បន្ថែមពីនេះ ត្រីក៏ជួយពន្យារការចាប់ផ្តើមនៃជំងឺ Alzheimer និងជំងឺវង្វេងផ្សេង ចំណែកវីតាមីន A, C, D, E និង អូមេហ្គា-៣ ជួយពន្យារភាពចាស់នៃកោសិកា ការពារអុកស៊ីតកម្ម និងប្រឆាំងនឹងការរលាក។
២. ឈាមជ្រូក
ឈាមជ្រូកមានវីតាមីន ប្រូតេអ៊ីន ជាតិដែក ផូស្វ័រ កាល់ស្យូម នីយ៉ាស៊ីន និងសារធាតុចិញ្ចឹមជាច្រើនទៀត។ អាហារនេះជួយការពារ និងគាំទ្រការព្យាបាលភាពស្លេកស្លាំងកង្វះជាតិដែក ពង្រឹងភាពស៊ាំ និងការពារជំងឺ Alzheimer ជាដើម ។ Phospholipids នៅក្នុងឈាមជ្រូកអាចបង្កើនបរិមាណ acetylcholine និងបង្កើតទំនាក់ទំនងរវាងកោសិកាប្រសាទយ៉ាងឆាប់រហ័ស ដោយហេតុនេះធ្វើអោយការចងចាំរបស់មនុស្សមានភាពប្រសើរឡើង។
ការទទួលទានឈាមជ្រូកមានប្រសិទ្ធភាពការពារភាពស្លេកស្លាំងដែលបណ្ដាលមកពីកង្វះជាតិដែក។ ហេតុដូច្នេះ មនុស្សវ័យកណ្តាល និងមនុស្សចាស់ គួរទទួលទានឈាមជ្រូកឲ្យបានត្រឹមត្រូវ ដើម្បីជួយការពារជំងឺសរសៃឈាមបេះដូង សរសៃឈាម។
៣. បង្គាទន្លេ
បង្គាទន្លេផ្តល់នូវប្រូតេអ៊ីនសត្វដែលមានគុណភាពខ្ពស់ ជួយពង្រឹងភាពស៊ាំរបស់រាងកាយ ប្រឆាំងនឹងភាពទន់ខ្សោយនៃសាច់ដុំ ជាពិសេស ជួយបន្ថែមជាតិកាល់ស្យូមដើម្បីប្រឆាំងនឹងជំងឺពុកឆ្អឹងល្អខ្លាំងណាស់សម្រាប់មនុស្សវ័យកណ្តាល និងមនុស្សចាស់។
៤. សណ្តែកសៀង
សណ្តែកសៀងសម្បូរប្រូតេអ៊ីនដែលមានគុណភាពខ្ពស់ ថែមទាំងមានអាស៊ីដអាមីណូសំខាន់ៗដូចមាននៅក្នុងសាច់ដែរ។ យោងតាមការស្រាវជ្រាវ សណ្តែកសៀងមានប្រសិទ្ធភាពបញ្ចុះកូឡេស្តេរ៉ុលក្នុងឈាម ការពារជំងឺលើសឈាម ការឡើងរឹងនៃសរសៃឈាម។ សណ្តែកសៀង ជួយកាត់បន្ថយហានិភ័យថយនៃជំងឺសរសៃឈាមបេះដូង ដូចជា ជំងឺដាច់សរសៃឈាមខួរក្បាល និងជំងឺសរសៃឈាមបេះដូង។
៥. សារាយសមុទ្រ
សារាយសមុទ្រសម្បូរទៅដោយជាតិអ៊ីយ៉ូត ដែលអាចជួយដល់មុខងារក្រពេញទីរ៉ូអ៊ីត។ ក្រពេញទីរ៉ូអ៊ីតពឹងផ្អែកលើអ៊ីយ៉ូត ក្នុងការបញ្ចេញអរម៉ូន ដើម្បីជួយគ្រប់គ្រងការលូតលាស់ ការផលិតថាមពល ការបង្កើតឡើងវិញ និងជួសជុលកោសិកាដែលខូចនៅក្នុងរាងកាយ។ ក្រៅពីនេះ សារាយសមុទ្រមានផ្ទុកនូវវីតាមីន A, C, E និង K មួយចំនួនតូច រួមជាមួយនឹងសារធាតុ folate ស័ង្កសី សូដ្យូម កាល់ស្យូម និងម៉ាញ៉េស្យូមផងដែរ។
លើសពីនេះទៀត សារ៉ាយសមុទ្រសម្បូរទៅដោយសមាសធាតុរុក្ខជាតិមានប្រយោជន៍ រួមទាំងសារជាតិ flavonoids និង carotenoids ដែលមានសមត្ថភាពការពារកោសិការបស់រាងកាយពីឥទ្ធិពលបំផ្លាញនៃរ៉ាឌីកាល់សេរី។
៦. គ្រាប់ Walnut
យោងតាមការស្រាវជ្រាវ ការទទួលទាន Walnut ជាទៀងទាត់ធ្វើអោយប្រសើរឡើងនូវមុខងារខួរក្បាល។ គ្រាប់ Walnut សម្បូរទៅដោយអាស៊ីតខ្លាញ់ Omega-៣ដែលជួយការពារជំងឺធ្លាក់ទឹកចិត្ត កាត់បន្ថយការកើតជំងឺសរសៃឈាមបេះដូង។
លើសពីនេះទៀត Walnut មានលក្ខណៈសម្បត្តិប្រឆាំងនឹងការរលាក ជាពិសេស គ្រាប់ Walnut មានសមត្ថភាពប្រឆាំងនឹងហានិភ័យមហារីក ជួយពន្យឺតការលូតលាស់នៃជំងឺមហារីកជាច្រើនដូចជា មហារីកក្រពេញប្រូស្តាត មហារីកសុដន់ មហារីកលំពែង។
ប្រភព៖ បរទេស
ព័ត៌មានថ្មីៗ
