លាតដៃឡើង ម្រាមដៃអ្នកសល់ប្រឡោះប៉ុន្មាន អាចទាយដឹងពីផ្នែកទ្រព្យនៅពេលទៅមុខ
អ្នកសាកល្បងលាតដៃរបស់អ្នកឡើង ហើយផ្ទឹមម្រាមទាំងអស់ចូលគ្នា ដើម្បីឲ្យពួកយើងអាចទាយដឹងអំពីចរិតលក្ខណៈ និងទ្រព្យសម្បត្តិពេលទៅមុខរបស់អ្នក។ តុះទៅស្វែងយល់ទាំងអស់គ្នានៅខាងក្រោម៖
១) គ្មានចន្លោះ ម្រាមបិទជិត
ប្រសិនដៃរបស់អ្នក មានម្រាមបិទជិត មិនឃើញចន្លោះណាមួយ នោះអ្នករមែងជាមនុស្សប្រើប្រាស់អារម្មណ៍ខ្ពស់ មានភាពចាស់ទុំមុនវ័យ មានភាពម៉ត់ចត់ ធ្វើអ្វីដោយប្រុងប្រយ័ត្នបំផុត។ អ្នកក៏តែងតែមើលថែ និងគិតគូរដល់អ្នកផ្ទះជាអាទិភាព។
និយាយអំពីទ្រព្យ អ្នកជាមនុស្សដែលនៅមិនស្ងៀមមួយកន្លែងឡើយ ពោលគឺពូកែខាងរកលុយ ហើយមិនថាបរិយាកាសប្រែប្រួលបែបណា គឺតែងតែរក្សាជំហររឹងមាំ និងមិនងាយបោះបង់អ្វីមួយចោលឡើយ។
២) ឃើញមានប្រឡោះមួយ
ប្រសិនបាតដៃនោះ មើលឃើញប្រឡោះមួយរំលេចឡើង ឬចំហ នោះអ្នករមែងជាមនុស្សស្វាហាប់ ហើយតែងតែស្រលាញ់សេរីភាព ឯករាជ្យ ការរស់នៅភាពជាខ្លួនឯង។ មនុស្សដូចជាអ្នកមានការគិតបែបសុទិដ្ឋិនិយម ហើយក៏រមែងទទួលបានការស្រលាញ់ពីមនុស្សជុំវិញខ្លួនណាស់ដែរ។
និយាយអំពីផ្នែកទ្រព្យសម្បត្តិ អ្នកជាមនុស្សមានគំនិតភ្លឺស្វាង មានឧត្តមគតិខ្ពស់ ឧស្សាហ៍ព្យាយាមក្នុងការងារ ដូច្នេះនិយាយពីជោគជ័យ ក៏ងាយនឹងទទួលបានផងដែរ។ មនុស្សនេះច្រើនតែមាន ទាំងក្មេងវ័យ អាយុ ៣០ មិនទាន់ទេ រកឃើញកន្លែងស្រួលហើយ។
៣) មានប្រឡោះពីរ
បើអ្នកមានប្រឡោះពីរនៅលើម្រាមដៃ នោះអ្នករមែងជាមនុស្សដែលមានផែនការណ៍ច្បាស់លាស់ក្នុងជីវិត។ អ្នកតែងតែព្យាយាមមួយជំហានម្តងៗ ដោយមិនបង្ខំទេ តែអ្នកជាមនុស្សមានប្រាជ្ញា ពេលខ្លះលាក់កំនួច ដើម្បីសម្ងំមើលអ្នកដទៃធ្វើ។
និយាយពីទ្រព្យ មនុស្សនេះរមែងមានស្ថិរភាពផ្នែកទ្រព្យ តាំងតែពីចាប់កំណើតមក ពោលបានអំណោយផលពីគ្រួសារតាំងតែពីកើត ពោលច្រើនតែស្ថិតក្នុងជីវភាពគ្រួសារយ៉ាងហោចណាស់មធ្យម មិនស្គាល់ពាក្យ លំបាកខ្លាំងឡើយ។
៤) មានប្រឡោះបី
អ្នកជាមនុស្សដែលតែងតែសប្បាយ រីករាយនឹងជីវិត ងាយស្រួលសម្រប ចុះសម្រុង មិនច្របូកច្របល់ជាមួយនរណាទេ។
និយាយពីទ្រព្យ និងសំណាង អ្នកជាមនុស្សមានសមត្ថភាពខ្ពស់ក្នុងការរកលុយ ប៉ុន្តែអ្នកមិនសូវចេះរក្សាវាឡើយ។ អ្នកតែងតែធ្វើតាមអារម្មណ៍ សប្បាយមួយពេល ឲ្យតែបាន ហើយសឹមគិតតាមក្រោយទៀត ជារួមអ្នកគិតថា លុយអាចទិញសេចក្តីសុខ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
